Maxaa cusub maanta:
Madaxwaynaha JFS Mudane Xasan Sh. Maxamuud, ayaa maanta dib ugu laabtay Muqdisho isagoo shalay kaga qeybgalay Garoowe caleemasaarka Hogaanka Cusub Puntland iyo Madaxweyne Deni oo dib loo doortay.
Madaxweynaha ayaa la filayaa inuu u safri doono Dubai- UAE 🇦🇪.
Ka dibna wuxuu u socdaali doonaa Talyaaniga oo uu shir uga qeyb gali doono, shirkaas waxaa ku casuuman madaxda geeska qaar ka mid ah sida RW Ethiopia 🇪🇹 Abiy Ahmed iyo Madaxweynaha Eritrea 🇪🇷 Isais Afweerki.
Madaxwayne Xasan Sheekh oo aqbalay inuu ka qeyb galo shirkaas waxaa macquul ah in Haweeneyda Ra’iisul Wasaaraha Talyaaniga ah ay dhexdhexaadiso Somalia 🇸🇴 Iyo Ethiopia 🇪🇹 oo ay kulan gaar ah iskugu keento sida xoghoose lagu helayo.
Waxaa xusid mudan in Italy 🇮🇹 , Somalia 🇸🇴 Iyo Ethiopia 🇪🇹 uu ka dhaxeeyo iskaashi marar badanna ay qabsadeen shirar saddex geesood ah.
Dhanka kale Ethiopia 🇪🇹 maanta isbadallo siyaasadeed gudaha ah ayaa ka dhacay oo waxaa xilkii ka tagay RW ku Xigeenkii dalka Itoobiya Demeke Mekonnen, ahaana kuxigeenka 2-aad ee Xisbiga PP ee talada haya.
Waxaana isla maantaba xilkii xisbiga iyo RW Kuxigeenkaba loo magacaabay sargaal hore oo military-ga Itoobiya ahaa, kadibna soonoqday Madaxweynaha Kililka Axmaarada, haatana ahaa Agaasimaha Hay’ada Sirdoonka iyo Nabadsugidda Wadanka oo lagu magacaabo Temesgen Tiruneh.
Waxaa maanta sidookale xilkii ka tagay Wasiirkii Cadaaladda Itoobiya oo isaguna kasoo jeeday Shucuubta Koonfureed ee Itoobiya.