Author: radiohalgan.com
Dowladda Federaalka Soomaaliya ayaa si rasmi ah ugu hambalyeysay Madaxweynaha Jabuuti Maxamuud Cali Yuusuf oo loo doortay Guddoomiyaha cusub ee Midowga Afrika (AUC). War saxaafadeed uu soo saaray Madaxweyne Xasan Sheekh Maxamuud ayaa hambalyo diiran ugu diray Yuusuf, isagoo ku nuux-nuuxsaday sida ay Soomaaliya uga go’an tahay inay si dhow ula shaqeyso hoggaamiyaha cusub ee Midowga Afrika si loo horumariyo nabadda, amniga, iyo horumarka qaaradda. Anigoo ku hadlaya magaca shacabka iyo dowladda Soomaaliyeed, waxaan ugu hambalyeynayaa H.E. Maxamuud Cali Yuusuf oo loo doortay Guddoomiyaha Guddiga Midowga Afrika, Soomaaliya waxa ay rajaynaysaa in ay si dhow ula shaqeyso guddoomiyaha cusub…
MADAXWEYNAHA DOWLADDA HIRSHABEELLE OO KORMEERAY LAAMIYADA LAGA HIRGELINAAYO MAGAALADA JOWHAR. Jowhar, 8-Febaraayo-2025: Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa maanta kormeeray laamiyada waa weyn ee laga hirgelinayo magaalada Jowhar. Injineerada iyo shaqaallaha dhismaha shirkadda Adeegsan ayaa ku gudajiray shaqadda waqtiga uu kormeerayey Madaxweynaha. Wejiga 1-aad ee diyaarinta jidadka ayaa gabogabo ah goobaha qaar waxaana lagu wadaa dhawaan in lagu bilaabo laamiga. Madaxweyne Cali Guudlaawe, ayaa soo indho-indheeyay dhammaan jidadka ay shaqadda ka socoto “Waxaan kormeeray jidadka ay shaqadda ka socoto dhawaan ayaa lagu bilaabi doonaa laamiga. Arrintan waxa ay gacan ka geysan doontaa isku-socodka iyo qurruxda magaalada…
Waxaa socda maxaabiis is dhaafsiga Israa’iil iyo Xamaas iyada oo maanta gacanta dhaqdhaqaaqaas ka bixi doonno saddex maxbuus kuwaas oo baddelkooda Yuhuudda laga soo deynayo 183 qof oo rayid ah oo horay u qafaasheen. Tallaabadaan oo noqoneysa markii shannaad, waxaa Israa’iil loo gudbiyay Magacyada Falastiiniyiinta lasoo deynayo ee la dhaafsanayo Madaxa saddexda Nin ay dalbatay Xukuumadda Tel Aviv in loosoo daayo maanta. Maxaabiista maanta lasii deynayo ayaa kala ah Eli Sharabi 52 jir heysta dhalashada labaad ee Dalka Ingiriiska ahna Nin sharci yaqaan ah, Or Levy waa 34 jir injineer ah iyo Ohad Ben Ami da’diisu tahay 56 waa Xisaabiye.…
Xildhibaan Ilhaan Cumar oo aad u mucaaradsan siyaasadda Madaxweynaha Dalka Maraykanka ayaa soo jeedisay in gacan adag lagu qabto Donald Trump iyo xulufadiisa oo ay ka dhex xustay maalqabaynta lagu magacaabo Elon Musk. Ilhaan ayaa sheegtay in ugu horreyn loo baahan yahay in Elon Musk laga reebo arrimaha Siyaasadda, Waxbarashada iyo meelaha kale uusan mansabka ku ahayn si uusan ugu dheelin hannaanka oo yaqaan Maraykanka. Waxa ay tilmaamtay in Maraykanka lagu garanayo dimuqraadiyad, ilaalinta dastuurka & u adeegista Bulshada balse wax weliba ay isbaddeleen kaddib markii farqaha ay isku xirteen Donald Trump iyo Elon Musk oo la wareegay siyaasadda dalkaas.…
Warrarka ka imaanaya Deegaanada Dhaca Jiinka Wabiga Shabelle ee gobolka Hiiraan ayaa sheegaya in Saaka dagaal culus uu ka qarxay deegaanno u dhaxeeya magaalooyinka Buulo Burde iyo Halgan, halkaas oo ay isku horfadhiyeen indhawaallaba ciidamada dawladda iyo kuwa deegaanka oo isku dhinac ah iyo Xubno ka tirsan ururka AS. Dagaalka oo ay saaka qaadeen ciidamada isbahaysanaya ayaa xooggiisu waxa uu ka socdaa deegaanno u dhaxeeya tuulooyinka Beera Yabaal iyo Jicibow oo ku yaala qarka webiga Shabeelle, halkaas oo muddaba ay dhufeysyo uga qodnaayeen kooxda Al-Shabaab. Saraakiisha milatariga Soomaaliya oo la hadlay warbaahinta maxaliga ah ayaa sheegay in dagaalku wali socdo…
