Author: radiohalgan.com
Kulanka oo dhacay maalintii khamiista 18kii Bishan ayaa la taliye Redwan Hussein hadalkiisa ku billaabay “Itoobiya waxay u baahan tahay dekado baddan oo kale si ay u ilaaliso dhaqaalaheeda kobcaya, Isagoo warbixin kooban ka siiyay u-qaybsanayaasha ciidamada Safaaradaha ku sugan Addis Ababa; heshiiskii is-afgaradka ahaa ee ay dhawaan wada saxeexdeen Itoobiya iyo Somaliland, waxa uu lataliyuhu xusay in Itoobiya ay marin u lahayd badda muddo qarniyo ah, balse ay noqotay dal aan bad lahayn muddo haatan laga joogo 30 sano. “uma noolaan karno sida wakhti hore, laakiin waa inaan wax ka qabannaa dhibaatada hadda Itoobiya soo food saartay,” ayuu yiri,…
Ururka Midowga Afrika ayaa sheegay in Madaxweynihii hore ee Nigeria Olusegun Obasanjo u magacawday in uu madax ka noqdo wadahadallada Dowladaha Soomaaliya iyo Itoobiya oo xiisaddooda cirka gashay wixii ka dambeeyay 1dii Janaayo 2024. Khilaafka ayaa bannaanka usoo baxay kaddib markii Xukuumadda Itoobiya ay ku dhawaaqday heshiis ay la gashay Madaxweynaha Somaliland Muuse Biixi Cabdi si ay u helaan qayb kamid ah Badda Soomaaliya oo Itoobiya damacsan tahay in ay saldhigato. Tallaabadaas waxaa go’aan adag oo diidmo ah kala hortagtay Dowladda Federaalka Soomaaliya maadaama heshiiskaas uu yahay mid baalmarsan sharciga, Dastuurka Dalka, madaxbannaanida iyo wadajirka Soomaaliyeed balse Addis dheg jalaq…
Saraakiil katirsan Dowladda Suuriya ayaa sheegay in Ciidamada Yuhuudda ay duqayn xooggan ka gaysteen xaafadda Mazzeh ee ku dhow caasimadda Dalkaas ee Dimishiq maanta oo sabti ah sida hadalka loo dhigay. Suuriya ma sheegin khasaaraha ka dhashay weerarkaan duqaaynta ah, cidda sida gaar ah lagu bartilmaameedsaday & jawaabta ay dhankooda ka bixiyeen weerarkaan xadgudubka ah ee caasimadda dalkaas ka dhacay. Wakaaladda Wararka Reuters ayaa daabacay qoraal kooban oo ay ku xaqiijisay in duqayntaan lagu beegsaday mid kamid ah guryaha ku yaalla deegaankaan u dhow caasimadda Suuriya balse qudheedu masoo warin khasaara ka dhashay. Militariga Israaiil ayaa kordhiyay weerarrada duqaynta ah…
Wararka ku saabsan in dhaqdhaqaaqa Xamaas uu ahaa mashruuc Israa’iil ay horey u abuurtay ayaa baraha bulshada iyo warbahintaba la wareejinayay – tan iyo markii ay kooxda ay weerareen Israa’iil 7 October . Hadaba maxaa ka run ah sheekadaasi? Xubno badan oo Xamaas ka tirsan ayaa diiday oo beeniyay sheegashadaas si la mid ah saraakiisha sarsare ee Israa’iil. Balse warkani waxaa mar si cad u sheegay madaxweynihii hore ee Masar, Xusni Mubaarak. Sidoo kale, Senetarka Jamhuuriga ee Congress-ka Maraykanka ayaa isna mar soo hadal qaaday arrintan waxaana sidoo kale lagala hadlay saraakiisha amniga gudaha ee Israel,ee Shin Bet. Akhwaan Muslimiinta…
Masawir muujinaya in ay wada joogaan madaxweynaha dawlad goboleedka Koonfur Galbeed, Cabdicasiis Laftagareen iyo nin kamid ah wafdi ka socday Itoobiya oo socdaal ku tagay qaar kamid ah deegaanada Soomalaida ayaa hadal hayn ka dhaliyay baraha bulshada. Masawirka ayaynaan xaqiijin karin dhabnimadiisa. Ninkaan hadalhaynta dhaliyay ayaa qayb ka ahaa wafdi ka socday dalka Itoobiya, gaar ahaan gobolka Oromia, kuwaas oo horay u sheegay in ay u yimaadeen dhulka Soomaalida si ay qayb uga qaataan nabadeynta gobolka Geeska Afrika. (Lafti Nagaa) – Naaneys caan baxday oo ka timid duco ay wafdigaan Itoobiyaan ka ah horay u mariyeen ayay dad badan ugu…
