Author: radiohalgan.com

Taliye Cusub Oo Hoggaanka La Wareegay: Ciidanka Cirka Xoogga Dalka Oo Bog Cusub Galaya Taliyaha cusub ee Ciidanka Cirka Xoogga Dalka Soomaaliyeed ayaa maanta si rasmi ah ula wareegay xilka hoggaanka, kaddib munaasabad xil-wareejin ah oo lagu qabtay xarunta ciidanka. Munaasabadda ayaa waxaa ka qayb galay saraakiil sare oo ka tirsan Ciidamada Xoogga Dalka, masuuliyiin ka socday Wasaaradda Gaashaandhigga, iyo marti sharaf kale oo goob joog u ahaa wareejinta xilka. Taliyaha cusub ayaa ballan qaaday inuu xoogga saari doono dib-u-dhiska iyo tayeynta Ciidanka Cirka, kor u qaadidda tababarrada ciidamada, iyo xoojinta awoodda difaaca hawada ee dalka. Masuuliyiintii ka hadlay munaasabadda…

DEG DEG: Iran oo adeegsaday hub cusub oo aad u khatar badan, gantaal Hypersonic ah oo lagu weeraray Tel Aviv Xiisadda dagaalka ee u dhaxeysa Iran iyo Israa’iil ayaa sii xoogeysanaysa, kadib markii warar cusub ay sheegayaan in Iran ay adeegsaday hub aad u halis badan oo loo yaqaan Hypersonic Glide Vehicle (HGV) si ay u beegsato magaalada Tel Aviv. Wararka ka imanaya warbaahinta caalamka ayaa tilmaamaya in Iran ay soo bandhigtay gantaalka cusub ee Fattah-2, kaas oo ah gantaal hypersonic ah oo xawaarihiisu gaari karo ilaa 15 jeer xawaaraha codka (Mach 15), islamarkaana lagu sheegay inuu awood u leeyahay…

DEG DEG: Baarlamanka Soomaaliya ayaa meelmariyey wax-ka-beddelka & dhammaystirka Dastuurka JFS, sida uu ku dhawaaqay Guddoomiye Aadan Madoobe oo intaasi ku daray in maanta laga bilaabo uu dhaqangal yahay. Puntland, Jubbaland & Mucaaridka Muqdisho ayaa mar horeba sii qaadacay dhammaystirkan oo ku sifeeyeen mid aan loo dhammayn.

#XOG: Maxaa ka jira in Booliska Soomaaliya lacag kaash ah ku qabteen Axmed Hurre? Booliska Soomaaliya ayaa aroortii hore ee saaka Muqdisho ku xiray Axmed Cabdi Hurre oo ah La-taliyaha Arrimaha Bulshada Madaxweynaha PL. G/sare Bashiir Bicir oo ah Taliyaha Istaafka Gen. Asad Diyaano ayaa Axmed Hurre ka qabtay Hoteel ay degen yihiin xubno ka tirsan BFS oo laga soo doorto PL kuwaasi oo dhawaan laga celiyay Garoowe. Saraakiil ka tirsan Booliska Soomaaliya waxay warbaahinta u dusiyeen in Axmed Hurre lagu qabtay lacag dhan $500,000 Dollar ka hor inta uusan u qeybin xubnihii BFS. Balse, Ilo wareedyo madax-bannaan ayaa sheegaya…

🚨 DEG DEG: Xiisad ka taagan Baarlamaanka Soomaaliya Guddoonka Golaha Shacabka ayaa maanta qorsheynaya in la ansixiyo Cutubyada 4-aad iyo 13-aad ee Dastuurka, kuwaas oo qayb ka ah isbeddelka dastuurka ee ay waddo Dowladda Federaalka. Tallaabadan ayaa imanaysa iyadoo ay si adag uga soo horjeedaan xubnaha Golaha Mustaqbalka Soomaaliya iyo qaar ka mid ah mucaaradka. Xildhibaano mucaarad ah oo dhowaan laga saaray fadhiyada kadib 12 kulan oo ganaax ah ayaa isku dayay inay maanta tagaan xarunta Golaha Shacabka, balse waxaa la sheegay in ciidamada ammaanka ay hor istaageen maadaama liiskooda wali uu gacanta ku hayo ammaanku. Dhanka kale, dowladda ayaa…

