Author: radiohalgan.com
Wadamada horumaray ayaa ciyeelka ku dhasha dhiciska la siiyaa caano haween kale oo la keydiyay, si ay uga badbaadaan xanuuno dhimasho sababa. Balse caruurta dhiciska ku dhasha ee qoysaska muslinka ah ayaa sidaas sameyn karin sababo la xariira diinta, taas oo horseeday in aysan ka soo kabsan dhicisnimada. Hay’adda caafimaadka adduunka (WHO) ayaa sheegtay in 2019kii ku dhawaad 900,000 oo carruur ah oo da’doodu ka yar tahay 5 sano ay ugu dhinteen adduunka oo dhan dhibaatooyin la xiriira in ay dhicis ku dhasheen. In carruurta ay dhashaan waqtigooda saxda ka hor waxay keeneysaa in ay nuglaadaan. Dhicisnimada waa dhibaato adduunyada…
Dhaqtar ayaa ku dhintay isku dhac la sheegay in uu dhexmaray dadka deegaanka Yamaarugley ee Dawlad Deegaanla Soomaalida, iyo ciidamo ka tirsan ismaamulka Soomaalida. Nasteex Maxamed jaamac, oo ahaa dhaqtar ka howlgali jiray xarun caafimaad oo ku taal deegaanka Yamaarugley oo hoostagta degamada Gallaadi ee gobolka Doollo, ayaa la sheegay in rasaas ooda laga qaaday dad uu kamid ahaa waxay uga dhacday madaxa iyo neefmareenka, sida uu noo sheegay, Axmed Gooni, oo ah adeerkiis goobjoogana ka ahaa dhacdada. “Qaybta sare ee jirkiisa gaar ahaan madaxa ay ka haleeshay raasaastu, wuuna u geeriyooday…runtii waxaan ku tilmaami karaa dhacdo xanuun leh oo…
Maxkamada Cadaalada Caalamiga ah ayaa ku amartay Israa’iil inay qaado dhamaan talaabooyinka lagu joojinayo falalka xasuuqaa ee Qasa ka dib kiiskii ay maxkamadda u gudbisay dalka Koonfur Afrika ee ka dhan ahaa Israa’iil. Maxkamada ayaa sidoo kale amartay in Israa’iil fasaxdo gargaarka bini’aadanimo ee dadka Qasa balse maxkamadu kuma amrin joojinta dagaalka. Israa’iil ayaa ka caroortay go’aanka maxkamada iyadoo Koonfur Afrika oo ah dalka gudbiyey dacwada ay ugu baaqeen Israa’iil inay ixtiraamto go,aanka. Hase yeeshee go,aanka ka dib waxaa dad badani wali hadal hayaan Julia Sebutinde, oo u dhalatay Uganda, ahna garsooraha kaliya ee ka tirsan17-ka garyaqaan ee maxkamadda caalamiga…
Xidhiidhka kubadda cagta Ivory Coast ayaa ku dhawaaqay tababarahooda cusub ee hoggaamin doona, kaddib markii ay shaqada ka caydhiyeen Jean-Louis Gasset oo sababsaday markii uu xulkiisu kaalinta saddexaad kaga dhamaystay Group A, laakiin uu nasiibku u hiiliyey oo ay ka mid noqdeen afar xul oo ahaa kuwa ugu dhibcaha badan ee kaalmaha saddexaad galay, isla markaana lagu buuxiyey wareegga 16ka. Emerse Fae ayaa loo magacaabay tababaraha cusub ee xulka qaranka Ivory Coast, waxaanu u dhashay isla waddankaas. Sannadkii 2007, ayaa uu tegay horyaalka Premier League waxaana £2.5 milyan oo Gini kusoo iibsatay Reeding oo waqtigaas kala soo wareegtay kooxda horyaalka…
Karim Benzema waxa uu haystaa lix maalmood oo kaliya si uu uga dhaadhiciyo kooxdiisa Al-Ittihad in loo ogolaado inuu dib ugu laabto Yurub qaybta dambe ee xilli-ciyaareedkan socda, kaddib markii markii uu Sucuudiga kusoo qaatay lix bilood oo ku adkaa. Real Madrid ayaa la sheegay inay sugayso go’aanka Karim Benzema iyo inay ogaato booska ay arrintan ka taagan tahay kooxda Al-Ittihad, waxaana mar kale u gacan haadinaya tababarihiisii hore ee Carlo Ancelotti oo doonaya inuu kusoo celiyo garoonka uu laacibkani muddada 14ka sannadood ah ka ciyaarayay. Arsenal, Manchester United, Chelsea iyo Olympiuqe Lyon ayaa dhamaantood lala xidhiidhinayaa Benzema, waxayse caqabadda…
