Author: radiohalgan.com
Jowhar, 12-August-2024: Guddoomiye ku-xigeenka 2-aad ee Baarlamaanka Hirshabeelle Mudane Mahad Xasan Cusmaan ayaa garoonka diyaaraddaha ee Maxamed Dheere waxa uu kusoo dhaweeyay wafdi uu hoggaaminayay Wasiir hore, Xildhibaan Maxamed Abuukar Ducaalle. Wafdigan ayaa isugu jiray Xildhibaano Golaha Shacabka BJFS iyo Senataro BJFS waxana ay u soo gaareen magaalada Jowhar ka qeygalka furitaanka shirka Baarlamaanka Hirshabeelle. Intaas kaddib wafdiga oo loo galbiyay Madaxtooyadda Hirshabeelle ayaa waxaa halkaasi kusoo dhaweeyay Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) oo uu wehliyaan Madaxweyne ku-xigeenka Mudane Yuusuf Axmed Hagar (Yuusuf Dabageed) iyo Guddoomiyaha Baarlamaanka Dowladda Hirshabeelle Mudane Cabdixakiin Luqmaan Xaaji Maxamed. Dhinacyada…
Xildhibaan Cabdiraxmaan Axmed Cismaan (Gureey) oo kamid ah mudanayaasha Baarlamaanka Fedaraalka Soomaaliya ee gobolka Hiiraan ee dowladda Hirshabelle kasoo jeeda ayaa maanta gaaray magaalada Jowhar ee Caasimadda dowladda Hirshabeelle. Qeybaha bulshada iyo madax ka tirsan dowladda Hirshabelle ayaa sodhaweyn sare Xildhibaanka ugu sameeyay magaalada Jowhar. Xildhibaanka Cabdiraxmaan Gureey Xildhibaano Golaha Shacabka BJFS iyo Senataro BJFS ka kala tirsan ayaa maanta magaalada Jowhar u gaaray ka qeygalka furitaanka shirka Baarlamaanka Hirshabeelle. Xildhibaanka ayaa kulan ka qaatay madaxda sare ee dowladda Hirshabeelle sida Madaxweynaha dowladda Hirshabelle Mudane Cali Cabdullaahi Xuseen Cali (Guudlaawe) iyo madaxda kale ee dowladda. Xildhibaan Cabdiraxmaan Gureey ayaa lagu…
Wasiirka Wasaaradda Arrimaha Gudaha, Federaalka iyo Dib u heshiisiinta XFS Mudane Cali Yuusuf (Cali Xoosh) iyo guddoomiyaha gobolka Banaadir Yuusuf Xuseen Jimcaale (Madaale) ayaa maanta kormeeray dhismaha xarunta Wasaaradda Arrimaha Gudaha oo dhawaan la banneeyay. Kormeerka wasiirka iyo duqa magaalada Muqdisho ayaa waxaa ku wehliyay Injineero ka socday shirkad dhisi doonta Wasaaradda, kuwaa oo madaxda u sheegayay sida ugu macquulsan ee xaruntan loo dhisi karo iyo waqtiga ay qaadaneyso. Wasiirka iyo guddoomiyaha gobolka Banaadir ayaa u mahadceliyay shacabkii xaruntaasi deganaa garowshiyaha ay ka muujiyeen in ay banneeyaan xarunta wasaaradda, kadib markii loo soo baahday xarunta in dib-u-dhis lagu sameeyo isla…
Waxaa maanta oo Isniin ah kooram la’aan u baaqday kulan ay yeelan lahaayeen xildhibaannada Golaha Shacabka ee Baarlamaanka Federaalka Soomaaliya, kaddib markii inta badan xildhibaannada ay kulanka soo xaadiri waayeen . Guddoomiye ku xigeenka labaad ee Baarlaamka Cabdullaahi Cumar Abshirow , oo kulanka soo xiray ayaa sheegay in kulanka maanta kooram la’aan u baaqday, waxa uuna xusay in xildhibaannada qaar aadeen xaflad caawa ka dhaceysa Jowhar iyo xildhibaanno kale oo shir u aaday magaalada Nairobi. “Xildhibaanno aad ayaad u mahadsan tihiin, inta maanta soo xaadirtay kooramka intaan waxaa gaarsiiyay xildhibaannadii HirShabelle maanta aaday, sidoo kale guddigii maaliyadda ayaa Nairobi ku…
Ra’isul Wasaaraha Xukuumadda Federaalka Soomaaliya Xamse Cabdi Barre ayaa shalay wareegto uu soo saaray ugu magacaabay Ibraahim Aadan Ibraahim (Nadaara) in uu noqdo agaasimaha guud ee Wasaaradda Awqaafta iyo Arrimaha Diinta. Ninkan loo magacaabay agaasimaha guud ee Wasaaradda Awqaafta iyo Arrimaha Diinta, ayaa horey uga tirsanaa kooxda Al Shabaab ee ka dagaallanta Soomaaliya, hasa ahaatee waxa uu kasoo goostay kooxdaasi iskuna soo dhiibay dowladda Soomaaliya sannadkii 2016-kii. Ibraahim Nadaara ayaa tan iyo markii uu kasoo goostay kooxda Al Shababaab si hoose ula shaqeenayay dowladda, waxa uuna ninkan wareysiyo badan uu bixiyay ku dhaliilayay kooxdii uu kasoo goostay ee Al Shabaab…
