Author: radiohalgan.com
Wasiirka Arrimaha Dibadda Soomaaliya, Axmed Macallin Fiqi, ayaa shaaca ka qaaday in Ururka Iskaashiga Islaamka (OIC) oo ay ku jiraan dhowaad 30 dal oo Afrikaan ah ay taageerayaan musharraxa Soomaaliya u taagan xilka Guddoomiyaha Guddiga Midowga Afrika ee 2025-2028. Wasiirka arrimaha dibbada ayaa sheegay in guul weyn ay u tahay Soomaaliya, maadaama ururka OIC ay xubno ka yihiin ku dhawaad 30 dal oo Afrikaan ah. “Soomaaliya waxay aad uga mahad celineysaa taageerada Ururka Iskaashiga Islaamka (OIC), oo ay ku jiraan ku dhawaad 30 xubnood oo ka socda Afrika, sida ay u garteen oo ay u taageereen magacaabista Soomaaliya ee Fowsiya…
Dowladaha Soomaaliya iyo Kenya ayaa galinkii dambe ee Shalay ku kala saxiixday magaalada Nairobi ee caasimadda dalka Kenya heshiisyo is afgarad oo ku saabsan dhinacyada, arrimaha Dibada, Nabadgalyada, Dhaqaalaha, Ganacsiga, Waxbarashada iyo arrimaha adeegga Bulshada. Heshiiskaan oo ahaa is afgarad dhexmaray laba dowladood ayaa waxaa u kala saxiixay Wasiiradda Arrimaha Dibadda ee Soomaaliya iyo Kenya Axmed Macallin Fiqi iyo Musalia Mudavadi, waxaana heshiisyadaan ay yihiin kuwa kor loogu qaadayo xiriirka iskaashiga iyo wax wada qabsiga ka dhaxeeya labada dal ee Soomaaliya iyo Kenya. Heshiiska dhanka Waxbarashada, Tababarka iyo Cilmi baarista ayaa sidoo kale Soomaaliya iyo Kenya waxaa sidoo kale u…
Warbixin baariseed cusub oo ay sameysay hay’adda xuquuqda aadamaha ee Amnesty International ayaa lagu sheegay labo weerar oo xagga cirka ah oo lagu dilay 23 qof oo rayida, intii uu socday hawgal miltari oo ay taageerayeen diyaaraddaha aan duuliyaha lahayn ee Turkida, ay tahay in loo baaro dambi dagaal ahaan. Dadka rayidka ah ayaa lagu dilay weerar xagga cirka ah 18-kii Maarso 2024, waxana ku jiray 14 caruurra, shan haween ah iyo afar nin. 17 kale oo rayida ayaa lagu dhaawacay duqeynta: 11 caruurra, labo haween ah iyo afar nin. Dhammaan dadkaas ayaa ku abtirsada mid kamid ah beellaha degan…
Jamhuuriyadda iskeed madax-bannaanida ugu dhawaaqday ee Somaliland ayaa sheegtay inuu dhintay shimbir Galaydh ah oo dhawaan uu dhaawac jabniin ah garabka ka soo gaaray kadib markii uu ku dhacay xargaha korontada ama layrka. Shimbirka ayaa ku dhintay magaalada Lowya Caddo oo ka tirsan gobolka Awdal ee Somaliland iyadoo loo sii waday dalka Jabuuti halkaas oo la doonayey in lagu soo dabiibo. Shimbirka ayaa la sheegay innuu ka mid yahay noocyada ka sii dabar go’aya deeganada Somaliland, iyadoo sababta loogu dadaalayay ay xukuumaddu ku sheegtay in lagu yareeyo dabar go’a shirka Gallaydhka. Wasiirka wasaaradda deegaanka iyo isbeddelka Cimilada ee Somaliland Shukri…
Ruushka ayaa bilaabay isu diyaarinta dhoolatuska gantaallada ee meel u dhow Ukraine. Dhoolatuskaas ayaa lagu sameynayaa sida iyadoo hub nukliyeer ah la adeegsanayo. Tallaabadan ayaa lagu sheegay in looga jawaabayo “hanjabaadaha” saraakiisha reer galbeedka. Afhayeenka Kremlin-ka Dmitry Peskov ayaa sheegay in hadaladii u dambeeyay ee madaxweynaha Faransiiska Emmanuel Macron iyo xoghayaha arrimaha dibadda ee Britain David Cameron ay ka dhigan yihiin “gebi ahaanba isbadel cusub oo xiisad colaadeed muujinaya”. Todobaadki hore, Mr Macron waxa uu diiday in uu meesha ka saaro suurtagalnimada in Ukraine la geeyo ciidamo Faransiis ah, haddii Kyiv ay codsato, halka David Cameron uu sheegay in Ukraine…
