Author: radiohalgan.com

Daawo:- Muqaal Xasaasi ah Madaxweyne Coloow ayaa faah- faahin ka baxshay weerar fashilmay oo Aroortii hore ee saakay lagu qaatay Madaxweynaha Sharciga ah ee Dowladda Hiiraan state Mudane Cabduqaadir Xuseen Coloow oo uu wehliyo Guddoomiyaha cusub ee gobolka Hiiraan ee Dowladda Hiiraan State Mudane Cabdirashiid Cabdicasiis Cilmi (Ilkacase) Ayaa warbaahinta shir Jaraa’iid ugu qabtay Aqalka Madaxtooyada Beledweyne ayaa faah- faahin ka baxshay weerar fashilmay oo Aroortii hore ee saakay lagu qaatay xaruunta Madaxtooyada Dowladda Hiiraan State https://youtu.be/izvalHHVf38?si=qWeVTY3G9-ZznFp5

Guddoomiye ku xigeenka Hay’adda Maaraynta Musiibooyinka Qaranka ee SODMA Dr Axmed Cabdi Aadan ayaa kulan gaar ah la qaatay Danjiraha Jamhuuriyadda Shacabka Shiinaha ee Soomaaliya Fei Shengchao iyaga oo kawada hadlay kaalinta Beijing & howlaha ay Hay’addu haysto. Dr Axmed Cabdi Aadan oo ah ku xigeenka Hay’adda Maaraynta Musiibooyinka SODMA ayaa mahadcelin uu ka waday Guddoomiyaha Hay’addaas la wadaagay Danjire Fei Shengchao isaga oo sheegay in Dowladdiisa Shiinaha ay garab istaag u muujisay Soomaaliya waqti kaalmo loo baahnaa. Dowladda Shiinaha ayaa kamid ah waddamo Soomaaliya ku gacansiiyay gargaar bani aadamnimo iyo kaalmooyin kala duwan waqtigii ay taagnayd saamayntii ka dhalatay…

Dowladda Maraykanka ayaa cunaqabatayn adag dhul dhigtay 16 Shirkadood iyo Shakhsiyaad ku kala sugan Geeska Afrika, Isutagga Imaaraatka Carabta & Jasiiradda Qubrus kuwaas oo lacagaha ay uruuriyaan u gacan-geliya ‘AS’. Wasaaradda Lacagta ee Dalka Maraykanka gaar ahaan xafiiskeeda Maamulka Hantida Dibadda ayaa go’aankaan waxa ay u qaadday in ay kahortagto taakulada dhaqaalaha ah ee ‘AS’ ka heleyso dhinacyada kala duwan sida hadalka loo dhigay. Xukuumadda Washington ayaa ku goodisay in ay qaadayso tallaab muhiim u ah dhaqangelina cunaqabatayntaan maadaama lasoo gudbiyay xogaha shakhsiyaadkaas iyo shirkadaha si loo joojiyo dhaqdhaqaaqa ay samaynayaan. War-saxaafadeedka kasoo baxay Wasaaradda Lacagta Maraykanka ayaa lagu sheegay…

Hoggaamiyihii Al-Qacida ee Yemen ayaa geeriyooday, waxaa sidaas Axaddii ku dhowaaqay kooxda, ayada oo aan bixin wax faah-faahin ah. Khalid al-Batarfi ayaa waxaa madaxiisa dul saarnaa abaal-marin ah $5 milyan, oo uu ballan-qaaday Mareykanka, sababo la xiriira hoggaamintiisa Al-Qacidada Jasiirad u yaalka Carbeed. Inkasta oo la rumeysan yahay in sanadihii dhowaa ay daciiftay sababo la xiriira dagaal dhexdeeda ah iyo duqeymo diyaaradeed oo Mareykanka uu ku dilay dhowr ka mid ah hoggaankeeda, haddana kooxdan oo loo yaqaan AQAP ayaa loo arkaa laanta ugu halista badan ee Al-Qacida. Al-Qacida ayaa sii daysay muuqaal muujinaya al-Batarfi oo ay ku duuban tahay karfan…

Ku simaha madaxweynaha ahna madaxweyne ku-xigeenka Dowladda Gobaleedka Hirshabeelle Yuusuf Axmed Hagar (Dabageed) oo maanta shir-guddoomiyay kulan u dhaxeeyay Dowladda Hirshabeelle iyo Hay’addaha UN-ka ee ka shaqeeyo arrimaha gargaarka bini’aadanimo. Shirkan waxaa goobjoog ahaa Wasiirrada Dowladda Hirshabeelle ee wada shaqeynta la leh Hay’addaha UNOCHA iyo WFP, guddoomiyaha cusub ee gobalka Shabeellada Dhexe iyo guddoomiyaha degmada Jowhar waxana diirrada lagu saaray sidii dhinacyada u dardargelin lahaayeen howlaha wadajirka ee ka dhaxeeyo. “Dhankeenna wada shaqeyn hufan ayaa naga diyaar ah, waxaan rajeynayaa in kulankan kaddib si wadajir ah loo wajaho howlaha dhammaanteen hor-tebinta inoo leh, mana aqbali karno in shaqadda ay dhaqaaqi…