Tiro Dhallinyaro Soomaali ah ayaa sannadkan ka qayb galay cayaaraya olombikada ee Paris. Dhallinyaradaas waxay intooda badan u ordayeen dalal aan Soomaaliya ahayn oo ay dhalashadooda haystaan. Qaarkood waa markii ugu horreysay ee ay tagaan cayaaraha olombikada, halka qaar kalena ay hore magac uga sameeyeen taratamadan. Qormadan waxaan ku eegeynaa qaar dhallinyaradaas ka mid ah iyo noloshooda isboortiga oo kooban. Maxamed Axmed – Canada Xigashada Sawirka,Getty Images Maxamed Axmed waa Soomaali haysta dhalashada Canada, wuxuuna dhashay 5 Janaayo 1991. Taariikhda ugu horreysay ee uu ka sameeyey dhanka cayaaraha waxay ahayd olombikada xagaagii 2021 isagoo ku guulaystay billadda qalinka ee…
Maraykanka ayaa markab la hagayo oo nuuca badda quus ah gantaaladana tuura u soo diray Bariga Dhexe, xilli ay cirka isku sii shareereyso xaaladda gobolka. Wasiirka gaashaandhigga, Lloyd Austin ayaa sheegay in markab nuuc diyaaradaha qaada ah oo awalba aaggaas ku sii jeeday uu isna si degdeg leh ugu sii siqi doono gobolka. Talaabadan ayaa jawaab u ah cabsida laga qabo in uu dagaal ka dhaco gobolka, kadib markii dhawaan la dilay hogaamiyaal sare oo ka tirsan Xisbullah iyo Xamaas. Waxay muujineysaa sida ay uga go’an tahay Mareykanka inuu ka caawiyo Israel inuu ka difaaco weerar kasta oo kaga yimaada…
Isbitaalka Guud ee Degmada Buuloburte, ka hor burburkii dowaldnimada waxa uu ahaa cisbitaal weyn oo adeeg guud siiya dadweynaha degmada iyo deegaanada ku xeeran, waxaana ka howl geli jiray dhaqaatiir Soomaali iyo ajaanib isugu jirtay , kuwaas oo ay ku jireen dhaqaatiir iyo kalkaaliyaal caafimaad oo Maraykan ah. Hase yeeshee isbitaalkii ay berisaamaadkii ka shaqeyn jireen dhaqaatiirta Maraykanka ah hadda waxa uu la daalaa dhacayaa dhaqaatiir la’aan. Isbitaalka oo dhawaan lagu sameeyay dayactir ayaa waxa dhawaan la gaarsiiyay Qalab caafimaad oo kala duwan oo uu isbitaalku baahi weyn u qabay kuwaas oo ay ka mid yihiin sariiro casri ah, kuraasta…
Wufuud ka kala socota dowladdaha Soomaliya iyo Itoobiya ayaa maanta u ballansan in ay ku kulmaan dalka Turkiga halkaas oo lagasii amba qaadi doono wadahadaladii u dhexeeya Soomaaliya Iyo Itoobiya, ee ku aaddanaa dejinta xiisaddii u dhexaysa labada dal. Turkiga ayaa leh doorka dhexdhexaadinta. Soomaaliya iyo Itoobay ayaa xiisadda u dhaxaysaa soo bilaabatay bilowgii sanadkan ka dib markii Addis Ababa heshiis is afgarad ah la gashay Jamhuuriyada Iskeed Madaxbanaannida ugu dhawaaqday ee Somaliland. Wasirka warfaafinta Soomaaliya Daa’uud Aweys Jaamac oo ka mida waftiga Soomaaliya ee ku sugan Ankara ayaa BBC-da u sheegay in shirka maanta u furmaya Soomaaliya iyo Itoobiya…
Warar kala duwan ayaa kasoo baxaya khasaaraha ka dhashay weerar ay xalay kooxda Al-Shabaab ka fulisay agagaarka magaalada Gaarisa ee gobolka Waqooyi Bare ee dalka Kenya. Weerarka oo ka dhacay deegaan lagu magacaabo Naani ayaa waxaa lagu beegsaday sarkaal sare oo ka tirsanaa ciidamada booliska dalka Kenya, kaas oo goobta lagu dilay. Magaca sarkaalka ayaa waxaa lagu sheegay Deeqow Isaaq Aadan, wuxuuna amniga kala shaqeynayay ciidamada Kenya ee ka howlgala gobolka Waqooyi Bari, gaat ahaan deegaanada u dhow xadka Soomaaliya. Sidoo kale wararka ayaa intaasi kusii daraya in xilliga la dilayay uu waday howlgal amni xaqiijin ah, waxaana weerar gaadmo…