Author: radiohalgan.com
Xildhibaan Fowsiyo Yuusuf Xaaji Aadan , oo si qasab ah looga reebay doorashada tartankii ay ugu jirtay kursiga guddoomiyaha ururka Midowga Afrika, ayaa taageero u muujisay musharax markii hore loollan adag uu kala dhaxeeyay. Dowladda uu hoggaamiyo Madaxweyne Xasan Sheekh ayaa god dheer ku tuuray damacii xildhibaan Fowsiya Yuusuf ku dooneysay in ay u tartanto doorashada guddoomiyaha ururka Midowga Afrika, waxa ayna dowladda Soomaaliya taa badalkeeda taageertay musharax dowladda Jabuuti wadatay. Fowsiya Yuusuf Xaaji Aadan ayaa magaalada Nairobi kulan gaar ah kula qaadatay musharaxa dowladda Kenya la rabto xilka guddoomiyaha ururka Midowga Afrika Musharax Raila Odinga , waxa ayna Fowsiya…
Kamala Harris, madaxweyne ku xigeenka haatan ee Mareykanka, oo sidoo kale u sharraxan madaxtinnimada dalkaas ayaa dhowaan Tim Walz u soo xulatay ku xigeenkeeda doorashada oo lagu wado in dalka Mareykanka ay ka dhacdo bisha November ee sanadkan. Timothy James Walz waxaa uu sanadkii 2018 noqday barasaabkii 41-aad ee gobolka Minnesota. Gobolkan ayaa waxaa ku nool Soomaalida ugu badan ee ku sugan dalka Mareykanka. Muddadii uu xilka hayay Mr Walz waxaa uu si wayn u dhexgalay bulshada Soomaalida, waxaa uuna kala qeyb gali jiray xafladaha kala duwan. Waxaa uu Soomaalida kala qeyb gali jiray xafladaha muhiimka ah, sida xafladaha maalinta…
Wasaaradda arrimaha dibadda Pakistan ayaa beenisay warbixin uu qoray wargeys ka soo baxa Israa’iil oo sheegayay in Pakistan ay gantaallada Shaheen-3 siin doonto dalka ay deriska yihiin ee Iran, haddii ay sii xumaato xiisadda u dhexeysa Israa’iil iyo Iiraan. Wargeyska Israa’iil ee ‘Jerusalem Post’ ayaa warkan ku sheegay isagoo oo sheegay in warkan ay ka hleen ‘ilo dhowr ah oo Carbeed’. Jimcihii, Mumtaz Zahra Baloch, oo ah afhayeenka Wasaaradda Arrimaha Dibadda Pakistan, ayaa sheegtay in wararkaasi ay yihiin kuwo been abuur ah. Waxa ay intaa ku dartay in wararkan ay yihin kuwa ay ka dambeeyaan “gurracan” ayna tahay in la…
Magaalada Muqdisho waxaa ka dhacay kulan Duco ah oo soo sameeyay Dadkii waxyeellada kasoo gaartay weerarkii Liido Degmada Cabdicasiis ee Gobolka Banaadir waxaana ka qaybgalay mas’uuliyiin katirsan Dowladda Federaalka & qaar kamid ah Bulshada Caasimadda. Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale Madaale ayaa kamid ahaa Dadka ka qaybgalay kulankaan waxaana uu alle ugu baryay intii ku dhimatay weerarkaas halka uu caafimaad u rajeeyay intii dhaawacyada kala duwan kasoo gaaray oo qaarkood weli jiifa Isbitaallada Magaalada Muqdisho, waxa uu markale ku baaqay in lala shaqeeyo Ciidamada ammaanka. Duqa Muqdisho ayaa sheegay in wadashaqeynta Shacabka iyo Laamaha Ammaanka…
ka badan 20 saacadood ayaa waxaa magaalada Laascaanood ka socda howgal lagu soo saarayo ilme yar oo ku dhacay God musqul ama Suuli ku yaalla xaafada bisha cas ee magaaladaas. Intii uu socday howlgalka samata bixinta waxaa ku ku naf waayey askari ka tirsan ciidanka dab demiska Maamulka Khaatumo oo galay godka ka dib markii uu ku neef qabatimay, halka askari kale loola cararay isbitaalka. Godka Suuligan oo dhererkiisu ka badan yahay 20 mitir ayaa waxaa mar kale isku dayey duhurnimadii maanta askari kale oo wax yar ka dib laga soo jiiday godka isagoo miyir beelay. Ilmaha yar ee…
