Author: radiohalgan.com

Meelo ka mid ah xeebaha Soomaalida ayaa waxaa kusoo fool leh dabaylo xawaare sare ku socda kuwaas oo geysan kara dhibaatooyin kala duwan, sida ay ku warramayaa haayadaha ka shaqeeya saadaasha hawada. Dabaysan oo magaceeda lagu sheegay Laali ayaa ku soo beegan dhanka koonfurta Soomaaliya gaar ahaan xeebaha Jubbaland. Duufaantan ayaa ahayd mid la rejaynayey in ay yaraan doonto, waxaad se mooddaa hadda sida ay sheegayaan madaxdu in ay weli socoto, taas oo xawaaraha ay jaraysaa la sheegay in uu yahay 100km saacadii. Guddoomiyaha Haayadda Maaraynta Masiibooyika Soomaaliya, Maxamuud Macallin Cabdille oo diginiin u diray shacabka ka ag dhaw meelaha…

Ka hor geeridii shalay ee madaxweynihii hore ee Iran Ibraahim Raiisi, dad badan waxay aaminsanaayen inuu ahaa ninka ugu cadcad ee badeli kara hoggaamiyaha ruuxiga Ayatollah Cali Khamenei oo 85 jir ah . Raisi waligiis ma dafirin wararka la isla dhex marayay ee ku saabsan hamiga uu u qabo inuu noqdo hogaamiyaha ugu sareeya ee soo socda, qaar badan oo ka mid ah talaabooyinkiisa ayaana tilmaan cad ka bixinayay halka uu u socdo. Intii aanu noqon madaxweynaha Iran wuxuu soo qabtay xilal kala duwan oo dhnak cadaaladda ah wuxuu soo noqday sidoo kale ku xigeenka golaha khuburada Iran. Inkastoo uu…

furi doonto, in lala xisaabtamo kuwii masuulka ka ahaa, dembiyada la geystay bilihii ugu dambeeyey, isla markaana in la soo taago maxkamad cadaalad ah. Madaxweynaha Koonfur Afrika ayaa sidoo kale soo dhoweeyey go’aanta ICC. Dacwad oogaha maxkamadda ICC ayaa sheegay in xafiiskiisu uu aaminsan yahay in shanta qof ay masuul ka yihiin, dembiyo ka dhan ah bini’aadantinimada. Qoraal uu soo saaray ayuu ku sheegay in ra’iisal wasaaraha Israa’iil Benjamin Netanyahu iyo wasiirkiisa difaacuba “ay qaadayaan masuuliyadda dembiyada dagaalka iyo dembiyada kale ka dhanka ah bini’aadantinimada ee dhacay, oo ay ku jiraan, inay gaajaysiinta dadka rayidka ah u isticmaaleen hab dagaal…

Boqortooyada Sacuudi Carabiya gaar ahaan Wasaaradda Arrimaha Xajka qaabilsan ayaa billowday hubinta kaararka ay haystaan Ajaanibta sanadkaan xajinaysa oo qayb ay ka yihiin Soomaali badan oo qaarkood kol hore sii gaaray Dalkaas. Waxaa jira awaamiir culus oo la xiriira arrintaan oo ah in la hubinayo kaarka aqoonsiga uu wato Xaajiga si looga hortago Dadka sida sharci-darrada ah ku galaya dalkaas ama aanay marin nidaamka saxda ah sida hadalka loo dhigay. Goobaha la geeyay xujayda ayaa laga hirgeliyay xafiisyo lagu hubiyo aqoonsiga boqortooyada Sacuudiga ugu talagashay in ay ku garato in qofkii wata ama haysta uu soo maray nidaamka saxda ah…

Suxufiga Caanka ah ee asal ahaan kasoo jeeda Falastiin balse haysta Dhalashada Dalka Ingiriiska waa Cabdil-Baari Cudwaan ayaa shaki culus dulsaaray sababta Dhalisay Shilka Diyaaradeed ee Madaxweynihii Iiraan, Wasiirkiisa Arrimaha Dibadda & Mas’uuliyiin kale ku geeriyoodeen. Cabdil-Baari ayaa shaki geliyay in labada Diyaarad ee la socday wafdiga Madaxweynaha Iiraan ee aanay waxba soo gaarin iyo ciladda ka dhalatay ceeryaamada ee ku goonida noqotay Diyaaradda uu la socday Ibraahim Ra’iisi. Waxa uu dalbaday in baaris dhammaystiran oo ay ku dheehan tahay aqoon & feejignaan lagu sameeyo shilkaan si loo ogaado waxyaabo badan oo haatan ku siman in ay yihiin Tuhun oo…