Wararka naga soo gaaraya gobolka Hiiraan ayaa sheegaya in maanta ciidamada Jabuuti ee qaybta ka ah howlgalka ATMIS ee Soomaaliya ayaa maanta isaga baxay saldhigyadii ay ku lahaayeen gudaha magaalada Beledweyne. Ciidamada Jabuuti ayaa ka gaaray dhammaan xarumihii ay ku lahaayeen bartaha magalaadaas oo xarun ah gobolka Hiiraan, sida ay innoo sheegeen dad deegaanka ah. Cutubyo ciidanka Jabuuti ee ka baxay magaaladan wayn ayaa ka ilaalin jireen amniga maamulka gobolka Hiiraan iyo kan degmada Baledweyne, waxayna halkaasi ka howlgalayeen muddo aad u dheer oo ka badan 10 sanadoood. Ma cadda sababta rasmiga ah ee ay ciidankan uga baxeen halkaasi, waxayse arrintan…

Xildhibaanno ka tirsan baarlamaanka Soomaaliya ayaa magaalada Muqdisho uga dhowaaqay kudlad cusub. Kudladaan cusub oo lagu magacaabo “Kudlada Midnimo Qaran” ayaa Xildhibaannada ku midoobay waxay sheegeen in ujeedkooda uu yahay in ay ka shaqeeyaan midnimada bulshada Soomaaliyeed. “Koox dhalinyaro ah iyo rag rug cadaa ah oo odayaal ah ayaa iskugu jira. Kudlada waxay ka shaqeyn doonta midnimada umadda Soomaaliyeed maadaama aan baarlamaanka ku metelno,” ayuu yiri Xildhibaan Jeeg oo kamid ah Xildhibaannada ku dhowaaqay kudladaan. Waxa uu intaas kusii daray “Waxaa ka shaqeyn doona dalkaan badbaadintiisa iyo daryeelkiisa haddii ay tahay la-dagaalanka Khawaarijta iyo wax walba oo dhibaato ku ah…

Taliyaha hey’adda nabad-sugidda ee NISA Mahad Maxamed Salaad ayaa xalay kormeer ku maray qeybo badan oo ka mid ah magaalada Muqdisho, isagoo la afuray ciidamada ammaanka. Kormeerkan oo Taliye Mahad Salaad ay ku wehlinayeen Taliyaha NISA ee Gobolka Banaadir Muxudiin Warbac iyo Xildhibaan Cismaan Xaadoole oo ka tirsan golaha shacabka, isla markaana ah sarkaal sare oo militeri, ayaa waxaa ka dhashay fal-celin xooggan. Taliyaha NISA ayaa ciidamada ku kormeeray baraha koontoroolada ee degmooyinka waqooyiga Muqdisho oo dadka iyo gaadiidka ay ku baarayeen, ayada oo Mahad Salaad uu caadi u dhex galay bulshada, isagoo shacabka si gacan qaad ah ugu salaamay…

Madaxweynihii hore ee dalka Maxamed Cabdullaahi Farmaajo oo maalmihii dambe ku sugnaa magaalada Muqdisho ayaa tegay xerada Xalane, oo ay degan yihiin wakiiladda caalamka u fadhiya Soomaaliya. Farmaajo ayaa booqday xarunta safaaradda Mareykanka ee Soomaaliya oo ku taalla gudaha Xalane, halkaasi oo kula kulmay Sii-hayaha safiirka Mareykanka. Sida ay ogaatay Caasimada Online, madaxweynihii hore ee Soomaaliya Mr. Farmaajo ayaa Mareykanka kala hadlay xaaladda dalka, gaar ahaan xiisadda dastuurka iyo doodda mucaaradka uu ka qabo qorshaha ay dowladda Xasan Sheekh rabto in ay ku meel-mariso wax ka beddelka ay dooneyso. Xogaha kasoo baxaya kulanka madaxweynihii hore iyo sii-hayaha safiirka Mareykanka ayaa…

Xukuumadda Somaliland oo war cusub kasoo saartay xasaradaha haatan ka jira badda cas ayaa dalab culus u dirtay dalalka reer galbeedka, kaas oo la xiriira wax ka qabashada xaaladaha adag ee ka jira Badda Cas iyo sidoo kale Gacanka Cadmeed. Wasiirka Warfaafinta Somaliland Mudane Cali Xasan Maxamed (Cali Mareexaan) oo qoraal kooban soo dhigay bartiisa X (ex-Twitter) ayaa ugu baaqay dowladaha reer galbeedka in xal u helida xiisadda ka taagan Badda Cas ay kala tashadaan Somaliland, sida uu hadalka u dhigay. Cali Xasan Maxamed (Mareexaan) ayaa shaaca ka qaaday in xiisadda taagan aan lagu xallin karin gantaallo iyo duqeymo, balse…