War kooban oo kasoo baxay Hay’adda Nabadsugidda & sirdoonka Qaranka Soomaaliyeed ee NISA ayaa lagu faah-faahiyay howlgal duqayn ah oo ka dhacay Deegaanka Fiidow Gobolka Shabeelaha Dhexe Dowlad-Goboleedka Hir-Shabeelle.
Howlgalkaan ayaa dhacay Jimcihii 19ka Janaayo 2024 waxa ay Hay’adda NISA Tilmaamtay in lagu beegsaday xubno katirsan ‘AS’ isla markaana lagu dilay todobo xubnood balse aysan shaacin magacyadooda & waxyaabaha ay u qaabilsanaayeen ‘AS’.
NISA ayaa shaacisay in howlgalkaan ay ka gacansiiyeen saaxiibada caalamiga ah ee ka garabsiinaya dhinaca weerarrada cirka ah sida lagu muujiyay qoraal kooban oo Hay’addu soo dhigtay barteeda X ee horay loo oran jiray Twitter.
Gobolka Shabeelaha Dhexe waxaa ka socda howlgallo iyo abaabul ciidan oo is dhinac socda, mas’uuliyiin katirsan Dowladda Federaalka & Dowlad-Goboleedka Hir-Shabeelle ayaa qiimayn ku sameeyay deegaannada howlgalladaas ka socdaan.