Madaxweynaha dowladda Federaalka Soomaaliya Xasan Sheekh Maxamuud iyo wefdi uu hoggaaminayo ayaa goordhow ka ambabaxay magaalada Kampala ee dalka Uganda, isagoo ku sii jeeda magaalada Qaahira ee dalka Masar. Xasan Sheekh ayaa aaday magaalada Qaahira kaddib casuumad uu isbuucii hore ka helay dhigiisa dalka Masar Cabdifitaax Al Siisi, waxa uuna madaxweynaha kulan gaar ah kula qaadan doonaa Qaahira inta uu joogo madaxweyne Al Siisi iyo masuuliyiin kale. Casuumadda madaxweynaha dalka Masar u fidiyay dhiisa Soomaaliya ayaa timid ,kaddib markii dowladda Itoobiya ku xad-gudbtay midnimadda Soomaaliya ayna heshiis beenaad la gashay maamulka Somaliland. Dowladda Masar oo khilaaf kala dhaxeeyo Itoobiya ayaa…
Gaari dameer lagu soo xiray bam ayaan shalay ku qarxay bar kontorool oo ku taalla xuduudka Kenya iyo Soomaaliya, waxaana ku dhintay hal askari oo ka tirsan booliska Kenya afar kalena way ku dhaawacmeen, sida ay masuuliyiintu sheegeen. Warbixin ka soo baxday Booliska Kenya oo ay aragtay Wakaalladda Wararka AP, ayaa lagu sheegay in Gaariga uu watay Labo Dameer uuna la socday Nin uu ka gudbay Koontaroolka ay Soomaalidu ku leedahay Buula Xaawo, kadibna uu galay Dhulka Kenya, halkaasoo ay ku joojiyeen Askarta si ay u hubiyaan rarka saaran. Wararka ayaa intaa ku daraya in ninkii waday uu ka booday…
Nin u dhashay dalka Thailand ayaa lagu xukumay konton sano oo xarig ah kadib markii lagu eedeeyay inuu aflagaadeeyay boqortooyada. Waxaa loo malaynayaa inuu yahay xukunkii ugu dheeraa ee abid lagu xukumo qofka sidan oo kale sameeyay. Mongkol Thirakot, oo u dhaqdhaqaaqa dimuqraadiyadda, ayaa la xukumay ka dib markii uu faallooyin soo dhigay Facebook. Markii hore waxaa lagu xukumay siddeed iyo labaatan sano, laakiin maxkamadda sare ayaa kordhisay muddada xabsiga ka dib markii lagu daray eedeymo kale oo loo haysaty. Boqolaal qof ayaa lagu dacweeyay gudaha Thailand dhowrkii sano ee ugu dambeeyay iyadoo la raacayo sharciyo adag oo ka hortagaya…
Fallaagada Xuutiyiinta ayaa gantaallo ku dhufatay markab ganacsi oo kale oo Maraykanku leeyahay Khamiistii shalay, saacado ka dib markii duqeyn cusub militariga Maraykanku uu ku qaaday kooxda ay Iran taageerto ee Yemen. Xuutiyiinta ayaa laba gantaal oo nooca ballistic-ga ah ku garaacay markabka M/V Chem Ranger, sida ay sheegeen militariga Mareykanka, iyadoo weerarkan uu noqonayo kii saddexaad oo toddobaadkan lagu qaado markab uu Mareykanku leeyahay. “Shaqaalaha markabka ayaa sheegay in gantaallada ay saameyn ku yeesheen biyaha u dhow markabka. Madaxweyne Joe Biden ayaa khamiistii qirtay in duqeymaha Mareykanka ee ka dhanka ah Xuutiyiinta aysan ahayn kuwa ka hortagaya weerarada ay…
Madaxweynaha Jamhuuriydda Federaalka Soomaaliya Mudane Xasan Sheekh Maxamuud oo khudbad xasaasi ah u jeediyey hoggaamiyaasha dalalka isbaheysiga dhex dhexaad ka ah (NAM) ayaa weeraray siyaasada qar iska tuurka ee dowladda Itoobiya. Xasan Sheekh ayaa si adag u soo bandhigay mowqifka dowladda Soomaaliya ee ku aaddan xadgudubka dowladda Itoobiya iyo cawaaqib xumada uu keeni karo haddii aanan si wadajir ah looga falcelin xadgudubkaasi. “ Cawaaqib xumada ka dhalan karta is-afgaradkan waa wax aad looga xumaado mana ahan kaliya mid khatar ku ah madax-banaanida dhuleed ee Soomaaliya, sidoo kale , waxa uu halis ku yahay xasilloonida gobolka” Ayuu yiri Madaxweyne Xasan. Madaxweynaha…