Booliska Soomaaliya oo baadigoobaya Nin xaaskiisa Muqdisho ku gubay

Ciidanka Booliska Soomaaliyeed oo warsaxaafadeed soo saaray ayaa sheegay in ay baadi goobayaan Eedeysane Sayid Cali Macalin Daa’uud oo la sheegay in todobaadkii hore uu Muqdisho ku gubay xaaskiisa.

Warka ka soo Ciidanka Booliska Soomaaliyeed  ayaa lagu yiri, “Eedeysane Sayid-cali Macalin Daa’uud oo ku eedeysan in uu 26 Jan 2024 gubay xaaskiisii Marxuumad Luul Shiikh Cabdi Jaziira, isla markaana baxsaday.”

Sidoo kale warka ka soo baxay Booliska Soomaaliya ayaa lagu sii yiri, “Baadi goobka eedeysanaha ayaa ka socda Caasimada iyo Gobolada dalka oo la rumeysanyahay inuu u baxsaday.”

Dhanka kale Ciidanka Booliska Soomaaliyeed ayaa shacabka Soomaaliyeed ka codsaday in qofkii hela xogta eedaysanaha ay la soo wadaagaan Booliska, “Qofkii helaa xogtiisa, waxaa ka codsaneynaa inuu la wadaago barta Ciidanka Amaanka ee ugu dhow, lambarka gaaban ee 991 ama baraha bulshada.”

Ugu dambeyn warsaxaafadeedka ka soo baxay Ciidanka Booliska Soomaaliyeed ayaa lagu sheegay in ay socdaan Howgalo lagu baadi goobaya Eedaysanah, “Waxaan rajeynaynaa in dhawaan gacanta lagu soo dhigo si’uu cadaalad u maro.”

Ehelka AHUN Luul Cabdicasiis Maxamed ayaa u geeriyootay dhaawac kasoo gaaray Dab la sheegay in uu ku gubay Saygeeda oo lagu magacaabo Sayid Cali Xaaji Daauud.

Allaha u naxariistee Luul Cabdicasiis waxaa la sheegay in ay uur u lahayd Ninka Gubay ee magaciisa lagu sheegay Sayid Cali Xaaji Daauud halka sidoo kale horay ay u haysatay Carruur agoon ah sida ay Mustaqbal u xaqiijiyeen dad u aqoon u lahaa Marxuumadda