Guutada Qassam oo ah garabka hubeysan ee kooxda Xamaas ayaa sheegatay weeraro dhowr ah oo lagu qaaday ciidamada Israel ee ku sugan magaalada Gaza
War ay soo saareen Qassam ayay ku sheegeen inay ka qeyb qaateen dagaallo culus oo ka dhacay magaalada oo dhan.
Dagaalyahannada Qassam ayaa sheegay in ay la beegsadeen dhowr baabuur oo ay wateen ciidanka Israaβiil oo uu ku jiro mid ka mid ah kuwa cagafta, gantaallada Yasin-105, iyadoo weerarkan uu ka dhacay duleedka xaafadda Sheekh Radwan ee magaalada Gaza.
Kooxda ayaa sheegtay in ay ku garaacday galbeedka magaalada Gaza madaafiic βculusβ oo hoobiyeyaal ah goob ay joogeen ciidamada Israel.
Waxa ay sidoo kale sheegtay in dagaalyahanadeeda ay qabteen saddex diyaaradood oo kuwa aan duuliyaha lahayn ee Israaβiil laga leeyahay koonfurta xaafadda Zeitoun ee magaalada.
Dhinaca kale ururada caalamiga ah ee xuquda aadanaha ayaa walaac ka muujiyay xaaladaha ay wajahayaan Falastiiniyiinta ka barakacay Qaza, halkaasoo qaar badan ay ku nool yihiin hoy iyo teendhooyin jilicsan oo ay ku jiraan heerkul qabow iyo roob qabow.
βIyadoo heerkulku hoos u dhacayo oo roobabku ay daadiyeen Gaza, boqollaal kun oo qof oo deggan ayaa weli ku nool teendhooyin. Toddobaadkan, waxaanu la hadalnay qoys ka kooban toban qof, kuwaasoo ku tilmaamay inay isku urursanayaan teendhadooda si ay u diirranaadaan, iyagoo jiifa dhulka dhiiqada leh oo bustayaal lagu daboolay,β ayaa lagu yiri qoraal ay soo dhigeen baraha bulshada.
βIn ka badan 1.7 milyan oo qof ayaa barokacay tan iyo bilawga weerarka Israel ee Gaza. In ka badan 560,000 oo iyaga ka mid ah ayaa waxaa hoy u ah teendhooyinka ciriiriga ah ee koonfurta Marinka Gaza, halkaasoo ay la kulmaan kaabayaal aan ku filnayn, xaaladaha cimilada adag, daadadka, xaaladaha nadaafadda oo liita, iyo khatarta faafida cudurrada.
HOOS KA DAAWO SAWIRADA
