Isbitaalka Al-Shifa oo dhowr jeer weerarro cirka iyo dhulka ah ay ku qaadeen ciidanka Israaiil ayaa noqday goobta ugu badan ee saraakiisha Yuhuudda lagu dilay kuwaas oo qaarkood dilkooda loo adeegsaday qoryaha meelaha fog-fog wax looga shiisho & rasaas toos ah.
Taliska Dhexe ee Kumaandooska Israaiil ayaa la ogaaday in uu diiday in ciidamada gaarka ah ee Yuhuudda la geeyo Isbitaalka Al-Shifa oo ay ku tuhmayaan in ay ku yaallaan godod waa wayn oo ay kasoo dusaan Xamaas marka ay dagaalka ku asqaynayaan goobaha ciidamadooda joogaan.
Sababta ayaa ah in saraakiil muhiim u ah Militariga Israaiil oo lagu dilay Isbitaalka Al-Shifa halka qudhooda ay xasuuq baβan ka gaysteen isbitaalkaas oo waxa ay ku dileen Dad badan oo Rayid ah oo qaarkood dhaawacyo ay horay u gaarsiiyeen laga dawaynayay.
Suxufiyiin ku sugan Magaalada Gaza ayaa kusoo warramay in ciidamada Israaiil ay duqaymo xooggan ku garaaceen agagaarka isbitaalkaan si ay usoo baxaan askarta uga goβdoonsan gudaha dhismaha Al-Shifa oo awoodi waayay in ay bannaanka usoo baxaan.
Israaiil ayaa dagaalka dhulka ah ee Magaalada Gaza ka socda ku waysay Saraakiil iyo ciidamo aad u badan, Xukuumadda Benjamin Netanyahu ayaa sababta ay dhiigga u daadinayaan ku sheegay soo furashada Maxaabiistii laga soo qafaashay 7dii Oktoobar 2023 balse ay ku guuldaraysteen soo furashadooda.
Saacadihii u dambeeyay waxa ay Yuhuudda duqayn ay gaysteen nafta ku dhaafiyeen ugu yaraan 11 qof oo rayid Falastiiniyiin ah, bayaan kasoo baxay Militariga Israaiil ayaa lagu sheegay in Dadkaas ay beegsadeen ay ahaayeen dagaalamayaal katirsan Kooxaha iska caabbinta ah ee kasoo horjeeda.