Author: radiohalgan.com
Dowladda federaalka Soomaaliya ayaa maanta qaaday tallaabo culus oo dhan ah Itoobiya ayada oo goordhow hawada Soomaaliya ka celisay Diyaaradda Ethiopia Airlines, sida ay innoo sheegeen ilo wareedyo xilkas ah . Wararka ayaa sheegaya in amarka uu kasoo baxay hay’adda duulista rayidka Soomaaliyeed ee fadhigeedu yahay magaalada Muqdisho, taas oo dib u celisay diyaaraddan oo wafdi Itoobiyaan ah u waday magaalada Hargeysa ee caasimada maamulka Somaliland. Diyaaradda ayaa ugu dambeyn ku laabatay magaalada Addis Ababa oo markii hore ay ka soo kacday, sida uu xaqiijiyay maareeyaha hay’adda duulista Axmed Macallin oo la hadlay Shabelle Tv. Axmed Macallin ayaa sheegay in…
Mareykanka ayaa war cusub kasoo saaray heshiiska muranka badan dhaliyay ee ay kowdii bishan wada gaareen Somaliland iyo Itoobiya. Aqalka Cad ee Mareykanka oo haatan soo farogeliyay heshiiska labada dhinac ayaa caddeeyay inuu kasoo horjeedo, maadaama uu xadgudub ku yahay Soomaaliya. “Waxaan taageereynaa Soomaaliya iyo madax banaanidooda dhuleed, waana in la ixtiraamo ” ayuu yiri John Kirby oo ah isuduwaha xiriirka golaha amniga qaranka Maraykanka. John Kirby ayaa shaaca ka qaaday inheshiiskaas uu horseedi karo xasillooni darro iyo in la carqaladeeyo dadaallada caalamiga ah ee looga hortagayo waxa loogu yeero argagixisada. Sidoo kale wuxuu intaasi kusii daray in aqoonsi ay…
Guddoomiyaha gobolka Hiiraan Mudane Cabdullaahi Axmed Maalin Sufuroow oo aay wehliyaan xubno maamulka kamid ah iyo saraakiil ciidan ayaa gaaray degmada Matabaan ee gobolka Hiiraan. Guddoomiyaha degmada Matabaan Wasiirro iyo Xildhibaanno ka tirsan dowladda Hirshabelle iyo qeybaha bulshada ayaa degmada Matabaan kusoo dhaweeyay guddoomiyaha gobolka Hiiraan Cabdullaahi Axmed Maalin. Ujeedka socdaalka guddoomiyaha gobolka ayaa salka ku haaya dib u habeynta Maaliyadda gobolka Mashaariic laga fuliyo degmada Matabaan iyo u kuurgalka xaaladda bulshada degmada Matabaan ku nool ku suganyihiin, waxuuna kulamo kala duwan la qaadaan doonaa guddoomiyaha gobolk Hiiraan maamulka degmada Matabaan iyo qeybaha bulshada.
Itoobiya ayaa ka meer-meeraysa inay ka qayb gasho shirka ay iclaamisay dowladda Jabuuti ee ay yeelanayaan Madaxda dalalka IGAD, kaasoo looga hadlayo heshiiskii muranka dhaliyay ee ay wada-saxiixdeen Aby Axmed iyo Muuse Biixi. Wasaaradda Arrimaha Dibadda Itoobiya oo warqad u dirtay IGAD ayaa ka gaabsatay ka qeyb galka shirkaas, iyadoo ku marmarsiyootay inay howlo kale ku mashquulsan yihiin, waxayna codsatay in waqti kale looga dhigo. Itoobiya ayaa waxaa heysta wejigabax diblumaasiyadeed oo ku qasbaya inay ka dhuumato fagaarayaasha gobolka iyo kuwa caalamiga ah. Shir Madaxeedka deg deg ah ee madaxda IGAD ayaa lagu wadaa inuu ka furmo magaalada Kambala ee…
Wuxuu 45 sano baadari ka ahaa kaniisad ku taal dalka Australia. Gould David wuxuu ku dhawaaqay maalmo kahor inuu qaatay diinta Islaamka. Wuxuuna la baxay magaca Abdul Rahman. Barashadiisa iyo fahamkiisa Islaamka wuxuu kasoo bilowday Perth oo ah magaalo uu u tagay tacsida seedigiisa oo dhintay. Wuxuuna kiraystay hotel fogaan 150 mitir u jira masjidka oo laga maqli karo aadaanka iyo salaadaha. Wuxuu go’aansaday inuu socdaal gaaban ku bixiyo Masjidka. Waxaana halkaas kusoo dhaweeyey imamka Masjidka oo guddoonsiiyay nuqul kamid ah Qur’anka Kariimka ah. “Waan sujuuday oo aan Rabbiga Weyn isku dul-dhigay si aan u haleelo jidkiisa dhabta ah kadibna waxaan…
