Waxa fooda inagu soo Haya tartanka ugu xiisaha badan qaarada Africa kaas oo bilaaban doona maalmaha soo socda.
Horyaalada ugu waaweyn qaarada yurub ayaa dareemi doona saamaynta koobka Africa ee dhawaan bilaaban doona.
Horyaalka France ee Ligue 1 ayaa xiddigaha ugu badan waaayi doona sabab la xidhiidhka koobka Africa.
xiddigo dhan 88 xiddig ayaa ka tagi doona kooxaha kala duwan ee horyaalkaas si ay uga qayb galaan koobka Africa.
Waxa ku xiga horyaalka Premier League oo waayi doona 48 xiddig oo xulalkooda kala qayb gali doona koobka Africa.
Waxa ku xiga horyaalka Talyaaniga ee Serie A kuwaas oo 37 xiddig u waayi doona koobka Africa oo ay uga qayb gali doonaan xulalkooda.
Horyaalka La Liga ayaa 27 xiddig u waayi doona koobka Africa halka uu horyaalka Bundesliga 26 xiddig u waayi doono koobka Africa.