Author: radiohalgan.com
Magaalada Garowe waxaa caawa ka socda ololihii ugu dambeeyey ee doorashada Madaxweynaha Puntland oo lagu wado iney beri ka dhacdo halkaas. Musharaxiinta Madaxweynaha ayaa caawa kulamo gaar gaar ah ka wada magaalada, iyagoo kala jiidanaya xildhibaanada beri codeynaya, hotelada magaalada iyo xarunta madaxtooyada ayaa la ciirciireya dadkii ugu faraha badnaa oo iskugu jira siyaasiyiin, odayaal xildhibaano iyo Musharaxiin. Doorashada beri dhaceysa oo ay ku loolamayaan musharaxiin badan oo u taagan xilalka Madaxweynaha iyo Madaxweyne ku xigeenka Puntland ayaan illaa hadda la saadaalin karin cida ku soo bixi doonta., inkastoo ay jiraan shaqsiyaad aad oo hadal hayo. Musharaxiinta ayaa maanta khudbadahooda…
Wasiirka Ganacsiga Maamulka Somaliland Maxamed Xasan Saajin ayaa ka hadlay damaca liita ee dowladda Itoobiya ku dooneyso dhul Soomaaliyeed isagoo xusay in ujeedka ka waynyahay arrimo la xiriira ganacsi dhanka badda ah. “Midbaa meesha taala oo aad wali fahmi la”dihiin oo dadka kale fahmay, waxa weeye dekada lawada maalgashado kama hadleyso Itoobiya, waxay ka hadleysaa dhul la siiyo oo iyadu deked ka sameysato, dhulna la isku ma siiyo noocaas” ayuu yiri Maxamed Xasan Saajin Wasiirka Ganacsiga Somaliland ayaa intaas ku daray “Mowduucu aad u fahma oo dhuuxa Itoobiya dhulbey rabtaa, Saylac ayay rabtaa, dee dhul la isma siiyo, waxay rabtaa…
Madaxa xafiiska Aljazeera ee Qaza Wael Al-Dahdouh ayaa wiil kale ku waayay duqeyn cirka ah oo Israel ay ku dishay laba wariye Axadii maanta Dhimashada wiilkiisa ayaa ku soo beegantay dhowr bilood ka dib markii xaaskiisa, laba caruur ah oo uu dhalay iyo ilmo uu awoowe u ahaa lagu dilay duqeyn uu isaga laftiisu ka warbixiyay ka hor inta aanu ogaanin dhimashadooda. Todobo nin oo Falastiini ah ayaa lagu dilay duqeyn ay Israa’iil ka geysatay meel u dhow degaanka Jenin oo ka tirsan Daanta Galbeed ee la haysto, sida ay sheegtay Wasaaradda caafimaadka Falastiin Axaddii. Israa’iil ayaa xaqiijisay duqeynta, iyadoo…
Kooxda Liverpool ayaa garaacday Arsenal kulan ka tirsanaa Tartanka FA Cup-ka. Arsenal ayaa laga reebay tartanka FA Cup-ka kadib markii ay guuldaro kala kulantay kooxda Liverpool. Arsenal ayaa looga badiyay 2/0 kulan ay inta badan ahaayeen kuwa fiican qaybtii hore ee ciyaarta. Kadib natiijada Arsenal ayaa boodhka ka jafatay rikoodh xun oo ay dhigtay 15 sano ka hor tartamada oo dhan. Arsenal ayaa laga badiyay 2 kulan oo xidhiidh ah oo laga dhaliyay 2 gool iyo wax ka badan markii ugu horaysay tan ilaa May 2009. Wakhtigaas Arsenal ayaa guuldaro 3/1 ah kala kulantay Man United ka hor inta ayna…
Martin Keown ayaa aaminsan in saddex xiddig oo Arsenal ah ay qalad ku lahaayeen goolkii furitaanka ee Liverpool ee Axadii. Liverpool ayaa u gudubtay wareega xiga ee FA Cup-ka iyaga oo 2/0 kaga badiyay kooxda Arsenal oo joogta garoonkeeda. Xiddiga Jakub Kiwior ayaa si khaldan isaga dhaliyay goolka furitaanka ah ka hor inta uuna Luis Diaz dhalin goolka 2-aad. Arsenal ayaa iska khasaarisay fursado badan qaybtii hore ee ciyaarta waxana ay ahaayeen kooxda fiican qaybta hore. Karoos uu Trent Alexander-Arnold ayaa keentay in uu xiddiga Kiowor si khaldan isaga dhaliyo gool. Martin Keown ayaa sidoo kale su’aal ka keenay doorka…
