Taliyaha qaybta guud ee Nabadgalyada Waddooyinka (Taraafiko) Booliiska Soomaaliya Gen. Bishaar Axmed Geedi ayaa muddo kooban u qabtay Dadka dhistay hareeraha laamiga ee ah marinka loogu talagalay in ay ku kala badbaadaan Gaadiidka & Dadka socda.
Gen Bishaar ayaa sheegay in aanay la aqbali doonin in la dhisto marshabiyeediga ama lagu dhaqo Gawaarida halka Dadka qaarna ay dhigtaan Gaadiidka ay wataan taasina ay keentay saxmad & dhibaatooyin kale.
Bishaar ayaa ku dhawaaqay in berri oo Sabti ah kuna beegan 3da Febaraayo 2024 in ay billaabayaan howlgallo ay iska kaashanayaan Dowladda Hoose ee Xamar si loo burburiyo dhismaha ‘Sharci-darrada ah’ ee laga dhistay hareeraha Laamiga.
“Marshabiyeediga waxaa loogu talagalay in ay ku kala badbaadaan Gaadiidka & Dadka Shacabka ah, waxa aan halkaan digniin ugu dirayaa dadka ka dhigtay suuqyada Ganacsiga ee qaadka, Hilibka & waxyaabaha kale ku iibiya, dadka qaar ayaa biro suray halka qaarkood ay dhigtaan Gawaarida kuna dhaqaan, ugu dambayn berri oo sabti ah 3da Febaraayo ciddii loogu tago iyaga ayaa ka mas’uul ah” Gen Bishaar Axmed Geedi, Taliyaha Ciidanka Taraafikada.
Mar uu dhinaca Amniga ka eegay halista ay la kulmi karaan Dadkaas ayuu Taliyaha Ciidamada Nabadgalyada Waddooyinka Gen Bishaar Abshir sheegay in tusaala ugu dhow laga dhigan karo dadkii ugu badnaa ee ku dhintay qaraxyadii ka dhacay Soobe oo intooda badan ku ganacsanayay hareeraha Laamiga.
https://www.facebook.com/sntvnews/videos/317057810804501/?mibextid=rS40aB7S9Ucbxw6v