Dowladda Mareykanka ayaa ka digtay halista uu heshiiska is-fagaradka Itoobiya iyo maamulka Somaliland ku keeni karo dagaalka ka dhanka ah kooxda Al-Shabaab ee ka socda Soomaaliya.
Hadalka ayaa waxaa shirkii IGAD ee shalay ka dhacay Kampala ka sheegay ergeyga gaarka ah ee Mareykaka u qaabilsan Geeska Afrika Mike Hammer, halkaasi oo Mareykanka uu si buuxda garab is-taag ugu muujiyey dowladda federaalka ee Soomaaliya.
โMaraykanka waxa uu aqoonsan yahay madaxbannaanida, midnimada, iyo wadajirka dhuleed ee Jamhuuriyadda Federaalka Soomaaliya oo ay ku jirto Somaliland. Waxaan aaminsannahay in maqaamka Somaliland ay tahay arrin u taalla Soomaalida oo ay ku jiraan reer Somaliland,โ ayuu yiri Mike Hammer.
Hammer ayaa ka digay in is-afgaradka Somaliland iyo Itoobiya uu fursad cusub u noqdo kooxda Al-Shabaab.
โWaxaan si gaar ah uga walaacsannahay in kororka xiisadda ka dhalatay heshiiska is-afgaradka uu halis gelinayo dagaalka ay Soomaalida, oo ay weheliyaan Afrikaanka iyo saaxiibada gobolka iyo kuwa caalamiga ah โ oo uu ku jiro Mareykanka โ ay ku qaadayaan al-Shabaab,โ ayuu yiri Hammer.
Waxaan ku boorineynaa Soomaaliya iyo Itoobiya inay ka fogaadaan ficillada degdegta ahโฆ oo fursad u abuuri kara al-Shabaab inay ballaariso awooddeedaโฆโ
Hadalkan ayaa ah kii ugu xoogganaa ee Mareykanka uu ku diido is-afgaradka Itoobiya ay la gashay Somaliland 1-dii Janaayo, kaasi oo lagu sheegay inuu siinayo marin badeed.
Taa beddelkeed, Somalilad โ oo si iskeed ah madax-banaani ugu dhowaaqday 1991-kii โ ayaa sheegtay in Itoobiya ay siin doonto aqoonsi rasmi ah. Tani ma aysan xaqiijin Addis-Ababa.
Dowladda Federaalka Soomaaliya ayaa Khamiistii meesha ka saartay in la dhex-dhexaadiyo ayada iyo Itoobiya illaa Addis-Ababa ay ka laabato is-afgaradka ay la gashay Somaliland.
Ma jirto dhex-dhexaadin haddii aysan Itoobiya ka laaban is-afgaradkii sharci-darrada ahaa oo aysan dib u xaqiijin madax-bannaanida iyo midnimada dhuleed ee Soomaaliya,โ ayaa lagu yiri war-saxaafadeed ay soo saartay wasaaradda arrimaha dibadda Soomaaliya oo la soo dhigay baraha bulshada.