Author: radiohalgan.com
Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa magacaabay Wasiir ku-xigeeno kuwaas oo kala ah:- 1. Liibaan Cabdiraxmaan Cali, Wasiir ku-xigeenka Wasaarrada Arrimaha Gudaha iyo Dowladda Hoose ee Dowladda Hirshabeelle. 2. Axmed Bariise Xeydar, Wasiir ku-xigeenka Wasaarrada Amniga Gudaha ee Dolwadda Hirshabeelle. Madaxweynaha ayaa faray masuuliyiintan inay gutaan waajibaadka shaqo ee loo idmaday weliba si waafaqsan qoddobka 58-aad ee Dastuurka Dowladda Hirshabeelle. DHAMMAAD
Wasiirka Arrimaha Dibadda & Iskaashiga Caalamiga Xukuumadda Jamhuuriyadda Federaalka Soomaaliya Danjire Axmed Macallin Fiqi ayaa sheegay in uu socdo qorshe Dowladda ay Madaxtooyada Qaranka uga rareyso Safaaradda Itoobiya. Fiqi ayaa tilmaamay in aanay macquul ahayn in Safaaradda Itoobiya ay kusii dhex taallo Madaxtooyada Qaranka iyada oo uu bannaan yahay dhulkii ay ka degeneen Magaalada Muqdisho sida uu hadalka u dhigay. Qorshahaan lagu rarayo Safaaradda ayuu shaaciyay in uu socdo si ay ula mid noqoto safaaradaha kale ee ku yaalla Magaalada Muqdisho kuwaas oo degen meelo ka baxsan aqalka Dalka looga arrimiyo sida uu yiri. Guri ku yaalla xeendaabka Madaxtooyada ayay…
5ta bishaan Nofeembar oo ku beegan Talaadada maalin kaddib waxaa Dalka Maraykanka loo dareeyayaa doorashada Madaxtinimo oo sanadkaan ay ku tartamayaan Kamala Harris oo haatan ah ku xigeenka Joe Biden & Donald Trump oo afartii sano lasoo dhaafay bannaan jog ahaa. Meelo badan ayaa sanadkaan laga qiimeynayaa Doorashada, labada Xisbi ee Jamhuuriga iyo Dimuqraadiga ayaa loolan adag ka dhaxeeyaa, Shacabka ayaa u codeynaya Madaxweynaha 47aad ee Dalka Maraykanka. Ammaanka guud ayaa sare loo qaaday iyada oo la hubiyay qalabka loogu talagalay in loo adeegsado codbixinta si aanay u dhicin weerarro dhinaca Internet-ka ah oo aan lagu kala baddelin codadkaas la…
War kasoo baxay Hay’adda Nabadsugidda iyo sirdoonka Qaranka Soomaaliyeed ee NISA ayaa lagu faahfaahiyay howlgal ka dhan ah ‘AS’ oo ka dhacay Gobolka Shabeelaha Dhexe Dowlad-Goboleedka Hir-Shabeelle gaar ahaan Deegaanka Yaaqle. Hay’adda Nabadsugidda & Sirdoonka Qaranka Soomaaliyeed ee NISA ayaa qoraalkeeda ku sheegtay in howlgalkaan lagu dilay xubno gaaraya 27 ruux kuwaas oo lagu beegsaday howlgal socday muddo 12 saac ah sida lagu hadalka loo dhigay. Sidoo kale Warka kasoo baxay NISA ayaa lagu sheegay in la gubay Gaadiid nooca dagaalka ah oo ay wateen iyo saanad kale oo ay wateen ‘AS’ isla markaana laga gungaaray ujeedka howlgalkaan loo fuliyay.…
Wasiirka Gaashaandhigga Xukuumadda Jamhuuriyadda Federaalka Soomaaliya Cabdulqaadir Maxamed Nuur Jaamac oo khudbad ka jeediyay Munaasabad lagu xarrig jarayay dhismaha cusub ee xarunta Ciidanka Dhulka ee Xoogga Dalka ayaa ka faah-faahin ka bixiyay howlgallada ka dhanka ah ‘AS’ ee socda. Wasiir Cabdulqaadir ayaa sheegay in Dowladda Federaalka ay diyaariyay guluf ka dhan ah ‘AS’ si ay uga qabsato deegaannada ay gacanta ku hayaan, waxa uu digniin u diray dadka rayidka ah ee jooga deegaannadaas si ay uga fogaadaan waxyeellada kasoo gaari karta duullaanka Ciidamada ay qaadayaan. Mar uu ka warceliyay Dadka inta badan ka hadla waxyeellada kasoo gaartay duqeymaha lagu beegsanayo…
