Author: radiohalgan.com

Madaxweynaha Soomaaliya  Xasan Sheekh Maxamuud ayaa ka qeyb-galay Shirka Qiimaynta Horumarka Nidaamyada Cuntada ee Qaramada Midoobey (UN Food Systems Summit) oo lagu qabtay magaalada Addis Ababa ee dalka Itoobiya. Madaxweynaha oo khudbad ka jeediyay madashan ayaa soo bandhigay muhiimadda iskaashiga caalamiga ah ee la-dagaallanka cunto-yarida, isbeddelka cimilada iyo horumarinta nidaamyada cunto ee waara. Madaxweynaha Jamhuuriyadda ayaa muujiyey in Soomaaliya ay saameeyeen abaaraha soo noqnoqda iyo isbeddelka cimilada, taas oo horseedday in malaayiin qof ay wajahaan cunto-yari, waxa uuna adkeeyay in horumarinta nidaamka wax-soosaarka dalagga iyo xoolaha uu yahay lagama maarmaan si looga gudbo duruufaha nololeed. “Istaraatiijiyadda Horumarinta Beeraha, waxay…

Dowladda Soomaaliya ayaa sheegtay in ay soo iibsatay laba diyaaradood oo nuucoodu yahay Airbus A320, kuna duuli doona magaca Soomaali Airlines, kuwaas oo howl gali doona muddo laba bilood gudahood ah. Heshiiska lagu soo iibiyey diyaaradahaan ayaa maanta lagu saxiixay Xafiiska Ra’iisul Wasaaraha dalka. Wasiirka Gaadiidka iyo Duulista Hawada Xukuumadda Soomaaliya Mudane Maxamed Faarax Nuux ayaa faahfaahiyey xogta heshiiskaan iyo diyaaradaha la soo iibiyey. “Waxaan maanta heshiis kala iibsi ah la billownay shirkad la yiraahdo Lema Air Group. Waxaanu ka iibinay Laba dayaaradood oo ah Airbus A320, waxayna hawlgali doonaan muddo laba bilood gudahood ah” ayuu yiri wasiirku. Halkan ka…

Wararka laga helayo degmada Doolow ee Gobolka Gedo, ayaa sheegaya in ciidamo Itoobiyaan ah oo la socda kuwa maamulka Jubbaland xalay weerar ku qaadeen xero ciidanka nabadsugida Soomaaliya ku leeyihiin degmadaasi. Goobjoogayaal ayaa sheegay in ciidanka dowladda lagu weeraray xeradii ay joogeen, iyadoona dagaal saacado badan uu halkaasi ka socday. Ciidamada Jubbaland iyo kuwa Itoobiya, ayaana la sheegay in ciidanka dowladda taabcasan ee joogga xerada la weeraray ku amreen in ay is dhiibaan soona wareejiyaan hubka ay heystaan, hasa ahaatee ciidamada ayaa amarkaasi diiday dagaalna la galay ciidamada huwanta ah. Khasaaraha dhimasho iyo midka dhaawac ee ka dhashay dagaalka…

Madaxweynihii hore ee Soomaaliya, Sharif Sheekh Axmed, ayaa war-saxaafadeed rasmi ah kasoo saaray weerarkii Al-shabaab ay ku qaadeen magaalada Maxaas ee gobolka Hiiraan, isagoo bogaadiyay naf-hurnimada ciidamada Xoogga Dalka iyo xoogagga deegaanka ee si geesinimo leh uga hortagay weerarkaas. Sharif Sheekh ayaa tacsi u diray halyeeyada ciidamada iyo shacabka ku dhintay weerarka, isagoo sidoo kale caafimaad u rajeeyay dhammaan dhaawacyada. Wuxuu si adag u cambaareeyay in kooxda Al-Shabaab ay weli awood u leedahay inay dib u qabsato deegaanadii horay looga saaray, gaar ahaan magaalooyin istaraatiji ah sida Maxaas, taasoo uu ku tilmaamay mid muujineysa “mas’uuliyad darro culus” oo kasoo…

War ka soo baxay maamulka Puntland ayaa waxaa si adag loogu cambaareeyay weerarkii ay maleeshiyada  Al-Shabaab ku qaadeen degmada Maxaas ee gobolka Hiiraan, kaas oo sababay in ciidamada dowladda Federaalka iyo kuwa deegaanka ay ka baxaan magaalada, taasoo keentay in Al-Shabaab ay la wareegto gacan ku haynteeda degmadaasi. Puntland ayaa qoraalkeeda ku tilmaamay weerarka mid “waxuushnimo ah oo si toos ah u beegsanaya shacabka Soomaaliyeed iyo geesiyaasha difaaca dalka u taagan”. Puntland waxay sidoo kale tacsiyo tiiraanyo leh u dirtay ehelada dadkii ku naf waayay weerarkaasi, iyadoo ammaanay halganka iyo geesinimada ciidamada ku sugnaa Maxaas. Sidoo kale Puntland si gaar…