DEG DEG maamulka Puntland oo war kaso saaray xariga Lataliyaha. Madaxweyne Siciid Deni iyo Xildhibaannada lagu weraray garonka diyaradaha Garoowe : 04 March 2026: Dowladda Puntland ee Soomaaliyeed waxay siweyn u cambaareynaysaa weerarka saaka (03:00am) Dowladda Federaalka Soomaaliya ku qaaday, Xildhibaannada Puntland ku metela labada Aqal ee Baarlamaanka Soomaaliya ee ku sugan Hotel Airport (Muqdisho), iyo Afduubka loo geystay La-taliyaha Madaxweynaha Puntland ee arrimaha Bulshada Mudane Axmed Cabdi Hurre. Falkan waa mid ugub ku ah Dowladdnimada, iyadoo aan sifo sharci ah loo soo marin oo uusan jirin wax danbi ah oo ay geysteen waxaa hotel AirPort loogu daatay Xildhibaannada iyo…

Xildhibaanada Puntland ku metela Baarlamaanka Soomaaliya ayaa caawa sheegay in lagu soo wareeray hotel ay ka deggan yihiin Muqdisho oo aagga Xalane ku yaalla. Xildhibaanada oo ah kuwii dhawaan laga celiyay Garoowe oo weli ku xanniban Muqdisho ayaa sheegay in ciidamo dawladda ka tirsan ay goobta ka ka xaysteen la taliye sare oo ka tirsan xafiiska madaxweyne Deni. Xildhibaanadan ayaa diidan waxka beddelka dastuurka Soomaaliya oo berri loo ballansan yahay in wax laga beddelo qaybo ka mid ah. Xiisaddan ayaa sababtay in ay caawa iscasilaan laba wasiiro-dawle oo ka tirsan xukuumadda federaalka kuwaas oo sheegay in ay ka soo horjeedaan…

Degdeg: la taliyihii amni ee madaxweyne Siciid Deni oo la afduubtay. Axmed Cabdi Hurre oo ah mid ka mid ahla taliyaasha amni ee madaxweynaha Puntland Siciid Cabdillaahi Deni ayaa lagala baxay hotelkii uu degganaa magaalada Muqdisho si afduub ah. Rag hubaysan ayaa ugu galay qolkiisa hurdada ee hotel Airport ee magaalada Muqdisho, iyadoosi xooga loo kaxaystay, sida ay warbaahinta u sheegeen dad goobjoogayaal ah oo ay ku jiraan xildhibaanno baarlamaanka labadiisa ah oo la degganaa hotelka. Ciidanka xoogga iyo afduubka kula baxay la taliyahaas madaxweynaha Puntland ayaa dhinaca kale handadaad iyo gacanqaaddou geystay mudanayaal baarlamaan oo federaalka ah, kana soo…

Safaaradii Maraykan ee Kuwait ayaa albaabada loo laabay ilaa amar dambe baqdin laga qabo weeraro kaga yimaada dawladda Iiraan awgeed. Qoraalka safaarada ayaa lagu sheegay in xiisadda taagan awgeed go’aankan loo qaatay. Arrintan ayaa ku soo beegmaysa iyadoo xalay laba diyaaradood oo nooca aan duulliyaha lahayn Iiraan ku weerartay safaraadda Maraykanka ee magaalada Riyaad ee caasimadda Sucuudiga. Wasaaradda Gaashaandhigga Sucuudiga ayaa sheegtay in khasaaraha safaaradda gaadhay kooban yahay. Arrintan waxa kale oo ay imanaysaa xilli Maraykanku uu mu’waadiniintiisa ugu baaqay in ay degdeg uga baxaan inta badan waddamada Khaliijka cabsi jirta awgeed.

Safaaradda Maraykanka ee Riyaad, caasimadda Sacuudiga ayaa dab ka kacay kadib markii lagu dhuftay laba diyaaradood oo ah nooca aan duuliyuhu wadin ee Iiraan. Wasaaradda Gaashaandhigga Sacuudiga ayaa xaqiijisay weerarka balse waxa ay sheegtay in khasaaruhu kooban yahay oo uu yahay mid hantiyeed oo dhismaha gaadhay. Iiran ayaa sii wadda weerada ay ku qaadayso saldhigyada iyo xarumaha kale ee Maraykanku ku leeyahay waddamada Khaliijka. Maraykanka dhinaca kale waxa uu sheegay in laga dilay lix askari tiro kalena laga dhaawacay. Maraykanku waxa kale oo uu caawa farriin u diray mu’waadiniintiisa ku sugan waddamada Khaliijka oo uu ugu baaqay in ay degdeg…