Rasmus Hojlund waa in uu ka fogaadaa in uu isku adkeeyo ciyaarta isla markaas uu u baahan yahay in uu noqdo mid xoogan si uu dhinaca kale ugu rogo nasiibkiisa goolka hortiisa.
Taasi waa sida uu qabo Dimitar Berbatov, kaas oo qirtay inuu dareensanyahay dhibaatada xiddiga reer Denmark ku dhibaatoonayo goolasha xilli ciyaareedkan.
Hojlund ayaa lix jeer shabaqa soo taabtay tan iyo markii uu kooxda ugu soo biiray 72 milyan laakiin waxa uu dhaliyay hal gool oo premier League ah.
Goolka Premier League ayaa ka yimid kulankii ay Man United guusha soo laabashada leh ka gaadhay Aston Villa.
Xiddiga 20 jirka ah oo dadaalkiisa ku xaday qalbiga taageerayaasha ayaa khasaariyay fursado badan.
Berbatov waxa uu sheegay in Hojlund uu u baahan yahay in uu u dulqaato goolka hortiisa iyo ka soo boxo weerarka si uu uga qayb qaato ciyaarta.
“Hadii aad goolal ku qiimaynayo, ilaa haatan sida iska cad ma dhalin goolal ku filan”ayuu Berbatov u sheegay Metro.
“Sababta oo ah maskaxdiisa waxa ku jirta anigu kuma fiicni Man United?, goorma ayaan goolal dhalin doonaa?”.
“Anigu waxa aan kula talin lahaa in uu madaxiisa dajiyo oo uu sida uu doonayo u ciyaaro”ayuu sii raaciyay.