Gudoomiyaha Degmada Beledweyne Mudane Cumar Cismaan Calasow ayaa magaalada muqdisho ugu qeyb galay kulan-hawleedka Qaran ee ku saabsan ku biirista soomaliya ee Heshiiska caalamiga ah ee isticmaalka iyo ilaalinta Biyaha iyo Harooyinka xaduudaha ka gudba. Kulanka oo soconaay mudo seddex maalin ah ayaa loogu hadlay muhiimada ay leedahay in Soomaali ay ku biirto axdigaan Qaran maadama dalkeena ay maraan wabiyo iyo biyo ka yimaado dalal kale muhiimna ay tahay in helo axdi lagu xakameyo qataraha iyo dhibaatoyinka ka yimaado isticmaalka biyaha. Gudoomiye Calasow ayaa shirka inta uu socday ka jeediyey warbixin ku saabsan caqabadaha iyo xaaladaha ka dhasha wabiga Shabelle…
WAR-SAXAAFADEED Sida aad ka warqabtaan, waxa jirta in Masiibada Dabku ay innagu soo noq-noqoto baryahan dambe, dabkaasi oo inta badan ka dhaca Goobaha ganacsiga, masiibadaa dabkuna waxa ay khasaare ballaadhan u gaysataa hantida dadka shacabka ah, nafta aadamaha iyo sida oo kale dhaqaalaha dalka guud ahaan. Masiibada Dabku waxa kale oo uu ka dhacaa goobaha degsiimooyinka ah ee ay ku nool yihiin dadka danyarta ahi, isaga oo sababa in ay ku gubtaan guryo badan oo ay ku noolaayeen dad danyar ahi, sida oo kale-na ay ku nafwaayaan dad shacab ahi. Hadaba anniga oo maanka ku haya mas’uuliyadda Xukuumadda ka saaran…
Madaxweynaha Mareykanka Donald Trump ayaa eedayn u jeediyey Maxkamadda Caalamiga ah ee Dambiyada (ICC), isagoo ku eedeeyay inay tallaabo sharci-darro ah ka oogeen Mareykanka iyo Israa’iil. Wareegto uu soo saaray ayuu cunaqabateyn ku saaray maxkamadda, isagoo sheegay inay awooddeeda si qaldan u adeegsatay kaddib markii ay soo saartay waaranno lagu soo xirayo Raisal Wasaaraha Israa’iil, Benjamin Netanyahu, iyo wasiirkiisii hore ee difaaca. Cunaqabteynta ayaa waxay isugu jirtaa xayiraad dhaqaale iyo fiisooyinka shakhsiyaadka iyo qoysaskooda ee ka caawiya baaritaannada ICC ee ka dhanka ah muwaadiniinta Mareykanka ama xulafadiisa. Trump ayaa saxiixay tallaabadan xilli uu ra’iisul wasaaraha Israa’iil Benjamin Netanyahu booqanayay Washington.…
Mas’uuliyiin ka tirsan Puntland ayaa ka hadlay qorshaha Israel iyo Mareykanka ay ku doonayaan in shacabka Gaza loogu soo raro Puntland iyo Somaliland oo ka tirsan Soomaaliya, si ay ula wareegaan Marinka Gaza. Yacquub Maxamed Cabdalla, Wasiir ku-xigeenka Warfaafinta ee Puntland, ayaa u sheegay wargeyska The Telegraph in dawlad-goboleedku ay ku farxi doonto inay martigeliso qaxootiga reer Gaza, haddii ay si ikhtiyaari ah u yimaadaan. “Marka hore, waxaan kuu sheegi karaa in Puntland ay ku taal geeska Afrika, Falastiinna ay ku taal Bariga Dhexe. Ma jirto sabab qof looga soo eryo dalkiisa loona geeyo dal kale iyadoo qofkaasi uusan dooran inuu guuro.”…
BANDHIGGA WAXQABADKA WASAARADDA MAALIYADDA 2024 IYO QORSHAHA 2025 Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa daah-furay kulanka bandhigga waxqabadka 2024 iyo qorshaha 2025 ee Wasaaradda Maaliyadda Dowladda Hirshabeelle. https://youtu.be/6ALEhiRr1-U?si=ye3QwDkDYElI8bbi Xarunta Wasaaradda waxaa kusoo dhaweeyay Wasiirka Maaliyadda Dowladda Hirshabeelle Mudane Cabdiraxiin Ciise Caddoow. Wasaaradda Maaliyadda ayaa waxa ay gaartay horumaro la taaban karo oo la xiriira maamul-wanaagga maaliyaddeed, daah-furnaanta, iyo kobcinta dakhliga. Qodobada ugu muhiimsan ee la gaaray waxaa ka mid ah: 1. Kobcinta Dakhliga 2. Maareynta Miisaaniyadda 3. Horumarinta Maareynta “Waxqabadka Wasaaradda Maaliyadda waxa uu ka turjumayaa horumarka dhaqaalle ee Hirshabeelle taas oo nagu dhiirogelineyso inaan…