Author: radiohalgan.com
12 bilood ee lasoo dhaafay shaqaalihii ugu badnaa ee dowladda Soomaaliya ayaa goostay kadib markii la siiyay Fiisooyin shaqo iyo kuwa dalxiis. Waxay iska dhiibeen Yurub iyo Mareykanka. Waxaana la xaqiijiyay in shaqaalahan ay badi ka baxsadeen wasaaradaha xukuumadda federaalka, bangiga dhexe, xafiiska guddoonka baarlamaanka, hoggaanka ciidamada, maamulka gobolka Banaadir iyo hay’addaha sida gaarka ah u taagan ee dowladda Soomaaliya. Inkasta oo marwalba ay jiri-jireen dad ka baxsada dowladda Soomaaliya markii shaqo ama aqoon kroorsi loogu diro Yurub iyo Mareykanka, haddana dadka aan arrintaan wax ka weydiinay ee dowladda Soomaaliya ka tirsan waxay sheegeen in 24 bilood ee lasoo dhaafay…
Ku tiirsanaanta Villa Somalia ee nidaamka Abu Dhabi waa gaba-gabo, laakiin taliska madaxweyne Xasan Sheekh weli ma rabo inuu xaqiiqada u bareero, wuxuu naawilayaa rejo dambe. Tan iyo markii Imaaraadka ay joojiyeen lacagihii kabka ahaa ee ciidanka dowladda, lana baxeen diyaaradahoodii Drones-ka ahaa ee ay kaga qeyb qaadanayeen la-dagaalanka argagixisada, waxaa muuqaneysa in lagu jiro marxaladii kala guurka labada dal. Xasan Sheekh oo Imaaraadka saaxiib la ahaa kal xukunkiisi hore ayaa gacan fiican ka helin intii uu mucaaradka ahaa iyo intii uu ku jiray geedigiisi dib u doorashada. Waxaana laga dharagsanaa sida uu Saciid Cabdullaahi Deni u ahaa musharaxa dhabta…
Hay’adda Tayo-dhowrka Qaranka ayaa maanta dekadda Muqdisho ku qabatay Bur qoyan oo gaaraya dhowr kunteenar. Burkan ayaa la doonayey in loo iib geeyo suuqyada magaalada Muqdisho kaasoo halis ku ah nolosha iyo deegaanka. Hay’adda Tayo-dhowrka Qaranka ayaa kordhisay baaritaannada joogtada ee Dekedaha, Garoomada iyo bar-xuduudaha dalka iyada oo hubineysa badeecadaha kala duwan ee dalka soo gala. Talaabooyinkan ayaa looga gol leeyahay si bulshada looga badbaadiyo cudurrada halista ah ee laga qaado badeecadaha taariikh ahaan dhacsan iyo kuwa tayadooda ay hooseyso. Dhowaan ayey aheyd markii dekeda Muqdisho lagu qabtay bur fara badan oo laga keenay dalka Turkiga kaasoo ahaa mid dhacay
Madaxweynihii hore ee dalka Gabon, Cali Bongo iyo labadiisa wiil ayaa xaalad adag ku wajahaya xabsi ay ku xiran yihiin, waxa ayna go’aansadeen in ay cuntada ka soomaan si xaaladooda wax looga qabto. Qareennada iyo qoyska Madaxweynihii hore ee dalka Gabon ayaa sheegay in tacadi iyo jirdil loo geesto Madaxweynaha iyo wiilashiisa laguna dhax ciqaabo xabsiga, waxa ayna xuseen in hadda ku jiraan bannaan-bax cunto kasoo mid ah. Madaxweynihii hore ee dalka Gabon ayaa af-gembi milatari xilka looga tuuray wax yar kaddib markii uu ku guuleestay doorasho lagu murmay oo dhacday bishii Agoosto ee sanandkii hore 2023. Milatariga talada dalka…