Qisooyinka Afrika way badan yihiin, waxaana xilliyada ay tartamadu ka socdaan laga diiwaangeliyaa arrimo cajiib ah. Maanta waxa ay dunidu ka sheekaynaysaa xul ka mid ah dalalka ka qayb-gelaya Koobka Qaramada Afrika ee ka socda waddanka Ivory Coast oo ka dalbaday dal kale inuu amaahiyo tababarihiisa, si uu u hoggaamiyo inta uu socdo tartanku. Waxaynu maqli jirnay ciyaartoy la kala amaahdo ugu yaraan muddo lix bilood ah, laakiin waligaa ma maqashay tababare la kala amaahdo muddo 20 maalmood ah oo ah inta ka hadhay waqtiga uu tartanku dhamaanayo. Tartanka qaramada Afrika oo Arbacadii lasoo gabogabeeyey wareeggii koowaad ee Group-yada ayaa…
Jurgen Klopp ayaa lagu maamusayaa in taalo looga dhiso garoonka Anfield ka dib markii uu ka dhawaaqay inuu isaga tagayo shaqada tababare ee kooxda dhamaadka xilli ciyaareedkan. Ka dib sagaal sannadood oo koobab u qaaday kooxda, Klopp ayaa ka yaabiyay dunida kubada cagta maanta oo Jimce ah markii uu xaqiijiyay bixitaankiisa lama filaanka ah. 56 jirkaan ayaa sheegay in go’aankiisa uu la xiriiro inay ka dhamaatay tamartii uu Liverpool ugu hogaamiyay Champions League, Premier League, FA Cup, Carabao Cup iyo Club World Cup. “Waan ogahay inaan shaqadaan sameyn karin marba marka ku xigta” ayuu yiri. Ka dib markii uu faafay…
Baarlamaanka federaalka Soomaaliya labadiisa Aqal ayaa ansixiyay, Qaraarka hab-raaca ansixinta wax-kabedelka Dastuurka KMG. Habraacan oo ka kooban 8 qodob ayaa waxa uu qeexayaa cidda leh mas’uuliyadda horgeynta Baarlamaanka ee waxkabedelka Dastuurka iyo hanaanka horgeynta intaba. Qodobka 1aad ee hab-raaca ayaa waxa uu xeerinayaa masuuliyadaha iyo awoodaha gudiga dib u eegista iyo la-socodka Hirgelinta Dastuurka. Qodobkan oo ka kooban ilaa 3 faqradood ayaa soo xiganayaa qodobo dastuuri ah oo raadraac u noqnaya shaqada ay gudigu qabanayaan. Sidoo kale qodobka 1aad ee hab-raacu waxa uu iftiiminayaa shaqooyinka gudiga oo ay ka mid tahay soo uruurinta aragtida bulshada qeybaheeda kala duwan ee ku aaddan wax-kabedelka Dastuurka,…
Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale Madaale ayaa ka qaybgalay shirka loogu magac daray ‘Magaalooyinka & Caasimadaha Carabta’ oo ka furmay Magaalada Baqdaad ee Dalka Ciraaq. Yuusuf Madaale ayaa shirkaan ku metalaya Soomaaliya gaar ahaan Caasimadda Muqdisho waxaana uu kamid noqday Madaxda waddamada xubnaha ka ah Jaamacadda Carabta ee madasha xaadirtay si ay uga hadlaan ajandaha miiska saaran. Shirkaan waxaa diiradda lagu saarayaa qorshaha horumarinta ee caasimadaha, isbaddelka ay sameeyeen & ansixinta shirka soo socda si ay mas’uuliyiintaan isugu raacaan cinwaanka ama hal ku dhiggga kulanka kan xiga. Mas’uuliyiinta metalaya Caasimadaha Dalalkaan ku bahoobay Carabta ayaa…
Mareykanka ayaa leh ciidamada ugu awooda badan caalamka, waxaana ku soo xiga Ruushka iyo Shiinaha oo ku jira kaalinta labaad iyo seddexaad. Hindiya waxa ay soo galeysaa booska afraad, sida lagu sheegtay bogga Global Firepower, oo ah shabakad isha ku haysa xogta difaaca caalamka. Qiimeynta Global Firepower ee 2024 ayaa waxay sannadkan ku sameysay 145 waddan, iyada oo la tixgelinayo in ka badan 60 arrimood sida tirada ciidamada, qalabka milatariga, xasilloonida maaliyadeed, goobta juqraafiyeed, iyo agabyada la heli karo. Qodobbadani waxay si wada jir ah u go’aamiyaan dhibcaha PowerIndex, halkaasoo buundooyinka hoose ay muujinayaan awoodaha ciidan ee xooggan. Waddamada kale…