Joseph Lungu oo xubin ka ah Kooxda Ciyaaraha Hiddaha iyo Dhaqanka ee Gulewamkulu ee dalka Zambia (The Gulewamkulu traditional dance group) ayaa u geeriyooday qaniinyada Mas ka mid ah noocyada masaska ugu Khatarta badan ee Black Mamba.
Shilkaasi ayaa waxa uu dhacay abaarihii 6-dii Fiidnimo ee Arbacadii la soo dhaafay (January 24, ee sanadkan 2024), xilli ay Kooxda u diyaar garoobaysay Bandhig Dhaqameedka.
Joseph Lungu waxa uu u dhintay Waabaayda ama Mariidka Maskii qaniinay, waxaana Jimcihii shalay ee ay taariikhdu ahayd 26-kii January ee sanadkan 2024 lagu aasay Tuullada Pemba Village ee hoosta tagta Deegaanada Chief CHIKUWE ee Degmadda Chipangali ee dalka Zambia.
Markii la aasi lahaa Joseph Lungu ayaa waxa uu Buuq ka dhashay sida laga yeelayo Maskii , iyadoo xubno ka tirsan Odayaasha Deegaanka ay soo farageliyeen arrintaasi, kuna guuleysteen in xaalladda la dejiyo, lana sii wado Barnaamijka Aaska.
Si kastaba, maydka Joseph Lungu waxaa lagu dhinac aasay Maskii nolosha dhaafiyey, iyadoo aaska noocaasi ahayn Arrin caadi ah oo waafaqsan Habraaca Duugista ee Soo-jireenka ee dalkaasi.