Maamulka  Jubbaland ayaa warsaxaafadeed si adag uga soo saartay dagaallada isdaba-joogga ah ee ka socda degmada Beledxaawo iyo deegaanka Doolow ee gobolka Gedo, iyada oo si toos ah ugu eedeysay Villa Somalia, gaar ahaan Madaxweynaha Federaalka Xasan Sheekh Maxamuud, in uu abaabulay weerarro lagu wiiqayo xasiloonida Jubbaland. Jubbaland waxay sheegtay in ciidamo federaal ah oo ku sugan xerada UK ee duleedka Beledxaawo ay dhowr jeer weerarro ku qaadeen magaalada, iyadoo la adeegsanayo diyaarado dagaal iyo hub culus, taas oo sababtay barakac, burbur hantiyadeed, iyo cabsi xooggan oo ka dhalatay magaalada. Maamulka ayaa tilmaamay in weerarradan ay yihiin qorshe siyaasadeed oo…

Xaaladda degmada Doolow ayaa saaka degan, kadib dagaallo culus oo xalay ka dhacay, kuwaasoo u dhaxeeyay ciidamada Nabadsugidda Federaalka iyo ciidamada Itoobiya oo la sheegay in ay weerar kusoo qaadeen xerada ay ku sugnaayeen ciidanka Nabadsugida. Wararka qaar ayaa sheegaya in ciidamada Itoobiya gubeen hub iyo saanad ciidan oo yaallay xarunta Ciidamada Nabadsugida, waxaana wararku intaa ku darayaan inay gebi ahaanba Ciidamada Itoobiya la wareegeen xerada, gacantana ku dhigeen Taliyihii ciidanka Nabadusgida ee Doolow iyo qaar ka mid ah ciidanka Nabadsugida. Sidoo kale, xaaladda magaalada Baladxaawo ayaa saaka degan oo maalmihii la soo dhaafay ay dagaalo ka dhacayeen, kaddib markii…

Kooxda AS ayaa Duhurnimadii shalay oo Axad ah si buuxda ula wareegtay gacan ku heynta Degmadda Maxaas ee gobalka Hiiraan wax ka badan 13-Sano ka dib. Dagaal socday in ka badan shansaac oo xiriir ayey kooxda u suurtagashay in lagu arko gudaha magaalada oo shacabkii ku nool goorsiihoreysay ay isaga baxeen. la wareegista AS ee Maxaas ayaa timid ka dib dagaalo iyo iska hor imaadyo goos goos ah oo tan iyo billowgii todobaadkii ka dhacayay inta u dhaxeysa Degmada Maxaas iyo Magaaada waxbo ee Gobalka Gal-gaduud oo ka mid ah talisyadda waa weyn ee kooxda. Dagaal ayaa waabirigii hore ee…

Ciidanka Booliska ee Gobalka Banaadir ayaa gacanta ku soo dhigay shan (5) eedeysane oo ku lug lahaa muuqaal lagu faafiyay baraha bulshada, kaasi oo si been abuur ah u muujinayay Askari dharcad ah oo dhacaya qof jalaatoole ah, sida lagu sheegay war ka soo baxay Booliska Soomaaliya. Baaritaanno degdeg ah oo ay sameeyeen Ciidanka Booliska ayaa lagu xaqiijiyay in muuqaalku ahaa jiliin si ula kac ah loo sameeyay, ujeedadiisuna ahayd sumcad-dil iyo marin habaabin ka dhan ah hay’adaha amniga, Shanta (5) eedeysane ayaa hadda ku jira gacanta Booliska, waxaana si degdeg ah loo horgeyn doonaa Maxkamadda awoodda u leh. Boolisku…

DEG DEG: Dagaal Toos ah oo ka Socda Doolow – Ciidanka Itoobiyaanka oo Madaafiic ku Garaacaya Magaalada Wararka hadda naga soo gaaraya magaalada Doolow ee gobolka Gedo ayaa sheegaya in dagaal toos ah uu ka socdo magaalada, iyadoo ciidamada Itoobiyaanka ah ay xilligan madaafiic culus ku garaacayaan gudaha Doolow. Dagaalkan ayaa imaanaya iyadoo maanta Madaxweynaha Soomaaliya Xasan Sheekh Maxamuud iyo Taliyaha NISA ay kulamo gaar ah ku yeesheen magaaladaas, taasoo muujinaysa xiisad amni oo si lama filaan ah u kacsatay. Goobjoogayaal ayaa sheegay in madaafiicda ay si toos ah u beegsanayaan meelo kamid ah xaafadaha magaalada, waxaana jira cabsi xoogan…