Safiirka Ethiopia u fadhiya dalka Imaaraadka Carabta oo ka hadlay xiisadda ka dhalatay heshiiskii Somaliland iyo Ethiopia ayaa sii daayey war uga sii dari kara xiisadda labada dal.
Amb. Oumer Hussein ayaa taageeray heshiiskii is-afgarad ee Muuse Biixi iyo Abiy Axmed, kaasi oo xad-gudub ku ah madax-bannaanida Soomaaliya, isagoo sheegay in Ethiopia ay u qalanto inay hesho deked.
Danjiraha ayaa ku dooday in Ethiopia dadkeeda iyo dhaqaalaheeda ay si xawli ah u korayaan, ayna tahay inay helaan bad, xilli ay xukuumadda Abiy banaanka keentay damaceeda soo jireenka ah ee biyaha Soomaaliya, ayna heshiis beenaad la saxiixatay Somaliland.
โHeshiiska Is-afgaradka ee ay dhawaan wada saxeexdeen Itoobiya iyo Somaliland ayaan ka duwanayn xiriirka dalalka kale aan la leenahay marka laga reebo in iskaashigani yahay mid dhinaca badda ah,โ ayuu yiri Safiirka Ethiopia ee Imaaraadka Carabta, Amb. Oumer Hussein.
Sidoo kale waxa uu sheegay in xiisadda xilligaan ka dhex aloosan Ethiopia iyo Soomaaliya ee salka ku haysa heshiiska badda uu u baahan yahay in si dhab ah loo sharaxo cabashooyinka, si buu yiri loogu xaliyo si nabdoon.
โEthiopia dowr weyn ayey ka qaadatay sidii nabad looga dhalin lahaa Sudan, Somalia, South Sudan, iyadoo la adeegsanayo mabdaโa xallinga Afrika ee dhibaatooyinka Afrika,โ ayuu yiri Oumer oo sheegay in dowladdiisa sii wadi doonto xoojinta wuxuu ugu yeeray โdadaalkeeda abuurista xiriir goboleed ku saleysan faaโiido wadaag ah oo ay laโleedahay dalalka deriska ah.โ
Hadalka Danjiraha Ethiopia ayaa imanaya xilli Ethiopia ay la daala-dhaceyso weji-gabax diblumaasiyadeed oo ku riixay inay ka dhuumato fagaarayaasha gobalka iyo kuwa caalamka, islamarkaana ay meel xasaasi ah mareyso xiisadda u dhaxeysa Soomaaliya iyo Ethiopia.
Dowladda federaalka Soomaaliya ayaa horey u soo saartay qaraar ay ku burinayso heshiis beenaadka Addis Ababa, ayada oo sidoo kalena madaxweyne Xasan Sheekh uu saxiixay sharci Baarlamaani ah oo burinaya is-afgaradka Ethiopia iyo Somaliland.