Wasiirka Warfaafinta maamulka Somaliland Cali Xasan Maxamed (Cali Mareexaan), ayaa faah faahin dheeraad ah ka bixiyay halka uu xilligan marayo heshiiskii ay la gaareen dowladda Itoobiya. Waxa uu sheegay wasiirka in heshiiskii isfaham ay la galeen dowladda Itoobiya uu hadda marayo heer gabogabo ah, waxa uuna xusay in dhawaan uu ka soo bixi doono heshiiskaasi wax lagu farxo oo dan u ah labada dhinac. Wasiir Cali Mareyxaan ayaa sidoo kale sheegay in iskaashiga ganacsi ay la leeyihiin dalka Itoobiya iyo  adeegsiga dekedda Berbera uu kor u kacay muddooyinkii ugu dambeeyay, ayna rejo ka qabaan in uu sii kordho. Cali Mareyxaan…

Warar cusub ayaa waxay ka soo baxayaan Diyaaradii Helikobtarka ee la dhacday Madaxweynihii dalka Iiraan iyo wafdigii la socday, kuwaa oo dhammaantood ku geeriyooday shilkaasi diyaaradeed.. Wasiirka Gaadiidka iyo Kaabayaasha Asaasiga ee dalka Türkiye, Abdülkadir Uraloğlu oo Wareysi Khaas ah siiyey Telefishinka TRT Haber ayaa ka hadlay Shilkii Helikobtarka uu saarnaa Madaxweynihii Iiraan, Ibrahim Raisi iyo Koox Saraakiil ah. Waxa uu tilmaamay inay cillad ka jirtay Nidaamka Calaamad-bixinta Jiheynta ee lagula socdo Dhaqdhaqaaqa iyo Baadi-goobka Diyaaradaha, oo xilligii uu Shilkaasi dhacayey u muuqday mid dansanaa. “Iiraan waa dal ku jira Deegaanadeena aan mas’uulka ka nahay ee Badda ee Baadigoobka dhinaca…

Warar dheeraad ah ayaa kasoo baxaya shilkii diyaaradeed ee Axadii ka dhacay dalka Iran, kaa oo sababay geerida Madaxweynihii dalkaasi Ebrahim Raisi iyo masuuliyiin kale uu ku jiro wasiirkii Arrimaha Dibadda Iran. Madaxweynaha dalka Iran iyo dadkii kale ee la socday diyaarada helicobterka ah ee bur burtay ayaa la sheegay in ay gubteen , kuwaa oo qaarkood adkaatay in si fudud loo aqoonsado wajiyadooda. Madaxa Hay’adda Iiraan ugu qaabilsan maareynta musiibooyinka, Maxamed Xasan Nami ayaa sheegay in meydadka la helay intooda badan gubteen, waxa uuna xusay in hadda laga maarmay in meydadka la marsiiyo DNA lana aqoonsaday dadka geeriyooday. Waxa…

Dacwad oogaha maxkamadda Dembiyada Caalamiga (ICC) ayaa dalbaday in la soo xiro Ra’iisul wasaaraha Israa’iil, Benjamin Netanyahu iyo Wasiirka gaashaandhigga Yoav Gallant iyo hoggaamiyaal katirsan kooxda Xamaas ee dagaalka kula jira Israa’iil. Go’aankan kasoo baxay maxkamadda ICC ee lagu soo xirayo Ra’isul Wasaaraha Israa’iil iyo hoggaanka Ururka Xamaas ayaa la kulmay soo dhaweyn iyo dhaleeceyn, waxaana jira hoggaamiyaal soo dhaweeyay go’aanka, halka kuwa kalana kahor yimaadeen. Dowladda Mareykanka ayaa si adag uga soo horjeesatay ammarka maxkamadda Dembiyadda Caalamiga ee ICC kasoo baxy ee lagu soo xirayo Benjamin Netanyahu iyo wasiirkiisa Gaashaandhigga. Madaweynaha dalka Maraykanka Joe Biden ayaa ku dhaleeceeyey go’aanka…

Hoggaamiyaha sare ee Iran Ayatollah Ali Khamenei ayaa xaqiijiyey in madaxweyne ku xigeenka dalka Mohammad Mokhber uu noqonayo madaxweyne ku-meel gaar ah kadib markii madaxweyne Ebrahim Raisi uu ku geeriyooday shil diyaaradaha qumaatiga u kaca ah. Khamenei ayaa sidoo kale ku dhowaaqay shan maalmood oo baroor diiq ah. Iran ayaa waxa ay hadda haysataa ugu badnaan 50 maalmood oo ay tahay in lagu qabto doorasho madaxweyne si loo doorto qofkii beddeli lahaa Raisi. “Waxaan ku dhawaaqayaa shan maalmood oo baroor diiq dadweyne ah, waxaana tacsi u dirayaa shacabka qaaliga ah ee Iran,” ayuu Khamenei ku yiri hadal ay baahisay wakaaladda…