Author: radiohalgan.com
Xeer Ilaalinta Qaranka waa in ay qaado Tilaabooyin deg deg ah Xisbiga Daldhis oo markasta u taagan danta dadka, diinta iyo dalka ayaa ka walaacsan xaaladda danleyda Soomaaliyeed ee wax kasta u maraya dantooda shaqsiga ah. Waxa jira faragelin toos ah oo ay ku heysayn Dowladda Etoobiya laga soo bilaabo burburkii dowladii Soomaaliya 1991-dii, ayida oo adeegsaneysa shaqisiyaad danley ah, waxana ay dalka ku leedahay shaqsiyaad korka Soomaali ka ah, kuna hadla af Soomaali, oo iskugu jira siyaasiyiin, ganacsato iyo saraakil ciidan. Heshiis ku sheegii Addis Ababa ku dhexmaray hoggaamiyihi waqtigu ka dhamaaday ee gobolada Waqooyi (Somaliland) Muuse Biixi iyo…
Wararka ka imaanaya Magaalada Hargeysa waxa ay sheegayaan in Ciidamada ammaanka ay xireen Xildhibaan Maxamed Abiib oo kamid ah Golaha Wakiillada Maamulka Somaliland, xiritaankaan ayaa yimid kaddib markii Xildhibaanku kasoo degay Diyaarad uu la socday oo ka timid Dalka Isutagga Imaaraatka Carabta. Mustaqbal ayaa heshay xogo ku saabsan qaabka loo xiray Xildhibaanka, Ciidamo katirsan kuwa Ammaanka ee jooga Garoonka Diyaaradaha Cigaal ee Magaalada Hargeysa oo inta badan qabta Dadka halkaas ka dega ayaa Xildhibaan Abiib geeyay mid kamid ah Xafiisyadooda, waxa ay ugu dambeyn u sheegeen in uu xiran yahay. Maxamed Abiib ayaa ku dooday in loo caddeeyo sababta keentay…
Cabdiraxmaan Cirro oo ah musharxa Madaxweyne ee mucaaradka Xisbiga Wadani, ayaa cambaareeyay Xarigga Xildhibaan Maxamed Abiib oo ka tirsan Golaha Wakiillada Maamulkaasi, oo maanta Ciidanka Somaliland ku xireen magaalada Hargeysa. Cirro ayaa qoraal uu bartiisa Facebook ku soo qoray ku tilmaamay in xarigga Abiib uu yahay mid dastuurka baal marsan. “Waxa aan si adag u cambeyranayaa xadhigga Dastuur jebinta ah ee lagula kacay Xildhibaan Maxamed Abiib Yuusuf oo ka tirsan Xildhibaannada Golaha Wakiilada Jamhuuriyadda Somaliland.” Ayuu yiri: Musharax Cabdiraxman Cirro. Sidoo kale, Ciro ayaa qoraalka ku sheegay in Xadhigga Xildhibaanka aan loo marin sifo sharci ah iyo mid Dastuuri, isagaoo sheegay…
Guddoomiyaha Aqalka sare ee Baarlamaanka Federaalka Soomaaliya Cabdi Xaashi Cabdullaahi oo uu weheliyo Guddoomiye ku xigeenka labaad Cabdullaahi Cali Xersi (Timacadde), ayaa maanta shir guddoomiyay kalfadhiga shanaad kulankiis 14-aad. Kulanka ayaa waxa uu ajandahiisu ahaa, Akhrinta koowaad ee Hindise Sharciyeedka Ilaalinta Xuquuqda Naafada Qaranka Soomaaliyeed. Wasiirka Wasaaradda Qoyska iyo Xuquuqul Insaanka XFS Bashiir Maxamed Jaamac, ayaa Sanatarrada Aqalka sare ee Baarlamaanka Federaalka Soomaaliya, ka hor akhriyay Hindise Sharciyeedka Ilaalinta Xuquuqda Naafada Qaranka, Sidoo kale, Wasiir Bashiir Maxmed Jaamac ayaa waxa uu waxa uu faahfaahiyay muhiimadda uu leeyahay Hindise Sharciyeedkan iyo sida uu u ilaalinayo Xuquuqda Naafada Soomaaliyeed. Ugu dambeyn, Guddoomiye…
Kulan looga hadlayay xoojinta Amniga Gobalka Mudug oo ay ka qeybgaleen masuuliyiin ka kala socday maamulada Puntland, Galmudug iyo guddiyada odiyaasha dhaqanka iyo saraakiisha ciidamada ayaa lagu qabtay magaalada Gaalkacyo. Kulan ayaa looga hadlay nabadeynta gobalka Mudug, gaar ahaa Gaalkacyo iyo sidoo loo xallin lahaa arrimaha taagan. Sidoo kale, odiyaasaha dhaqanka oo goobta ka hadlay ayaa sheegay in laga heshiiyo dhacdooyiinkii u dambeeyay iyo nabadeyntooda, iyaga tilmaamamay gobalka Mudug gaar ahaan Gaalkacyo colaadahii ay soo martay, carrabkana ku adkeeyay in muhiim tahay nabadda. Saraakiisha iyo mas’uuliyiinta labada maamul ayaa ka warbixiyay amniga gobolka Mudug, iyaga oo soo bandhigay sida ay…
Ayachi Zammel, oo ah hogaamiyaha xisbiga liberaaliga, ayaa la xiray kadib markii looga shakiyay in uu been abuur sameeyay, sida ay kooxdiisa ololaha u sheegtay wakaalada wararka ee Reuters. Waxa uu ahaa mid ka mid ah labada tartan ee kaliya ee arkay codsigooda si ay uga soo horjeedaan Saied oo ay ansixiyeen guddiga doorashada Tunisia, ISIE. 14 ka mid ah musharrixiinta ka Mustaqballe ee mucaaradka ayaa isku dayay inay u tartamaan, balse waa la diiday. Doorashada dalka Tunisiya ayaa la filayaa in ay qabsoonto 6 bisha soo socota ee October, waxaana weli ka taagan muran xooggan.