Labada Aqal ee Baarlamaanka Soomaaliya ayaa aqbalay codsigii Madaxweyne Xasan Sheekh ee in ahaa in muddo Bil ah dib loo dhigo fasaxa xildhibaannada si loo ansixiyo Sharciga Doorashooyinka. Buuq iyo Fowdo ay sameeyaan xildhibaanada Mucaaradka, kadib ayaa cod loo qaaday, waxaa codsiga Madaxweynaha ogolaaday 181 xildhibaan, waxaa diiday 12, mana jirin wax ka aamusay, iyadoo tirada kulanka fadhida ay ahayd 193. Waxii warar oo ku soo kordho kala soco marwlba Ish Warar radio Halgan
Siyaasiyiinta ugu waa weyn mucaaradka Soomaaliya ayna hormuudka u yihiin Madaxweynayaal hore iyo Ra’isul Wasaarayaal , ayaa ku eedeeyay Madaxweyne Xasan Sheekh Maxamuud in uu maanta rabo waxii uu shalay diidanaa markii uu mucaaradka ahaa uu maanta sameeyo. Madaxweyne Xasan Sheekh ayeyna ku eedeeyeen siyaasiyiinta mucaaradka in uu rabo muddo kororsi sharcidarro ah in uu sameesto, isaga oo marmarsiiyo ka dhiganaya in dalka ka hirgalinayo doorasho qof iyo cod ah oo ay sheegeen in xilligan uusan dalku u diyaarsaneyn. Wasiirka Arrimaha Dibadda Soomaaliya Axmed Macalin Fiqi, ayaa eedeynta siyaasiyiinta mucaaradka ku sifeeyay in ay diidan yihiin qabashada doorasho qof iyo…
awlgalka Kalaguurka ee Kaalmaynta Qaramada Midoobay ee Soomaaliya (UNTMIS) ayaa hawgalladiisa billaabay shalay oo ay taariikhdu aheyd 1 November, isagoo beddelaya Hawlgalka Kaalmaynta Qaramada Midoobay ee Soomaaliya (UNSOM). Ku-simaha Ergeyga Gaarka ah ee Xoghayaha-Guud ee Qaramada Midoobay u qaabilsan Soomaaliya, James Swan ayaa sheegay in UNTMIS uu xaqiijinaya sida ay Qaramada Midoobay uga go’an tahay inuu Dowladda iyo shacabka Soomaaliyeed ku garab-istaago sidii loo dhisi lahaa dal xooggan iyo mustaqbal wanaagsan. Waxaan ku hanweynahay in aan si wadajir ah u wada shaqayno annagoo iskala shaqaynayna hawlgalkan kalaguurka muddada labada sanno ah ee qorsheysan, iyadoo Soomaaliya ay sii xoojinayso lahaanshaha qaran…
Agaasimaha Warfaafinta Madaxtooyada Soomaaliya, Mudane Cabdulqaadir Cali Dige oo qoraal soo saaray ayaa shaaca ka qaaday inuu iska casilay xilka uu ka hayay ee Villa Soomaaliya, wuxuuna soo saaray warbixin dheer. Mr. Dige ayaa qoraalkiisa ku caddeeyay inuu maanta ka tegay shaqada, isaga oo u mahadceliyay madaxweynaha Soomaaliya, Mudane Xasan Sheekh Maxamuud “Maanta oo ay taariikhdu tahay 2’da Nofeembar 2024 waxa aan halkan ku soo gudbinayaa warqadda shaqo ka tegista xilka Agaasimaha Warfaafinta Madaxtooyada Qaranka (Villa Soomaaliya) aniga oo Madaxwaynaha JFS uga mahad celinaya fursaddii uu ii siiyay in aan la shaqeeyo laba xilli oo xasaasi ahaa” ayuu ku yiri…
Waxaa goordhow xarunta Villa Hargeysa ee sida kumeel-gaarka ah uu ugu shiro Baarlamaanka 11aad ee Jamhuuriyadda Federaalka ka billaaban doonta khudbadda uu Madaxweyne Xasan Sheekh Maxamuud ka codsaday Mudaneyaasha labada Aqal. Xildhibaannadii ugu badnaa ayaa haatan ku sugan xarunta Villa Hargeysa, mudaneyaal soo dhaweeyay hadal jeedinta Madaxweynaha Jamhuuriyadda Federaalka iyo kuwo kale oo diidan waxyaabaha uu lahortagayo ayaa fadhiga xaadiray. Qaar kamid ah Xildhibaannada Golaha Shacabka iyo Senatarrada Aqalka Sare ayaa kasii aragti dhiibtay waxyaabaha laga filayo in uu Madaxweyne Xasan Sheekh Maxamuud ugu khudbeeyo maadaama uu usii sheegay in wax weyn uu horgeynayo. Xildhibaannada qaar ayaa aad u hadal…