Ciidanka ilaalada xeebaha Soomaaliya ayaa sameeyay dhoolatus cajiib ah, iyagoo soo bandhigay xirfad sare iyo tababar heer sare ah. Ciidanka Soomaalida ayaa waxay layligan si wada-jir ah u sameeyeen howl-galka Midowga Yurub ee loo yaqaan (ATALANTA Operations), waxaana loo soo gaabiya (VBSS). Layligan ayaa ku saabsan sida fatashaadda iyo fuulista maraakiibta laga shakiyay ama kuwa ku lugta leh arrimaha sharci darada ah ee ku xad gudba biyaha Soomaaliya. Dhoola-tuskan ciidanka badda ayaa ujeedkiisu ahaa sidii loo maareen lahaa qaab xirfadeysan ee ay cidanka ilaalada xeebaha ku fuuli karaan maraakiibta. Soomaaliya ayaa ku howlan sidii ay u yeelan laheyd ciidamo bad…
Israa’iil ayaa xalay duqeyn ka geysatay Suuriya, iyadoo wakaaladda wararka Suuriya, Reuters iyo Al-Jazeera ay xaqiijiyeen duqeynta ka dhacday bartamaha Suuriya in ugu yaraan 4 askari ay ku dhaawacmeen. Duqeynta ayaa ku soo aaday, xilli ay soo baxayaan warar sheegaya inay Iran keentay gudaha Suuriya gantaaladeeda riddada dheer qorshahaasoo qeyb ka ah weerarka aargoosiga ah ee ay la damacsan tahay Israel. Israa’iil ayaa si rasmi ah ugu wargelisay magaalooyinka iyo deegaannada ku dhow xadka Lubnaan inay dadku galaan goobo amni ah illaa amar dambe. Maamulka magaalada Haifa ee Israa’iil oo ka mid ah dhulka la heysto ee Falastiin, ayaa u…
Hoggaamiyaha sare ee kooxda Xuutiyiinta Yemen, Cabdimaalik Al-Xuuti ayaa markii u horreysay sheegay dib u dhaca duulaanka ballaaran ee aargoosi ah ee ka dhanka ah Israa’iil inay tahay arrin ku dhisan xeelad. Wuxuu caddeeyay inay dhacayso oo weerar xooggan lagu qaadi doono Israa’iil, iyadoo diyaargarowga uu sheegay inuu ka socdo Yemen, Ciraaq, Suuriya iyo Lubnaan. Waxaa uu tilmaamay inaysan jirin cid u caga-jugleyn karta ama ka hor istaagi karta inay qaadaan duulaanka jawaabta ah weerarradii u dambeeyay ee Israa’iil ay ku dishay hoggaamiyaasha sare oo uu ku jiro madaxii xafiiska siyaasadda Xamaas Ismaaciil Haniyeh. Iran oo iskudaba-ridaysa duullaankii u horreyay…
Ku simaha wasiirka arrimaha dibadda ee Iiraan ayaa sheegay in dalkiisa uu ka falcelin doono dilkii hoggaamiyihii Xamaas Ismaaciil Haniyeh “xilliga saxda ah” iyo habka “ku habboon”, kadib maalin xaalad diblomaasiyadeed oo adag ay ka jirtay Bariga Dhexe. Hadalkiisa ayuu ka sheegay shir degdeg ah oo Ururka Iskaashiga Islaamka (OIC), ay yeesheen kaasoo ka dhacay Sacuudi Carabiya waxaana looga wada hadlayay ka jawaabidda Iiraan ee dilkaas. Mareykanka ayaa sheegay inuu rajeynayo in xubnaha OIC ay ka baaqsadaan inay Iiraan ku guubaabiyaan in “ay qaaddo tallaabooyin kasii daraya dagaalka”. Xiisadda Bariga Dhexe ayaa cirka isku shareertay tan iyo markii Haniyeh lagu…
Israa’iil waxa ay isu diyaarinaysaa, ciidan ahaan iyo busha ahaanba, si ay uga gaashaamato weerarada suurtagalka ah ee uga imanaya ururka Xisbullah ee Lubnaan. Xiisadda labada dhinac ayaa cirka isku shareertay ka dib dilkii Israa’iil ay u geystaya taliyihii ciidamada Xisbullah, Fouad Shukr. Israa’iil waxay geysay xudduudda dhanka Lubnaan gantaallada difaaca hawada, waxayna sare u qaadday heerka feejignaanta ciidamadeeda. Dadwayne badan ayaa laga daabulay magaalooyinka ku yaalla xuudduudda Lubnaan, waxaana dadka si joogta ah loo siiyaa talooyin ku aaddan waxa dhici kara. Magaalada Haifa, tusaale ahaan, waxaa ka socda diyaar garow aad u wayn waxaa laga sameeyay goob isbatal ah…