Urur Siyaasadeedka Caddaaladda iyo Wadajirka (JSP) ayaa maanta degmada Balcad ka daah-furay ololaha doorashada xubnaha golaha deegaanka degmada.
Munaasabadda oo ay soo qabanqaabiyeen wakiillada JSP ee degmada Balcad ayaa waxaa ka qeyb galay qeybaha kala duwan ee bulshada, mas’uuliyiin ka tirsan Dowladda Federaalka Soomaaliya iyo Dowladda Hirshabeelle, iyo xubno ka socday Ururka JSP.
Waxaa munaasabadda ka qeyb galay Guddoomiyaha Degmada Balcad ahna Duqa Magaalada, Qaasim Cali Nuur, wasiirro iyo xildhibaano, iyo mas’uuliyiin ka tirsan JSP oo ay ka mid ahaayeen Agaasime Ku-xigeenka Guud ee Ururka iyo Xoghayaha Cadaaladda iyo Arrimaha Diinta.
Ugaaska Degmada Balcad, Guddoomiye Qaasim Cali Nuur iyo qaar ka mid ah xildhibaanada Hirshabeelle ayaa khudbado ka jeediyay munaasabadda, iyagoo bulshada ku boorriyay ka qeybgalka hannaanka doorashooyinka iyo doorkooda ku aaddan geeddi-socodka doorashooyinka.
#RadioHalgan | #JSP | #Balcad | #Hirshabeelle