Author: radiohalgan.com
Dowladda Mareykanka ayaa sheegtay inay dib u qiimeyn ku sameyn doonto xiriirkooda iyo wadashaqeyntooda Ciidanka sida gaarka ah u tababaran ee Danab, oo ah cutub ka tirsan Ciidanka Xoogga Dalka Soomaaliyeed (SNA). Sarkaal Mareykan ah ayaa u sheegay Reuters in Washington ay si dhab ah u qaadanayso dhammaan eedeymaha musuqmaasuqa. Saraakiisha Ciidanka Danab ayaa lagu eedeeyay u weecinta raashiinka suuqa madow taasoo lid ku ah heshiis ay wada galeen Soomaaliya iyo Mareykanka. “Waxaan rajeyneynaa inaan kala shaqeyno Danab tallaabooyinka isla xisaabtanka si looga hortago dhacdooyinka saamayn kara kaalmada mustaqbalka,” ayuu yidhi sarkaalku, isaga oo aan si toos ah uga hadlin…
Dowladda Kenya ayaa shaacisay in ay Alshabaab ka sifaysay keymaha ay ku dhuumaalaysan jireen ee Booni, taas oo keentay in ay yaraadaan weeraradii argagixisanimo ee gobolka xeebta. “Argagixisadu waxay u adkeysan weyday awoodda hay’adaha amniga oo qaarkood ku qasbay inay dib ugu cararaan Soomaaliya oo ay naftooda u baqayaan,” ayaa lagu yiri war qoraal oo ah oo kasoo baxay laamaha amniga ee Kenya. Hay’adaha Amniga ee Kenya ayaa waxay sheegeen inay ku guulaysteen inay ka takhalusaan Shabaabkii ku dhiiraday inay ku sii dhuuntaan kaynta, si loo nabadeeyo gobolka xeebta ah ee Lamu iyo nawaaxigeeda oo ay ku jirto Garissa. Hawlgallada…
Fadeexad weyn ayay dhex taalla wasaaradda gaashaandhiga ee Soomaaliya. Gaadiid lagu sido raashin ay lahaayeen ciidanka sida gaarka ah u tababaran ee Danab oo la beecinayo ayaa bartamaha caasimadda lagu qabtay dhawaan, taas oo dhalisay in dowladda Mareykanka ay joojiso bixinta raashinkii ciidanka Danab. Guddiga difaaca ee baarlamaanka Soomaaliya ayaa soo fara-geliyay dhacdadan ceebaysay ciidankii dowladda iyo wasaaradda gaashaandhiga. Qoraal ay shalay soo saareen iyaga oo ka duulaya qirashadii wasaaradda gaashaandhiga ee xatooyadii garaamka ciidanka Danab, ayuu guddiga difaaca ee baarlamaanka waxa uu sheegay inay ayaan-darro weyn tahay xatooyadda lagu sameeyay raashinkii ciidanka, waxayna ku tilmaameen mid dhabar jab iyo…
Faah-faahin dheeraad ah ayaa kasoo baxaya khasaaraha ka dhashay qarax lala beegsaday gaari ay saarnaayeen howlwadeenno ka tirsan Shirkadda Isgaarsiinta Hormuud Telecom. Qaraxa oo ka dhacay deegaanka Garas-baalleey ayaa la xaqiijiyey inay ku geeriyoodeen dhamaan shaqaalihii saarnaa gaariga oo gaaraya 6 qof. Goobjoogayaal ayaa Caasimada Online u sheegay in isla goobta uu ku basbeelay gaarigii ay wateen, shaqaalaha la qarxiyey ee Hormuud. Wararka qaar ee la helayo ayaa xaqiijinaya in qaraxu ahaa miinada nooca dhulka lagu aaso, taasi oo qabsatay gaariga. Illaa iyo hadda ma jirto cid sheegatay masuuliyadda qaraxa, maamulka Shirkadda Hormuudna wali kama hadlin dhacdadaan galaafatay lix ka…
Wasiirka Gaashaandhigga Soomaaliya, Cabdulqaadir Maxamed Nuur (Jaamac) ayaa faah-faahin dheeraad ah ka bixiyay fadeexadda musuq-maasuq ee hareysay taliska ciidanka Danab. Wasiir Jaamac oo wareysi gaar ah siiyay Telefishinka Universal ayaa xaqiijiyay in dhacdadan ay dhacday laba todobaad kahor, taasi oo lagu leexsaday raashinkii loogu tala-galay ciidamada Danab ee xoogga dalka, isaga oo qiray in loo iib geeyay suuqyada waaweyn ee magaalada Muqdisho. Jaamac ayaa sheegay in falkan ay ku lug leeyihiin saraakiil sar-sare oo ciidamada kamid ah, islamarkaana lasoo xiray, si looga qaado tallaabo adag oo sharciga waafaqsan. “Waxaa la xaqiijiyay in urur kamid ah guutada Danab raashiin loogu talagalay…
