Jowhar, 21-Jannaayo-2026: Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa maanta saxiixay Sharciga Dakhliga iyo Xeer-nidaamiyeyaashiisa oo ay soo diyaarisay Wasaaradda Maaliyadda.
Sharcigan ayaa dib-u-eegis ballaaran lagu sameeyay tan iyo sannadkii 2018-kii waxana uu kasoo gudbay Golaha Wasiirrada iyo Baarlamaanka Dowladda Hirshabeelle.
Dib-u-eegistan lagu sameeyay sharciga iyo xeer-nidaamiyeyaashiisa ayaa ujeeddadeedu ahayd in la waafajiyo shuruucda dakhliga iyo duruufaha dhaqaale ee jira, lana xoojiyo nidaamka ururinta, maareynta, iyo isla-xisaabtanka dakhliga dowladda, si kor loogu qaado hufnaanta iyo daah-furnaanta maaliyaddeed.
“Sharcigan dib-u-habeynta lagu sameeyay waxa uu muhiim u yahay dhismaha hay’addaha dowladda, xoojinta dakhliga gudaha iyo hirgelinta nidaam maaliyaddeed oo casri ah kana tarjumaya himilooyinka horumarineed ee Dowladda Hirshabelle.”
Gunaanudkii, Madaxweynaha Dowladda Hirshabeelle ayaa ku ammaanay Wasaaradda Maaliyadda iyo Horumarinta Dhaqaallaha kaalintooda sharciga uu saxiixay.
DHAMMAAD