Shir laba geesoodka ah oo u dhexeeya Soomaaliya iyo Kenya ayaa ka qabsoomay magaalada Nairobi ee dalka Kenya. Shirkan oo daba socda heshiisyo xasaasi ah oo labada dhinac ay shalay ku saxiixeen Kenya ayaa waxaa ka qeyb-galay madaxda sare ee labada dal. Ra’iisul Wasaaraha Soomaaliya Xamza Cabdi Barre oo khudbad ka jeediyay shirka laba-geesoodka ah ayaa xoogga ku saaray xiriirka taariikhiga ah iyo walaaltinimada ka dhexeysa labada dal, iskaashiga gobolka ee ku aaddan xasilloonida iyo horumarka iyo sida Soomaaliya uga go’an tahay in ay kaalin firfircoon ka qaadato isku xirnaanta Bariga Afrika. Kulanka oo ay ka qeyb-galeen xubno ka socday…
Wasiirka Wasaarada Arimaha Gudaha iyo Dowladaha Hoose Hirshabelle mudane Abdirahman Dahir Guure Karoore ayaa xilkii ka qaaday ; Maxamud Axmad lidow Guddoomiye ku-xigeenkii Maamulka iyo Maaliyadda Degmada Jalalaqsi. Islamarkaana waxa uu u magacaabay: Xuseen Cumar Axmad Bashir Guddoomiye ku xigeenka Maamulka iyo Maaliyadda Degmada Jalalaqsi. DHAMAAD XAFIISKA WARFAAFINTA WASAARADDA ARRIMAHA GUDAHA IYO DOWLADAHA HOOSE HIRSHABELLE
Guddoomiyaha gobolka Hiiraan Mudane Muuse Salaad Weliye ayaa kulan mira dhal ah la qaatay qaar kamid ah Nabadoonada dhaqanka Beesha Cali Madaxweyne gobolka Hiiraan. Guddoomiyaha gobolka ayaa uga mahadceliyay Odayaasha dhaqanka doorka aay ka qaateen Nabadda Midnimada iyo Horumarka waxuuna ugu baaqay in aay dadaalkooda laba jibaaraan. Guddoomiyaha gobolka Hiiraan Muuse Salaad Wehliye tan iyo markii xilka loo magacaabay waxuu dar-dar galshay howlaha maamulka Nabadda iyo is dhaxgalka bulshada, waxuuna si dhow ula shaqeeyaa qeybaha bulshada oo Odayaasha dhaqanka ugu horeeyaan
Ku simaha Madaxweynaha Ahna Madaxweyne ku-xigeenka D/G/Hirshabelle Mudane Yuusuf Ahmed Hagar `Dabageed’ Ayaa xilalkii ka qaaday Wasiirada kala ah. 1: Wasiirka Wasaarada Beeraha iyo waraabka Maxamed Faarax Cali. 2: Wasiirka wasaarada Ganacsiga iyo warshadaha Zakariye Khaalid Cabdi. 3: Wasiirka wasaarada Haweenka iyo xuquuqul insaanka Raxmo maxamed Gulle. 4:Wasiirka War-faafinta Dhaqanka iyo Dalxiiska Aadan Maxamed Muuse.
Dalka Hindiya waxaa maanta oo Talaado ah ka dhacaysa Doorashada wajiga saddexaad oo ay ku loolamayaan mucaaradka iyo xisbiga talada Dalkaas haya si loo xaqiijiyo awoodda dhinac weliba uu ku leeyahay Dadka codaynaya. 11 Gobol oo kamid ah Gobollada Dalkaas isla markaana uu ku jiro kan uu kasoo jeedo Ra’iisul Wasaare Narendra Modi ee Gujarat ayaa laga codaynayaa iyada oo dhinacyada loolamaya ay indhaha la raacayaan natiijada ay filan karaan. Hindiya waxa ay Doorashada ka billaabatay 19kii Abriil sanadkaan 2024 iyada oo la qabtay wareegyada 1aad iyo 2aad halka wajiga 3aad maanta si toos ah loo guda-galayo sida ay xaqiijiyeen…