Kooxda kubadda cagta Chelsea waxa ay jabisay sharciga dhaqaalaha, waana in laga jaro dhibco marka uu soo dhamaado baadhitaanka lagu samaynayo, sida uu shaaciyey khabiir ku takhasusay sharciga dhaqaalaha kubadda cagta oo hore ula soo shaqeeyey Manchester City.
Sharciga dhaqaalaha Premier League, ayaa bilihii ugu dambeeyey si aad ah loo hadal hayay, waxaana hore dhibco looga jaray Everton bishii November iyadoo wali ay socdaan baadhitaannada Chelsea iyo Manchester City, halka la sugayo waxa laga yeelo Nottingham Forest oo bishii hore la xaqiijiyey in lagu helay inay sharciga dhaqaalaha jabisay.
Chelsea oo tan iyo markii uu Todd Boehly la wareegay May 2022 suuqa gelisay lacag ka badan Β£1 bilyan oo Gini, ayaa hadda ay fartu ku godan tahay, waxaase fagaaraha yimid Stefan Borson oo ah khabiirkii lataliyaha u ahaa Manchester City oo sheegay in Chelsea ay ku caddahay inay jabisay sharciga isla markaana dhibco laga jarayo.
βWaxay isticmaaleen xeelado khiyaano ah, laakiin waxa hubaal ah inay dhibaato ku jiraan marka la eego sharciga FFP oo ay jabiyeen xilli-ciyaareedkan socda.β Ayuu yidhi Stefan Borson.
Waxa uu intaa ku daray, inay jiraan caddaymo buuxa oo muujinaya inay jabiyeen sharciga, isla markaana lagu helayo dembi culus oo ciqaabtiisu noqonayso in dhibco laga jaro.