Author: radiohalgan.com
Kooxda Liverpool ayaa xasuuqday Chelsea kulan ka tirsanaa premier League kana dhacay Anfield. Reds aya ahayd kooxda fiican guud ahaan ciyaarta iyaga oo ka awood badnaa chelsea. Daqiiqadii 23-aad ayay Liverpoold dhalisay goolka 1-aad waxana u dhaliyay xiddiga Diogo Jota kaas oo si cajiib ah u dhaliyay goolka. Waxa goolka 2-aad u dhaliyay Liverpool xiddiga da’yarka ah ee Conor Bradley kaas oo hogaanka u dheereeyay kooxdiisa. Waxa sidaas ku dhamaatay qaybta hore ee ciyaarta oo ay Liverpool ahayd kooxda ku fiican dhinac kasta. Qaybta dambe ayay Liverpool ku bilaabatay si dar-dar leh iyaga doonayay in ay dhaliyaan goolal kale. Daqiiqadii…
Madaxweynaha dib loo doortay ee Puntland Siciid Cabdullaahi Deni ayaa ku baaqay in shir weyne qaran oo ay isugu yimaadaan madaxda iyo siyaasiyiinta Soomaaliyeed, kaasoo diiradda lagu saari doono xaaladaha horu-tebinta leh ee dalka ka jira. Intaas ka dib qaar ka mid ah siyaasiyiinta oo ay ka mid yihiin kuwa mucaaradka ah ayaa soo saaray faallooyin ay kaga hadlayaan shirka uu Deni ku baaqay iyaga oo soo dhaweynaya. Waxaa ka mid ah madaxweynihii hore ee Soomaaliya Maxamed C/llaahi Farmaajo oo sheegay in madaxweyne Xasan Sheekh iyo isagu ay ka wada hadleen hogaaminta madaxweynaha ee shir qaran. “Kulankii u danbeeyey ee…
Faahfaahino dheeraad ah ayaa waxaa laga helayaa sababta keentay mayd laga celiyay isaga oo aan lagu tukan masjid ku yaalla deegaanka Tabeelaha Sheekh Ibraahim ee duleedkaMuqdisho, taas oo dhalisay hadal heyn xoogan. Sheekh Nuur Cali Jaamac oo kamid ah culimada masjidkaas oo lagu magacaabo Waalidayn ayaa ka hadlay sababta loogu dukan waayay marxuumka ee dib looga celiyay masaajidka. Ugu horreyn Sheekha ayaa sheegay in masjidka Waalidayn uu yahay masjid weyn, isla markaana ay aaminsan yihiin in dadka Soomaaliyeed ay yihiin dad wada islaam ah, sidaas daraadeedna aysan iyagu dadka weydiin in qofka la keenay uu yahay islaam ama gaal, sida…
Waxaa shalay iyo xalay sii xoogeystay dadaallada caalamiga ah ee loogu jiro sidi loo heli lahaa xabad-joojin kale oo ka hirgasha Marinka Gaza, xilli ay wali ciidamada Isra’il sii wadaan duqeymaha iyo dagaalka culus ee ay ka waddaan Gaza. Ilo wareedyo ayaa wakaaladda wararka ee AFP u sheegay, in Xamaas ay dib u eegis ku sameyneyso qorshe loo soo bandhigay oo Gaza looga hirgelinayo xabbad-joojin lix todobaad ah. Soo jeedintaasi ayaa ka soo baxday wadahadallo maalmahan ka socday magaalada Paris oo xal loogu raadinayo qaboojinta dagaalka Isra’il iyo Xamaas. Dhanka kale, waxaa kasii dareysa xaaladda bani’aadannimo eek a jirta Marinka…
Madaxweynihii hore ee Soomaaliya Xildhibaan Shariif Sheekh Axmed ayaa soo saaray qoraal uu ku soo dhaweeyey shirka uu gogoshiisa dhigay madaxweynaha Puntland Saciid Cabdullahi Deni oo dhawaan dib loo doortay, shirkaas waxaa muuqata in siyaasiyiinta mucaaradka ah ay aad u daneynayaan. Sheekh Shariif ayaa sheegay in shirkaan uu ku soo aaday waqtigii loogu baahida badnaa, isagoo soo tiriyey caqabadaha Soomaaliya heysta ee mudan in looga tashado shirka Garowe gogoshiisa la dhigay. “Waxaan soo dhawaynayaa gogosha uu fidiyay Madaxweynaha Puntland H.E Said Abdullahi Deni xilligaan uu dalku waajahaayo xaalado culus oo ay ugu muhiimsanyihiin; amniga, arrimaha dastuurka, qaab dhismeedka doowladnimada, midnimada…