Guddoomiyaha gobolka Banaadir ahna Duqa magaalada Muqdisho Yuusuf Xuseen Jimcaale (Madaale) ayaa maanta loo gudbiyay soo jeedin la xiriirta xal u halista caqabadaha biyaha roobka oo saameyn weyn ku yeesha caasimadda. Guddoomiyaha hay’adda maareynta musiiboyinka qaranka (SODMA) Maxamuud Macallim Cabdulle oo xafiiskiisa ku booqday guddoomiye Madaale ayaa la wadaagay soo jeedintan oo ah “in meesha laga saaro oo la dumiyo guryaha ka dul dhisan goobihii loogu tala galay in bullaacaduhu maraan,” si xal loogu heli caqabadaha ka dhasha roobka. Kulanka labada masuul ayaa diirada lagu saaray xal u helidda caqabadaha soo laa-laabtay ee caasamidda, fududeynta howlaha gargaarka iyo u diyaar-garowga…
Wasiirka Maaliyadda XFS Biixi Imaan Cige ayaa maanta magaalada Nairobi ee dalka Kenya uga qeyb galay shirka 21-aad ee Hay’adda Horumarinta Bangiga Adduunka ee magaceeda loo soo gaabiyo IDA, shirkaas oo ay ka soo qayb galeen Wasiirada Maaliyadda dalalka Qaaradda Afrika. Shirka ayaa inta uu socday waxaa looga dooday qodobada muhiim ka u ah wadamada Afrika uu Bangiga Adduunka maalgaliyo. Qodobada ay soo saaraan Wasiirada maaliyadda ayaa waxaa la hor dhigi doonaa kulanka kiisa xiga oo ah heer Madaxweyne, kaas oo qab soomi doona 29-ka April 2024-ka. Sida lagu yiri qoraal ka soo baxay kulanka. Sidoo kale warka ka soo…
Weeraryahanka Liverpool Mohamed Salah ayaa sheegay in haddii uu hadlo “dab ayaa dhici doono” ka dib markii uu xeeyndaabka tababaraha ee khadka taabashada uu kula murmay tababare Jurgen Klopp kulankii barbardhaca ee 2-2 ee ay West Ham la ciyaareen. Salah ayaa u muuqday mid ay isku dhaceen Klopp xilli uu isku diyaarinayay in uu badal ku soo galo daqiiqadii 79-aad. Klopp ayaa sheegay in uusan shaacin doonin waxa ay dooddu ku saabsaneyd, balse weeraryahankii hore ee Liverpool Peter Crouch ayaa TNT Sports ka sheegay in aysan u muuqan mid u wanaagsan kooxda. “Salah waa ciyaaryahan lagu bilaabo inta badan kulamada…
Maxkamadda ciidamada qalabka sida ee Soomaaliya ayaa la wareegtay kiis musuqmaasuq ah, kaas oo ku saabsanaa leexsashada deeq raashin ah oo loogu talagalay ciidamada Danab oo ah ciidamo si gaar ah u tababaran, kuwaas oo ka tirsan ciidamada xoogga dalka. Wasiirka Gaashaandhigga Xukuumadda Federaalka Soomaaliya Cabdulqaadir Maxamed Nuur (Jaamac) oo wareysi gaar ah siiyay Telefishinka Universal ayaa faah faahin ka bixiyay fadeexadan, isagoo iftiimiyay heerka uu gaarsiisan yahay musuq maasuqa ka dhex jira taliska ciidamada Danab. Wasiir Cabduqaadir ayaa xaqiijiyay in falkaan uu dhacay labo todobaad ka hor markii qeyb ka mid ah raashiinkii loogu tala galay ciidamada Danab si…
Dibadbaxayaasha u badan dadka ehelkooda ay haysato Xamaas tan iyo 7dii Oktoobar sanadkii hore 2023 ayaa kordhiyay dibadbaxyadooda ka dhanka ah Xukuumadda Ra’iisul Wasaare Benjamin Netanyahu si ay ugu qasbaan in uu wadahadal galo. Dibadbaxyada ayaa kusii siqiya waddooyinka iyo goobaha muhiimka ah sida xafiisyada ay ku shaqeeyaan xubnaha sare ee Xukuumadda Netanyahu si ay u joojiyaan howlaha shaqo ay wadaan sida ay sheegeen qaar kamid ah dadka dibadbaxya. Waddooyinka waa wayn ee Magaalada Tel Aviv ayay jareen iyaga oo iska caabbin xooggan kala hortagay ciidamo booliis ah oo damacsanaa in ay kahor istaagaan saldhigashada marinnada muhiimka ah balse waa…