Xildhibaan Cabdisalaan Xaaji (Dhabancad) oo kamid ah xildhibaanada Golaha Shacabka, ayaa dowladda faray in ay xafiis walba uu sameysto waxa loo yaqaano xiriirka dadweynaha (public Relation), si ay u fududaato xiriirka ka dhaxeeyo dowladda iyo shacabka. Xildhibaan Dhabancad ayaa tilmaamay in ay muhiim tahay in wasaaradaha iyo xafiisyada dowladda ay sameystaan xiriirka dadweynaha, isaga oo sheegay in dadka shacabka ee cashuur bixiyaasha ah aysan mudneen in lagu celiyo albaabada. “Ummadda dowlad uma wada shaqeyso, qofka waddiniga ah ee lugeynaayo inta la baaro surwaal iyo shaari wata, in la yiraahdo dariiqaan ka noqo ceeb bay nagu tahay, war ummadda ha loo…
Warar dheeraad ah ayaa ka soo baxayo shil gaari oo ka dhacay duleedka magaalada Garoowe. Shilkaan ayaa sababay khasaare dhimasho iyo dhaawac isugu jira, iyada dadka ku waxyeellobay ay dhammaantood yihiin hal qoys shil maanta ka dhacay deegaanka lagu magacaabo Laacdheere oo hoos yimaado magaalada Garowe ee gobalka Nugaal. Shilka ayaa Hooyo iyo wiilkeed ku geeriyoodeen, waxaana ku dhaawacmeen wiil ay dhashay hooyada geeriyootay iyo mid ayeeyo ay u tahay, kadib markii gaari nooca qaadka qaada dusha ka maray bajaaj ay saarnaayeen. Ciidanka Booliska Gobolka Nugaal ayaa goobta soo gaaray, waxa ayna halkaas xabsiga u taxaabeen darawalkii waday gaariga qaadka…
Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa magaalada Qaahira kula kulmay dhiggiisa Masar, Mudane Mustafa Madbouly. Kulankan ayaa diiradda lagu saaray sidii loo xoojin lahaa xiriirka iyo iskaashiga taariikhiga ah ee ka dhexeeya Soomaaliya iyo Masar. Labada Ra’iisul Wasaare ayaa ka wada hadlay arrimaha amniga, horumarka, ganacsiga iyo iskaashiga dhinacyada kala duwan leh. Ra’iisul Wasaaraha Soomaaliya ayaa carrabka ku adkeeyay muhiimadda ay leedahay in la xoojiyo xiriirka labada dal, isagoo hoosta ka xarriiqay in sii adkaynta calaaqaadka taariikhiga ah ay tahay mid muhiim u ah labada dal. Wuxuu sidoo kale muujiyay sida ay muhiimka u…
Warar kala duwan ayaa kasoo baxaya khasaaraha ka dhashay qaraxyo xoogan oo saaka laga maqlay xaafadda Tabeelaha Sheekh Ibraahim ee duleedka Muqdisho, kaas oo lala beegsaday goobaha ganacsi ee ku yaalla suuqa xaafaddaasi oo ka tirsan degmada Garasbaaley ee gobolka Banaadir. Qaraxyada oo labo ahaa ayaa gilgilay Tabeelaha, waxaana xigtay gubashada suuq wayn oo ku yaalla halkaas oo uu dab xoogan qabsaday, kadib qaraxyada lala eegtay. Suuqaan oo aad u camirnaa isla-markaana hanti badan ay dhextiilay ayaa lasoo wariyay in dhammaantii uu dhulka dhigay dabka qabsaday, sida ay inoo sheegeen dadka deegaanka. Wararka ayaa sheegaya in Al-Shabaab ay beegsatay goobahaasi…