Dowladda Mareykanka ayaa markale taageero u muujisay dowladda Soomaaliya, oo xilligaan ay is-hayaan Itoobiya oo ayadu ku kacday xad-gudub ka dhan ah madax-banaanida Soomaaliya. Kaaliyaha Xoghayaha Arrimaha Dibadda Mareykanka ee Afrika Molly Phee ayaa shaaciyya in dalkiisu uu Midowga Afrika, IGAD, iyo ururrada kale ee caalamiga ah la wadaagayo aragtida ah in la ixtiraamo madax-bannaanida iyo wada-jirka dhuleed ee Soomaaliya. Sidoo kale waxa uu sheegay in Mareykanka uu walaac ka qabo heshiiskii is-afgarad ee Addis Ababa ku gaareen Madaxweyne Muuse Biixi iyo Ra’iisul Wasaare Abiy Axmed, inuu wax weyn u dhimi karo dagaalka Al-Shabaab. “Waxaan walaac ka qabnaa in heshiiska…
Dowladda Mareykanka ayaa Arbacadii shalay ku eedeysay malleeshiyo ku sugan Ciraq oo ay taageerto Iran, in ay ka danbeeyaan weerar loo adeegsaday diyaaradaha dhulka laga hago oo lagu dilay saddex askari oo Mareykan ah, oo ku sugnaa saldhig Mareykanka uu ku leeyahay xadka Urdun iyo Suuriya. Afhayeenka Golaha Amniga Qaranka Mareykanka John Kirby, ayaa sheegay in Mareykanku rumeysanyahay, in weerarkaasi ay qorsheysay, fududeysay isla markaana gacan ku laheyd qalabka lagu fuliyay Kooxda Iska-caabinta Islaamiga ee ku sugan Ciraq. Kooxahan oo ku mideysan hal dallad ayaa waxaa ku jira garabka Kataib Xizbullah, sida ay sheegtay Dowladda Mareykanka. Afhayeenka Guddiga Amniga Qaranka,…
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa dalka Isu-tagga Imaaraatka Carabta kaga qeyb galay Shirka ku saabsanaa Amniga Soomaaliya oo ay ka qeyb galeen dalalka sida dhow u taageera amniga dalka, kuwaas oo ay ka mid yihiin Imaaraadka Carabta, Qatar, Mareykanka, UK iyo Turkiga. Shirka ayaa diiradda lagu saaray sidii dowladda Soomaaliya looga taageeri lahaa dagaalka ka dhanka ah argagixisada iyo isku xirka kaalmada dhinaca amniga ee caalamka. Madaxweynaha Jamhuuriyadda ayaa adkeeyay muhiimadda ay leedahay ilaalinta xasilloonida gobolka iyo in laga fogaado wiiqidda guulihii adkaa ee laga soo hoyey dagaalka ka dhanka argagixisada, taas oo imaanaysaa haddii aan…
Madaxweynaha Jubbaland Mudane Axmed Maxamed Islaam ayaa Magaalada Nairobi kulan kula yeeshay madaxa Bangiga aduunka ee Soomaaliya Kristina Svensson. Kulanka ayaa lagaga wada hadlay derdergalinta iskaashiga arimaha la xiriira wax soo saarka. Sidoo kale, waxyaabaha laga hadlay waxaa ka mid ah horumarinta nidaamyada dowladda, dhismaha kaabayaasha dhaqaalaha, sida waddooyinka iyo buundoonyinka oo dhawaan qaar kamid ah ay ku burbureen fatahaadaha roobabka Elnino. Madaxa Bangiga adduunka ee Soomaaliya Kristina Svensson ayaa balan qaaday iney gacan ka geysan doonaan dib u dhiska kaabeyaasha ku burburay roobabka El-nino, iyadoo Axmed Madoobe ku bogaadisay dedaalka uu ugu jira wax ka qabashada dhibaatooyinka ka jira…
Afhayeen u hadlay kooxda Ansarullah ee Xuutiyiinta Yemen ayaa sheegay inay Badda Cas ku weerareen Markabka dagaalka USS Greeley ee ay leeyihiin ciidamada Mareykanka. Qoraal ay soo saareen maanta oo Arbaco ah ayey ku xaqiijiyeen in dhammaan maraakiibta dagaalka Mareykanka iyo kuwa Britain ee ku sugan Badda Cas iyo Badda Carbeed ay beegsanayaan. Sidoo kale waxay sheegeen in weli ay sii wadayaan weerarka maraakiibta Israel iyo kuwa ku socdo dakadahooda ilaa inta dagaalka Gaza la joojinayo lagana qaadayo xayiraadda. Taliska dhexe ee Mareykanka ayaa sheegay in Markab ay leeyihiin uu shalay soo riday gantaal laga soo tuuray Yemen. Taliska dhexe…