Madaxweynaha Mareykanka, Donald Trump, ayaa shaaciyay in dowladda Mareykanka ay si ku-meel-gaar ah u hakisay weerarradii militari ee ka dhanka ahaa dalka Iran, kadib wada-hadallo socda oo lagu doonayo in lagu soo afjaro colaadda Bariga Dhexe.
Qoraal uu ku daabacay baraha bulshada, Trump ayaa sheegay in 48-dii saac ee u dambeysay ay jireen wada-hadallo “wax ku ool ah oo miro dhal ah” oo dhex maray Mareykanka iyo Iran, kuwaas oo diiradda saaraya xal kama dambeys ah oo laga gaaro colaadda.
Wuxuu sidoo kale tilmaamay inuu amar ku bixiyay in muddo 5 maalmood ah dib loo dhigo duqeymaha lagu bartilmaameedsanayo xarumaha tamarta iyo kaabayaasha Iran, si fursad loo siiyo wadahadallada socda.
Arrintan ayaa kusoo beegmeysa xilli xiisad xooggan ay ka taagan tahay gobolka, iyadoo Mareykanka horey ugu goodiyay inuu weeraro ka fulin doono goobaha tamarta Iran haddii aysan Tehran wax ka beddelin mowqifkeeda.
Wararka ayaa sidoo kale sheegaya in xiisaddu sii kordhayso, iyadoo Iran ay ka digtay in ay tallaabooyin culus qaadi doonto haddii weerarro lagu qaado, taas oo sare u qaadday cabsida dagaal ballaaran oo ka qarxa gobolka.
Tallaabada Trump ee dib u dhigista duqeymaha ayaa loo arkaa fursad cusub oo diblomaasiyadeed, iyadoo la filayo in maalmaha soo socda ay go’aan ka gaaraan natiijada wada-hadalladaas.
Arrintan ayaa kusoo beegmeysa xilli xiisad xooggan ay ka taagan tahay gobolka, iyadoo Mareykanka horey ugu goodiyay inuu weeraro ka fulin doono goobaha tamarta Iran haddii aysan Tehran wax ka beddelin mowqifkeeda.