Author: radiohalgan.com
Khilaaf iyo muran ayaa la sheegay inuu soo kala dhex galay RW Xamse Barre iyo ku-xigeenkiisa Saalax Axmed Jaamac sida ay sheegayaan ilo wareedyo ku dhow Villa Somalia. Wararka ayaa sheegaya in murankan oo salka ku haya arrimo dhinaca maamulka ah uu saameeyey shirkii Golaha Wasiirada ee maanta dhacay. RW ku-xigeenka ayaa la sheegay inuu isku dayey gudoominta shirka isagoo aan amar ka heysan Raisul Wasaaraha oo ku qornaa inuu shirka hogaamiyo ka dib markii Xamse Barre oo saaka ku soo laabtay dalka uu ku soo daahay garoonka Aadan cadde. Xubnaha Golaha Wasiirada ayaa la sheegay iney saacado badan fadhiyeen…
Madaxweynaha Somaliland, Muuse Biixi Cabdi, ayaa qasriga madaxtooyada ku qaabiley wefti uu hoggaaminayo safiirka dalka Maraykanka u fadhiya Somalia Ambassador Richard H. Riley. Salaan iyo soo dhawayn ka dib waxay ka wada hadleen arrimo door ah oo salka ku haya xiriirka wanaagsan ee labada dal ka dhexeeya, nabadgelyada guud ee geeska Afrika, arrimaha doorashooyinka iyo heshiiska Is-afgarad ee dhexmaray Somaliland iyo Ethiopia sida lagu sheegay qoraal ka soo baxay madaxtooyada Somaliland. Muuse Biixi ayaa xog-waran guud ka siiyey safiirka arrimaha doorashooyinka Somaliland ka qabsoomi doona dabayaaqada Sannadkan, Waxaanu Madaxweynuhu xusay inay juhdi badan gelinayaan doorashada, culays kasta oo ay ku…
Madaxda dalalka xubnaha ka ah Isbaheysiga NATO ayaa si weyn ugu kala qeybsamay taageerada Israel oo dagaal bahalnimo ah kula jirta shacabka reer Falastiin. Ra’iisul Wasaaraha Spain, Pedro Sanchez oo hadal ka jeediyay shirweynaha NATO ee ka socda Mareykanka ayaa ku baaqay in si mid ah loo wada difaaco shacabka Gaza iyo kuwa Ukraine. “Haddii aan u sheegayno dadkeenna inaan taageereyno Ukraine sababtoo ah waxaan difaaceynaa sharciga caalamiga ah… Waa inaan sidaas oo kale u sameynaa Qasa.” ayuu yiri Sanchez. Madaxweyna Turkiga Erdogan ayaa isna sheegay inuusan sii socon karin iskaashiga NATO iyo Israel. “Turkiye uma dulqaadan doono isku dayga…
Diyaarada Egypt Air ayaan maanta bilaabaysa duulimaadkeedii ugu horeeyey ee Soomaaliya. Garoonka Adan Cadde ee magaalada Muqdisho ayay saacadaha soo socda ka degi doontaa. Wasiirka arrimaha dibada Masar Sameh Shoukry oo ay wehliyaan xubno ka tirsan golaha wasiiradda ee dalkiisa ayaa safarka duulimaadka diyaaradeed lagu daahfurayo ku tagaya Jabuuti & Muqdisho. Waxay kulamo la yeelan doonaa dhigiisa labadda dal, sida ay sheegtay wasaaradda Arrimaha dibada ee Masar. Labo munaasabadood oo lagu qabanayo garoomadaha diyaaradaha ee Jabuuti & Muqdisho ayuu ka qeybgali doonaa, iyadoo ay shirkada diyaaradaha ee Masar ay bilaabayso duulimaadkeeda isku xiraya Qaahira, Jabuuti & Muqdisho.
