Author: radiohalgan.com
Diyaarad milatari oo nuuceedu ahaa Ilyushin-76 oo laga leeyahay dalka Ruushka ayaa ku bur burtay koonfurta gobolka Belgorod ee kuyaalla xuduudka Ruushka iyo Ukraine, waxaana shilkan ka dhashay khasaaro dhimasho oo badan. Warbaahinta dalka Ruushka ayaa baahisay in diyaarada milatari ee bur burtay ay saarnaayeen 65-qof oo maxaabiis dagaal oo u dhashay dalka Ukraine iyo sidoo kale shaqaalihii diyaarada la socday. Barasaabka gobolka Belgorod Vyacheslav Gladkov ayaa xaqiijiyay jiritaanka shilka diyaaradeed ee dhacay, waxa uuna ka gaabsaday in uu faah faahiyo khasaaraha ka dhashay shilkaasi. Afhayeenka madaxtooyada dalka Ruushka Dmitry Peskov ayaa sheegay in aqalka Kremlin-ka ee Ruushka looga arrimiyo…
Madaxweynihii hore ee dalka Mareykanka Donald Trump ayaa guul weyn ka gaaray doorashada xisbigiisa Jamhuuriga oo ka dhacday gobolka New Hampshire, waxa uuna ka guuleestay haweeneydii la tartameysay Nikki Haley. Donald Trump ayaa hadda u tartamaya sidii uu u noqon lahaa musharaxa xisbiga Jamhuuriga ku matelaya doorashada guud ee dalka Mareykanka oo loo ballansan yahay in ay dhacdo bisha November ee sannadkan. Madaxweynihii hore ee dalka Mareykanka Trump ayaa horey guulo uga soo gaaray gobolo kale uu tartan kasoo galay, waxaana la saadaalinayaa in uu noqon doono musharaxa xisbiga Jamhuuriga ku matali doono doorashada soo socota. Guulaha Donald Trump waxaa…
Xildhibaannada labada Aqal ee Baarlamaanka Soomaaliya ayaa maanta cod aqlabiyad ah ku ansixiyay habraaca wax ka beddelka Dastuurka KMG ka ah. Xeerkan oo ay aad u diidanaayeen xubnaha mucaaradka, sidoo kalena xildhibaannada qaar ay maanta isku dayeen inay hor istaagaan iyaga oo buuq ka sameeyay golaha, balse ugu dambeyn waa la ansixiyay, sida uu ku dhawaaqay guddoomiye Aadan Madoobe. Habraaca la ansixiyay ayaa waxa uu dhigaya in soo jeedinta wax ka beddelka kama dambeysta ee cutubyada dastuurka soo idlaaday ay si kama dambeys ah ku ansixin karaan saddex meelood laba meel (2/3) tirada guud ee Xildhibaannada Golaha Shacabka iyo saddex…
Magaalada Muqdisho ee caasimada Soomaaliya waxaa maanta soo gaaray markab labaad oo ay soo dirtay dowladda Ruushka, kaas oo sida 25 kun tan oo Qamadi ah, isla markaana ay la wareegtay dowladda federaalka Soomaaliya. Munaasabad kooban oo ka dhacday oo ka dhacday dekedda weyn ee Muqdisho ayaa waxaa deeqdaan kula wareegay guddoomiyaha hay’adda maareynta musiibooyinka qaranka. Gargaarkan ayaa waxaa lagu talagaly talagalay dadka soomaaliyeed ee ay saameeyeen abaaraha iyo daadadkii ElNino, sida lagu sheegay qoraal kasoo baxay hay’adda SoDMA. “Guddoomiyaha Hay’adda Maareynta Musiiboyinka Qaranka Soomaaliyed ee SoDMA Mudane Maxamuud Macallim Cabdulle ayaa maanta munaasabad kooban oo ka dhacday Dakedda Muqdisho…
Xildhibaanada labada gole ee Baarlamaanka Soomaaliya ayaa maanta kulan wadajir ah ku yeelanaya xarunta Villa Hargeysa, sida lagu sheegay farriin ogeysiis ah oo goor hore loo wada diray xildhibaannada labada aqal ee Soomaaliya. Kulankan oo ah mid xasaasi ah ayaa waxaa go’aan looga gaari doonaa habraaca wax ka beddalka Dastuurka, sida lagu sheegay qoraalka loo diray xildhibaanada Soomaaliyeed. Ajendaha kulanka ayaa ah akhrinta 3-aad iyo u codeynta habraaca ansixinta wax ka beddalka Dastuurka, oo haatan dood xoogan ay ka taagan tahay. “Xildhibaanada sharafta leh berri oo Arbaco ah, taariikhduna tahay 24.01.2024, waxaa jira kulan labada aqal ee Baarlamaanka Jamhuuriyadda Federaalka…
