War Cusub : Waxaa Gabi ahaan istaagtay shaqadii Isbitaalka Guud ee ee magaalada Gaalkacyo, kaddib markii halkaasi la geeyay maydka Marxuumad Hodan Maxamuud Diiriye, oo saakay lagu fuliyay xukun qisaas ah.
Isbitaalka ayaa waxaa si weyn u buux-dhaafiyay haween tiro badan, kuwaas oo dalbanayay in la tuso maydka marxuumadda si ay ugu qancaan, iyagoo muujiyay shaki ku aaddan in qofka la dilay aanu ahayn xukumane Hodan Maxamuud Diiriye.
Ciidamo amni ayaa ku sugan gudaha iyo bannaanka isbitaalka, kuwaas oo adkeeyay amniga isla markaana xannibay in si caadi ah gudaha isbitaalka loo galo, si loo ilaaliyo maydka loona xakameeyo xaaladda amni.