DAAWO:-Xil. Jeego oo sheegay in Madaale ay u dooranayaan Madaxweyne & Xil. Dhabanncad oo gef ku tilmaamay hadalkaas

Xildhibaannada Golaha Shacabka Baarlamaanka Federaalka Soomaaliya oo maanta kulan aan caadi ahayn ayaa doodad ka dhex dhalatay qaar ka mid ah Xildhibaannada Golaha kuwaas oo isku qabsaday sida uu noqonaya maamulka gobolka Banaadir oo muddo badan soo jiitamaysay.

Kulanka Golaha oo ajandihiisu ahaa ka doodinsta arrimaha siyaasadda ee dalka ka taagan sida dhamaystirka Dastuurka iyo shirka uu ku dhawaaqay Madaxweynaha Puntland Saciid Cabdullaahi Deni ayaa diidmo waxaa ka muujiyay Xildhibaan Jeego oo ka tirsan mudanayaasha Golaha Shacabka.

Xildhibaan Jeego ayaa doodiisa daarneed diimo ku aadan ka qeyb galka shirka uu ku dhawaaqay Deni oo uu sheegay in Madaxweynaha Puntland uu Garoowe u diiday in ay ka degto Xildhibaan Sacdiyo Yaasiin Xaaji Samatar oo ah Guddoomiye ku xigeenka Golaha Shacabka, taas oo ay deegaan doorasheedu ay tahay Puntland.

“Guddoomiye ku xigeenka Baarlamaanka ayaa dowladnimada igu matasha, waxa uu u diiday guriga, waxa uu u diiday gayaankayda, waxa uu u diiday Ehalkayda in ay booqato, waxa uu ka celiyay diyaarad; yaawaaye cidda dhagaysanaysa maanta in uu gogol u fidiyo oo Soomaalida isugu keenaya oo heshiisiinaya,” sida uu yiri Xildhibaan Jeego.

Sidoo kale Xildhibaanka oo sii hadlay ayaa Madaxweynaha Jamhuuriyadda Federaalka Soomaaliya ugu baaqay in uusan ka qeyb galin gogoshaas isaga oo xusay in aan loo dhammeen gogosha uu dhigay Madaxweynaha Puntland Saciid Cabdullaahi Deni.

Dhanka kale Xildhibaan Jeego ayaa hadal dood dhaliyay ka sheegay Golaha Shacabka, ka dib markii uu ka dhawaajiyey in ay Guddoomiyaha gobolka Banaadir ay u dooranayaan Madaxweyne halka madaxweyne ku xigeenka ay iyaga iska dhex dooran doonaan.

“Gobolka Banaadir waxa aan ka sameenaynaa maamul gobaleed, madaxweyne ayaan dooranaynaa; Madaale ayaan madaxweyne ka dhigaynaa madaxweyne ku xigeen Beesha shanaad ayaan ka dhigaynaa,” sida uu yiri Xildhibaan Jeego

Hadalka Xildhibaan Jeego ayaa hadalka uu jeediyay waxaa ka horyimid Xildhibaan Dhabanacad oo sheegay in ay filan waa ay ku noqotay hadalka ka uu jeediyay Xildhibaanka, isaga oo yiri, “Caasimaddii Ummadda Soomaaliyeed oo dad badan ay ka dhaxayso, in uu yiraahdo anniga iyo Madaale ayaan qeybsanaynaa, wixii la soo maray waa uu ogyahay Ummadda inta aysan kicin oo warkaas fidin baan rabay in aan u digo, waxa aan ka codsanayaa in uu raaligalin baxsho.”