Wasiirkii hore ee amniga Soomaaliya, Mudane Maxamed Abuukar Islow (Ducaale), ahna xildhibaan ka tirsan Golaha Shacabka Soomaaliya ayaa qoraal uu xalay soo saaray kaga hadlay kulanka maanta ee labada Gole ee Baarlamaanka. Ducaale ayaa ugu horeyn si weyn usoo dhaweeyay kulanka maanta ee ku aadan u codeynta habraaca ansixinta wax ka beddalka Dastuurka dalka. “Xildhibaannada laba Aqal ee Baarlamaanka Federalka ayaa Berri kulan yeelanaya, iyadoo Ajendaha uu yahay: “Akhrinta 3aad iyo U codeynta Habraaca Ansixinta Wax- Ka Bedelka Dastuurka”.” ayuu yiri qoraal uu soo saaray Xildhibaan Maxamed Abuukar Ducaale. 2- Marka Dastuur laga hadlayo kaliya miyaa loo baahan yahay inay…
Gudoomiyaha dagmada jalalaqsi nuur dhere iyo qeybo kamida maamulka iyo bulshada dagmada ayaa manta waxa ay so dhaweeyen wafdi Ka socdo damal Caafimaad oo dhawaan soo gaare dagmada jalalaqsi ee gobolka Hiiraan Sido kale waxa ay si wada Jir ah u booqdeen isbitaalka guud ee dagmada jalalaqsi Isbitaalka guud ee dagmada ayaa dhawaan laga bilaabi doona adeegyada Caafimaad si bulshada dagmada jalalaqsi ay uga faa ideystaan. si looga hortago Xanuun sida Shuban Biyoodka iyo wax la mid ah . waxii warar ah oo ku soo kordho kala soco marwalba Isha wararka Radiohalgan.com
Waxaan u hambalyeeynayaa Xulka Kubada Cagta Hirshabeelle oo galabta ka adkaaday dhigooda Jubbaland sidoo kalana u gudbay fiinaalka tartanka Kubada Cagta Dowlad Goboleedyada iyo Gobolka Banaadir. Guusha wayn ee aad gaarteen iyo ciyaar wanaaga qurux badan ee aad soo bandhigteen waxa ay farxad galisay malaayiin taageerayaashiina ah, waxaana idinka sugeynaa hanashada koobka annagoo ku kalsoon xirfadiina iyo dadaalka dheer ee aad muujineysaan. HIRSHABEELLE🏆
Wasiirka Wasaaradda Arimaha gudaha Dowladda Hirshabeelle Mudane Cabdiraxmaan Daahir Guure (Karoore) ayaa ugu baaqay in beelaha Walaalaha ah ee ku dagaalamaya deegaanno dhaca Xuduudka gobolada Hiiraan iyo Shabeelaha dhexe in aay dagaalka joojiyaan. “Aniga oo ku hadlaya magaceyga iyo kan Wasaaradda arrimaha gudaha Hirshabelle waxaan beelaha walalaha ah ee dagaalamaya ugu baaqayaa in aay dagaalka joojiyaan, dagaal wiil kuma dhasho walaalayaal adinka oo ah dad Diris walaal ah in xilligan dirirtaan waa ceeb, waxaana idinka codsan waxii tabasho ah oo jira Miiska wada-hadalka in aad ku dhameysaan” ayuu yiri wasiirka arrimaha gudaha Hirshabelle Cabdiraxmaan Daahir Guure. Wasiirka ayaa ugu baaqay…
Madaxweynaha Dowladda Hirshabeelle Mudane Cali Guudlaawe Xuseen ayaa ka qeybgalay kulan qado sharaf ah uu u sameeyay Madaxweyne Ku Xigeenka Dowladda Puntland Mudane Ilyaas Cusmaan Lugatoor . Kulankaan qado sharafta ah ee lagu casuumay Madaxweynaha waxaa ka qeybgalay wafdiga Madaxweynaha oo ka koobnaa Wasiirro iyo lataliyaal iyadoo sidoo kale ay ka qeybgaleen masuuliyiin isugu jirtay labada gole ee Dowladda Puntland. Madaxweynaha ayaa uga mahadceliyay Madaxweyne Ku Xigeenka Puntland casuumada uu u sameeyay isagoo sheegay in Dowladaha Hirshabeelle iyo Puntland uu ka dhaxeeyo xiriir iskaashi oo dhan walba ah.