Maxkamad ku taalla Iran ayaa ku amartay Mareykanka inuu bixiyo ku dhawaad 6.8 bilyan oo dollar oo ah magdhowga saameynta ay cunaqabateynta Washington ku yeelatay bukaannada qaba cudurrada maqaarka ee dhifka ah, waxaas sidaas sheegtay waaxda garsoorka. Madaxweyne Donald Trump ayaa sanadkii 2018 si keligiis ah Mareykanka uga saaray heshiiskii Nukliyeerka ee u dhaxeeyay Iran iyo quwado badan oo caalami ah. Waxa uu dib u soo rogay cunaqabatayn dhaqaale oo lagu qaaday heshiiska. Tallaabooyinka Washington “waxay bukaannadan u diideen dawooyin iyo boomaato”, taasi oo keentay “dhimashada ilaa 20 qof,”, ayuu lagu qoray website-ka waaxda garsoorka Iran ee Mizan Online. Maxkamadeynta…
Morocco ayaa heshiis 1 bilyan oo dollar ku kacaya la gashay Israa’iil, si ay u hesho dayax-gacmeedka xogta aruuriya ee Ofek 13, oo ay soo saarto shirkadda tiknoolajiyada Israa’iil ee IAI. Shirkadda IAI ayaa soo saarta diyaaradaha aan duuliyaha lahayn ee duqeynta ugu badan ka geysta Qasa, halka ay sidoo kale howlgalo badan ka fuliyeen Lubnaan, Suuriya iyo Ciraaq, balse hadda shirkadan waxay ka faa’iideysanaysa khandaraasyada isla Carabta ka imaanaya. Mareegaha wararka ee Marooko ee Le Desk iyo Le360 ayaa kasoo xigtay ilo-wareedka Israa’iil ee Rabat in qandaraasku uu dhigayo in shirkaddu ay bixin doonto dayax-gacmeedka basaaska ee Ofek 13,…
Dowladda Itoobiya ayaa maanta ka daad gureysay deegaannada Somaliland boqolaal askar ah loo tababaro kamid noqoshada ciidanka Militeriga maamulkaasi. Askartan ayaa basas faro badan looga qaaday magaalada Tog-wajaale, iyaga oo u badan dhalinyarro qaadanaya tababaro la xiriira Militeriga. Taliyaha guud ee ciidamada Somaliland Nuux Ismaacil Taani ayaa goob jog ahaa amba bixinta ciidamada la soo tababarayo oo ku sii jeeda dalka Itoobiya. Tillaabadan ay askarta ku daad gureysay Itoobiya ayaa ku soo aadeysa xilli xiriirka Dowladda Federaalka Soomaaliya uu gaarey meeshii ugu hooseysay. Itoobiya ayaa billaawgii sannadkan heshiis afgarad ah oo muran badan dhaliyay saxiixatay maamulka Somaliland, kaasi oo dhigayay…
Dhulgariirkan oo cabirkiisu ahaa 6.5 magnitude ayaa ku dhuftay gobolka Sultan Kudarat ee koonfurta Filibiin subaxnimadii Khamiista, Hay’adda saadasha hawada ee Falibiin ayaa sidaasi sheegtay. Dhul gariirka ayaa sidoo kale laga dareemay magaalada Tagum ee gobolka Davao del Norte. Sidoo kale, Hay’adda Saadaasha Hawada ee Filibiin ayaa sheegtay in dhul-gariirka uu xooggana balse balse aanu khasaare geysan. Dhanka kale, Hay’adda Saadaasha Hawada iyo Cimilada dalka Indonesia ayaa sheegtay in dhulgariir kale oo cabbirkiisu yahay 5.8 uu ku dhuftay gobolka galbeedka ee Bengkulu habeenkii Arbacada, balse kama dhalan khasaaro. Dalalka Indoniisiya iyo Filibiin ayaa u nugul yihiin dhulgariir xilli kasta, maadama…
Ciidamada Xoogga dalka oo kaashanaya dadka deegaanka ayaa dagaalameyaasha Al-shabaab kala wareegay deegaanno hoos yimaada degmada Jalalaqsi ee gobolka Hiiraan. Deegaannada ay ciidamada la wareegeen ayaa kala ah Buurweyn iyo Show oo hore ay ugu sugnaayeen dagaalameyaal ka tirsan Al-shabaab. Sida ay xaqiijiyeen saraakiisha ciidamada hoggaamineysa iyo guddoomiyaha degmada Jalalaqsi, Nuur Maxamed Absuge ciidamada xoogga dalka oo kaashanaya dadka deegaanka ayaa gudaha u galey deegaannada Buurweyn iyo Show. Sidoo kale, ciidamada ayaa halkaasi ka wada howlgallo ay ku xaqiijinayaan amniga deegaannada ay la wareegeen, iyaga oo sameynaya miino baaris. Maalmihii la soo dhaafay ciidamada dowladda ayaa howlgallo ka dhan Al-shabaab…
Madaxweynaha Kenya William Ruto ayaa kala diray golahiisa wasiirada, bannaanbaxyada toddobaadyada socday ee ka dhacay dalkaasi. Madaxweynaha oo shir’jariid qabtay ayaa sidoo kale xil ka qaadis ku sameeyay xeer ilaaliyaha guud, wuxuuna sheegay in wasaaradaha ay maamuli doonaan xoghayahooda joogtada ah. Ruto ayaa sheegay in tallaabadan uu qaaday kadib markii uu dhageystay shacabka, isla markaana uu la tashi ka dib soo dhisi doono dowlad sal ballaaran. Dalka Kenya ayaa waxaa ka socday saddex toddobaad oo rabshado ah oo ay dibad-baxayaal gudaha u galeen baarlamaanka 25-kii June kaddib markii la ansixiyay sharciga maaliyadda oo canshuur kordhin lagu sameeyay. In ka…