Xiisad siyaasadeed oo meel xun gaartay ayaa soo kala dhax gashay dowladaha Soomaaliya iyo Itoobiya, kaddib markii Ra’isul Wasaaraha Itoobiya ku xad-gudbay Qarannimada Soomaaliya heshiis sharci-darro ahna la galay Somaliland. Ururka Jaamacadda Carabta ayaa ku dhawaaqay in shir deg deg ah oo looga hadlayo xiisada Soomaaliya iyo Itoobiya la qabanayo, shirkan oo qaab fogaan arag ah ku qabsoomaya ayaa waxaa hoggaamineysa dowladda Morocco. Ku xiigeenka xoghayaha guud ee ururka jaamacadda carabta, Hossam Zaki, ayaa sheegay in ururku shirkaasi qaban doono 17-da bishan Janaayo, sida ay ku soo warrantay wakaaladda wararka dalka Masar ee MENA. Hossam Zaki, ayaa sheegay in shirkan…
Magaalada Kampala ee caasimadda dalka Uganda ayaa lagu wadaa in uu ka furmo shir deg deg ah oo ay isugu imaanayaan madaxda dalalka ku mideysan IGAD, shirkan ayaana diirada lagu saari doonaa xiisada u dhaxeysa Soomaaliya iyo Itoobiya. Dowladda Federaalka Soomaaliya ayaana si weyn uga carrootay heshiis wax u dhimaya madax-bannaanida iyo midnimada umadda Soomaaliyeed, kaa oo Adis Ababa ku kala saxiixdeen madaxweynaha maamulka Somaliland iyo Ra’isul Wasaaraha Itoobiya. Ra’iisul Wasaarihii hore ee Xukuumadda Soomaaliya Cumar C/rashiid Cali ayaa ku booriyay madaxda dowladda Soomaaliya in aan lagu maaweelin shirka ay leeyihiin Madaxda IGAD ee ka dhacaya Kampala. Qoraal uu soo…
Mareykanka ayaa uga digaya maraakiibta inay ka fogaadaan Badda Cas ilaa amar dambe Waaxda Gaadiidka Mareykanka ayaa soo saartay digniin ku socota maraakiibta ganacsi ee Mareykanka, iyadoo kula talisay inay ka fogaadaan qeybta koonfureed ee Badda Cas ilaa amar dambe. Maamulka badaha ayaa ka digay in ay jirto si ay u socoto khatar sare oo wajahaysa maraakiibta isaga gudba badda cas ee koonfureed, oo ay ku jirto suurtagalnimada weerarada aargoosiga ah” ee fallaagada Xuutiyiinta ee Yemen. “Waxaa lagula talinayaa maraakiibta ganacsi ee uu leeyahay Mareykanka inay ka fogaadaan aagga “ilaa ogeysiis dambe.” ayaa lagu yiri war ka soo baxay saraakisha…
Isagoo ka hadlayay Madasha Dhaqaalaha Adduunka ee Davos, Wasiirka Arrimaha Dibadda Sacuudiga ayaa ku baaqay xabbad-joojin degdeg ah oo ka dhacda Gaza. Faisal bin Farxaan ayaa sidoo kale sheegay in Sacuudiga uu aqoonsan karo Israa’iil haddii ay dhacdo xabad joojin iyo abuurista dowlad ay leedahay Falastiin. Hadalka wasiirka ayaa ku soo aaday iyadoo dagaalka dagaalka Israa’iil iyo Xamaas uusan u muuqan mid qaboobaya. “Waxaan isku raacsannahay in nabadda gobolka ay ku jirto nabad ay hesho Israa’iil, balse taasi waxay keliya dhici kartaa nabad iyo dal ay helaan Falastiiniyiinta” ayuu yiri Amiir Faisal bin Farhan. Amiir Faisal ayaa sheegay in helidda…
Magaalada Muqdisho waxaa maanta ka dhacay kulan looga hadlayay heshiiskii is-fagaradka ahaa ee dhex maray Somaliland iyo Itoobiya, wuxuuna u dhaxeeyay wasiirka arrimaha gudaha dowladda federaalka iyo dib-u-heshiisiinta xukuumadda Soomaaliya, Axmed Macallin Fiqi iyo qaar ka mid ah wax garadka kasoo jeeda gobolka Awdal ee ku sugan Muqdisho. Kulanka oo sidoo kale ay goobjoog ka ahaayeen labo senator oo iyagana kasoo jeeda gobolkaas, ayaa la sheegay inuu qeyb ka yahay dadaallada dowladda ee ka dhanka ah heshiiskii Itoobiya iyo Somaliland ee Badda Cas. Deeqa Xasan Xuseen oo ah guddoomiyaha guddiga arrimaha gudaha ee Aqalka sare iyo Senator Bilaal Idiris Cabdullaahi…