Madaxweynihii hore ee Soomaaliya, Maxamed Cabdullaahi Farmaajo, ayaa goordhow u safray dalka Turkiga. Xubno ka tirsan wafdigiisa oo aan su’aalo ka weydiinay ujeeddada safarkiisa ayaa xaqiijiyay in uu Turkiga u tagayo balamo iyo kulamo gaar ah oo la xiriira ololihiisa siyaasadeed.
Xogaha la helayo ayaa sidoo kale sheegaya in safarkii hore ee uu Farmaajo ku yimid Muqdisho uusan wax kulan ah la yeelan Madaxweynaha hadda xilka haya, Xasan Sheekh Maxamuud, balse intii uu maalmahan dambe ku sugnaa Muqdisho ay taleefan ku wada hadleen, isla markaana ay ballan wada sameeysteen, inkasta oo aan la shaacin nuxurka wada-hadalladaas.