Taliyaha Ciidanka XDS S/gaas ibraahim Sheekh Muxudiin ’’ Sarkaal qiima badan ayaa naga baxay, Wasiir Beena beene’’ Cabdi Suulnuuge Dagaalka AS 6 sano ka hor wuxuu ka soo bilaabay Buuleburde
Xildhibaanno ka tirsan Golaha Shacabka ee Baarlamaanka Jamhuuriyadda Federaalka Soomaaliya ayaa gudbiyay mooshin culus oo la xiriira heshiisyo amni oo xukuumadda horey ula gashay dalalka Itoobiya iyo Imaaraadka. Guddoonka Golaha Shacabka Jamhuuriyadda Federaalka Soomaaliya ayaa goordhoweyd xaqiijiyay qabashada mooshinkaasi, taasi oo uu ku wargeliyay xildhibaannadii soo gudbiyay. “Waxaan ku cadeynayaa in laga qabtay mooshinka ujeedadiisu tahay codsi heshiisyadii amni ee xukuumadda Dan-Qaran la gaadhay Jamhuuriyadda Dimuquraadiga Federaalka Itoobiya iyo Dalka Isu-tagga Imaaraadka Carabta (UAE),” ayaa lagu yiri warqad kasoo baxday xafiiska xoghayaha guud ee Golaha Shacabka BJFS. Dowladaha Soomaaliya iyo Ethiopia ayaa bishii December ee 2023-kii kala saxiixday in dib…
Banaanbax weyn ayaa maanta ka dhacay magaalada Boorama ee xarunta gobolka Awdal, kaasi oo looga soo horjeedo heshiiskii Addis Ababa ee dhawaan uu Muuse Biixi qeybo kamid ah biyaha Soomaaliya ugu saxiixay Itoobiya. Shacab aad uga careysan in Itoobiya la siiyo dhul badeed dhan 20KM ayaa iskugu soo baxay waddooyinka waaweyn ee magaalada, ayaga oo ku dhowaaqayay ereyo ay ku muujinayaan diidmadooda heshiiskaasi. “Baddeenu iib ma ahan,” ayaa kamid ah ereyada ay ku qeylinayeen dibad-baxayaasha. Sidoo kale waxaa kamid ahaa “Dooni meyno dhuuni qaate.” Dibad-baxaan oo ahaa mid nabdoon, oo looga soo horjeedo damaca Itoobiya ee baddeena, ayaa waxaa guul-dareystay…
Kacdoon hubeysan ayaa maanta si rasmi ah uga bilowday magaalada Lughaya ee gobolka Awdal kadib markii ay Itoobiya shaacisay in dhul badeedka loo saxiixay uu yahay Lughaya. Dhallinyarada magaalada Lughaya oo ka soo muuqday warbaahinta iyaga oo ku hubeysan hubka fudud iyo kuwa culus ayaa si adag uga horyimid damaca gurracan ee Ethiopia ku dooneyso badda dhulka Soomaaliyeed. Dhalinyarada warbaahinta la hadlay ee qeybta ka ah Kacdoonka ka bilowday Lughaya ayaa sheegay in ay dagaal ka xigaan heshiiskii Addis Ababa, “Dagaal ayaa ka xigna nooc walba leh oo hubkayagii waaka, Orom xaar weyn in uu baddeena yimaado ma ogolin.” Sidoo…
Villa Somalia ayaa deg deg u soo fara-gelisay mooshin culus oo la xiriira heshiisyo amni oo xukuumadda horey ula gashay dalalka Itoobiya iyo Imaaraadka, kaasi oo uu guddoonka Baarlamaanka uu ka aqbalay xildhibaannada. Saacado kadib markii ay soo baxday warqad uu ku saxiixan yahay Xoghayaha Guud ee Golaha Shacabka, ayaa waxaa Telefishanka Qaranka lagu baahiyay beenin la xiriirta go’aanka kasoo baxay guddoonka BF ee ah in uu aqbalay mooshinka ujeedadiisu tahay codsi heshiisyadii amni ee xukuumadda Dan-Qaran la gaadhay Itoobiya iyo Imaaraadka Carabta. “Golaha Shacabka ee Baarlamaanka Jamhuuriyadda Federaalka Soomaaliya waxa uu beeninayaa warqadan been abuurka ee saacidihii lasoo dhaafay…