Lix qof oo Ghana u dhashay oo ay ku jiraan saddex askari ayaa lagu xukumay dil toogasho ah, kadib markii lagu helay inay ku lug lahaayeen afgambigii dhicisoobay saddex sano ka hor.
Tani waxay ahayd dacwadii ugu horeysay ee khiyaamo qaran ah oo Ghana ka dhacda tan iyo 1966-kii markii la afgambiyay hogaamiyihii xornimada ka dib Kwame Nkrumah.
Lixda qof ayaa la qabtay sanadkii 2021-kii, xilli ay hub ku tijaabinayeen magaalada caasimadda ah ee Accra, si ay u afgembiyaan dowladda.
Kooxdan oo uu ku jiro nin qori tuuri jiray ayaa qirtay in lagu waayay wax dambi ah intii lagu guda jiray dacwad soo jiidatay dareenka qaranka.
Qareenada difaacayay ayaa sheegay inay racfaan ka qaadan doonaan xukunka maxkamada sare.
Saddex qof oo kale oo ay ku jiraan sarkaal sare oo ka tirsan booliska iyo laba sarkaal oo milateri ah ayaa lagu waayay wax dambi ah.
Waxaa jiray ciidamo ammaanka ah oo u badan oo la geeyay bannaanka Maxkamadda Sare ee Accra intii uu socday xukunka Arbacadii.
Maxkamada ayaa lixda qof ku heshay dambiga ah qiyaano qaran iyo inay maleegayeen khiyaano qaran.
Raggan ayaa waxaa lagu soo qabtay qoryo gudaha lagu sameeyay, walxaha qarxa iyo qoryo AK-47 ah, sida ku cad warqadaha Maxkamadda.
Isha: BBC