Dowladda Federaalka Soomaaliya ayaa sheegtay in ay u sharaxan tahay xilka Guddoomiyaha Guddiga Midowga Afrika (African Union Commission) ee Sanadaha 2025-2028, kaas oo loo sharaxay Wasiirkii hore ee arrimaha dibadda Fowsiya Yusuf Haji Adam.
Qoraal kooban oo koo soo baxay Xafiiska Raโiisul Wasaaraha ayaa lagu sheegay,ย โIyadoo laga duulayo qorshaha dowladda Soomaaliyeed ee xoojinta doorka aan ku leennahay Ururada Caalamiga iyo kuwa Gobolka, ayaa waxaa Xildhibaan Fawzia Yusuf Haji Adam, ay ku matali doontaa dowladda Soomaaliya tartanka Guddoomiyaha Guddiga Midowga Afrika (African Union Commission) ee Sanadaha 2025-2028.โ
Xildhibaan Fawzia Yusuf Haji Adam oo ka tirsan mudanayaasha Golaha Shacabka Baarlamaanka Federaalka Soomaaliya, ayaa ka mid ahayd musharaxiintii u tartantay xilka Madaxweyanaha 10aad ee Soomaaliya, iyada oo horay u soo noqotay Wasiirka Arrimaha dibadda iyo Raโiisul Wasaare ku xigeenka.
Xilkaan ay u sharaxan tahay Xildhibaan Fawzia Yusuf Haji Adam ee Guddoomiyaha Guddiga Midowga Afrika (African Union Commission) ayaa ku soo adaysa xilli Soomaaliya uu xiriir wanaagsan kala dhaxeenin dowladda Itoobiya oo damac kaga jirta Badda Soomaaliya