Maxkamad ku taalla dalka Turkiga ayaa maanta oo Talaado ah xukun ku ridday wiil uu dhalay madaxweynaha Soomaaliya oo lagu eedeeyay inuu dilay darawal mooto bajaaj ah, waxaana lagu xukumay 2 sano iyo bar xarig ah taas oo isla markiiba loo beddelay ganaax maxkamadeed oo u dhigma 27 kun liro oo lacagta dalkaasi ah, una dhiganta ku dhowaad kun doollarka Mareykanka ah, iyadoo la tixgalinayo shakhsiyaddiisa, xaaladdiisa bulsho iyo dhaqaale iyo qoomamo uu muujiyay intii ay dacwaddu socotay.
Waxaa kale oo maxkamaddu go’aamisay in Maxamed Xassan laga celiyo laysinka darawalnimada muddo 6 bilood ah.
Dhageysiga 1-aad ee dacwadda Maxamed Xasan Sheekh Maxmuud lagu soo oogay ayaa maanta lagu qabtay maxkamadda darajada koowaad ee 33-aad ee magaalada Istanbul.
Maxamed Xasan sheekh ayaa toddobaadkii hore ku laabtay dalka Turkiga si uu u wajaho kiiska ka dhanka ah, waxaana maxkamaddu ka qaadday amarkii caalamiga ahaa ee lagu soo xirayay oo uu horey u soo saaray dacwad-oogaha Turkiga.
Dacwad oogayaasha ayaa codsaday in lagu xukumo ilaa lix sano oo xarig ah.
“Nolosha darawalka ma noqon karto 27 kun TL”
Isagoo hadal ka jeedinaya afaafka hore ee maxkamada, gudoomiyaha ururka xuquuqul insaanka dalkaas, Mesut รeki ayaa yiri, “Nolosha darwalka mootada ma noqon karto 27 kun TL, waxaa lagala wareegay laysinka darawalnimada wiilka madaxweynaha 6 bilood, hadda ma caddaalad baa dhacday? ayuu yiri.
รeki ayaa tilmaamay in xafiiska dacwad oogahu, ay siiyaay khaladkii dhacay boqolkiiba 75 Maxamed Xasan Sheekh Maxamuud halka 25 boqolkiiba la siiyay Gรถรงer oo ahaa darawalkii shilka ku geeriyooday.
Qareenka aabbaha Gรถรงer ayaa gudbiyay dacwad ka hor inta aan go’aanka la gaarin,waxaan xubnaha qoyska aya rabeen lagu xukumao 3 sano oo xabsi ah.
โSannadkii hore 68 ka mid ah darawallada Mooto Bajaajta ayaa ku naf waayey shilal ay geysteen gaadiidka, haddii aan dadka naga dhinta aan laga dhigin kuwa macno leh, oo dadka lagu xukumo 27 kun oo Lira hal maalin aysan xabsi galin marka waxaan filayaa in taasi aysan cadaalad ahayn, shacabka ayaan u dhaafayaa inay goโaan ka gaaraanโ ayuu yir Mesut รeki.
Madaxa ururka Shaqaalaha Adeegga iyo dalxiiska Turkiga Kubilay Celik ayaa dhankiisa sheegay in go,aanka maxkamadda ay casharo cusub ka barteen.
โQiimaha qofka ku dhintay dalkan waa 27 kun oo Liira, tan maanta ayaan barannay, tani maaha dhacdo gooni ah, halkan uma joogno oo kaliya saaxiibkeen Yunus Emre Gรถรงer, waxaan halkan u joognaa dhammaan ururka mootalayda ee la dilay, waxaana sugeynaa in cadaalada, waxaan ku dadaali doonaa sidii aan halganka cadaaladda,”Waan sii wadi doonnaa inta aan awoodno.” Ayuu yir.
Sidee ayuu u dhacay shilkan?
Shilkaan ayaa 30 kii bishii November ee sanadkii hore ka dhacay meel u dhow waddada Eurasia Tunnel ee magaalada Istanbul.
Yunus Emre Gรถรงer oo ahaa darawal mooto ayaa ku dhaawcmay shilkaasi ,waxaan uu dhintay lix maalmood kadib sida uu duqa Istanbul shaaciayay.
Muuqaallo lasii daayay oo ay duubeen kaamirooyinka CCTV ayuu duqa magalaadda Istanbul ku daabcay bogga uu ku leeyahay X oo horey loo oran jiray Twitter – waxay muujinayaan gaariga oo gadaal uga dhacay mootada, waddo mashquul badan.
Wasiirka caddaaladda dalka Turkiga Yฤฑlmaz Tunรง ayaa shilka kadib waxaa uu sheegay in qof kast oo shilkaasi ku lug lahaa uu cadaaladda mari doono.
Waxaa xayiraad safar oo caalami ah lagu soo rogay Maxamed Xasan Sheekh, oo ah wiilka madaxweynaha Soomalaiya kaas oo ay dawladda Turkiga siidaysay kadib markii hakad oo kooban oo baaritaan ah lgau sameeyay.