Kooxda Sucuudiga ee Al-Hilal ayaa dib usoo cusboonaysiisay xiisaheeda kabtanka Manchester United ee Bruno Fernandes oo ay hore ugu fashilantay bishii January. 29 jirkan ayaase ku adkaysanaya inuu sii joogayo Old Trafford. (Mail)
Tababaraha Chelsea ee Mauricio Pochettino waxa uu halis weyn ugu jiraa in shaqada laga caydhiyo kaddib guul-darradii 4-2 ahayd ee ay Axaddii kala kulmeen Wolves. (Teamtalk)
Guddoomiyaha Crystal Palace ee Steve Parish ayaa ka fiirsanaya inuu eryo Roy Hodgson kaddib guul-darradii xanuunka badnayd ee ay Wolves u xambaarisay Sabtidii, waxaanay hadda raadinayaan tababarihii ay ku beddeli lahaayeen. (Guardian)
Arsenal waxay kula tartami doontaa Chelsea weeraryahanka Napoli iyo xulka Nigeria ee Victor Osimhem marka uu furmo suuqa iibka ciyaartoyda ee xagaagu. Waxa qandaraaska laacibkan lagu burburin karayaa lacag dhan £111. Soccernet)
Liverpool waxay xiisaynaysaa garabka weerarka Barcelona iyo xulka Brazil ee Raphinha oo 27 jir ah, iyo weeraryahanka Spain ee Ansu Fati oo 21 jir ah, si uu midkood u noqdo beddelka Mohamed Salah. (Teamtalk)
Liverpool ayaa wada-hadallo la furaysa difaaca midig ee reer England ee Trent Aleander-Arnold si ay qandaraaska ugu kordhiso. Heshiiska laacibkan ee Reds ayay ka hadhsan yihiin 18 bilood oo kaliya. (Football Insider)
Chelsea waxay bartilmaameed ka dhiganaysaa weeraryahanka reer Belgium ee Benjamin Sesko oo 20 jir ah haddii uu laacibkani go’aansado inuu ka tago RB Leipzig xagaaga soo socda. (Football Transfers)
Eintracht Frankfurt ayaa liiska ciyaartoydeeda Europa Conference League u dheelaysa ka reebtay laacibka ay amaahda kaga soo qaateen Manchester United ee Donny van de Beek. (Sky Sports)
Agaasimaha Napoli oo lagu magacaabo Mauro Meluso waxa uu sheegay in xiddiga khadka dhexe ee reer Poland ee Piotr Zielinski oo 29 jir ah laga reebay liiska ciyaartoyda kooxdooda ee tartanka Champions League, kaddib markii uu go’aansaday inuu si xor ah uga tago xagaaga, waxaana lagu soo warramayaa inuu kusii jeedo Inter Milan. (Football Italia)