Maxkamadda Rafcaanka gobolka Banaadir ayaa goordhaw xukun dil ah ku riday Sayid-Cali Macalin Daa’uud, oo maxkamadda ku heshay in isagu ka dambeeyay geerida iyo gubitaanka xaaskiisii Luul Cabdicasiis. Guddoomiyaha maxkamadda Racfaanka ayaana aqriyay dhammaan eedeymaha lagu soo eedeeyay Sayid-cali Macalin Daa’uud iyo caddeymaha lagu helay, waxa uuna ku dhawaaqay in uu ku riday Sayid-cali xukun dil ah. Ehelada Luul Cabdicasiis oo goobjoog ka ahaa maxkamadda ayaana si weyn usoo dhaweeyay xukunka dilka ah ay maxkamadda ku riday Sayid-cali, waxa ayna sheegeen in si caddaalad ah xukun u dhacay. Geesta kale ehelada Sayid-cali Macalin Daa’uud ayaa si weyn uga naxay xukunka…
Madaxweynaha Jamhuuriyadda Federaalka Soomaaliya Dr. Xasan Sheekh Maxamuud ayaa xuska maalinta dhalinyaradda Soomaaliyeed ee 15-ka May awgeed waxa uu Ubax dhigay Taallada SYL oo lagu xasuusto dhalinyaradii gobanimo u dirirka ahayd ee SYL. Wasiirro katirsan xukuumadda Federaalka Soomaaliya, Guddoomiyaha gobolka Banaadir, taliyaha ciidanka booliska, saraakiil ciidan iyo masuuliyiin kale ayaa ka qeybgalay munaasabadda Ubax dhigga xuska 15-ka May, oo ah maalinta aas-aaska dhalinyaradii gobanimo doonka SYL ee dhexda u xirtay dhismaha Qaranka Soomaaliyeed. Madaxweynaha Soomaaliya Xasan Sheekh Maxamuud oo khudbad jeediyay ayaa sheegay in dhallinyarada Soomaaliyeed dalkan usoo halgameen ayna hormuud u ahaayeen xuriyadda maanta la heesto. Sannad kasta maanta…
Ku-simaha Madaxweynaha ahna Madaxweyne ku-xigeenka Hirshabeelle mudane Yuusuf Axmed Hagar (Yuusuf Dabageed) ayaa shir-guddoomiyay kulan looga hadlayay amniga oo maanta ka dhacay magaalada Beledweyne. Kulankan waxaa goobjoog ahaa Wasiirka Arrimaha Guddaha iyo Dowladdaha Hoose ee Hirshabelle, Guddoomiyaha gobalka Hiiraan, saaraakiisha booliiska, nabad-sugida iyo kuwa midowga Afrika ee ATMIS. Waxaa diirrada la saaray kulanka intii uu socday sidii wadajir loogu xaqiijin lahaa ammaanka magaalada iyadoo masuuliyiinta ay mowqif adag ka istaageen dhowrista muwaadiniinta. “Waa masuuliyad na saaran sugida amniga, kulankan waxa uu ahaa dhammaan dhinacyada howshaas ay ka dhaxeyso mid ay u wada dhan yihiin.” ayaa lagu yiri war kasoo baxay…
Ururka Xisbullaahi Lubnaan ayaa waxay sheegeen inay shalay soo rideen Balloon ama Buufin nooca Sirdoonka oo ay Israel lahayd , si ay wax ugu basaasaan. Balloonkaasi ayaa loogu talagalay inuu sahmiyo dalka Lubnaan, gaar ahaan Fariisimada Kooxda Xisbullaahi Lubnaan. Hadal ka soo baxay Kooxda Xisbullaahi ayaa lagu sheegay inau qaadeen dhowr Duqeyn oo lala beegsaday Saldhiga laga soo ganay Balloonka iyo Qalabka Kontoroolka ama Hagida Balloonada. Qoraalka waxaa lagu xusay in si buuxda loo burburiyey Qalabka iyo in la xaqiijiyey inay waxyeello dhimasho iyo dhaawac soo gaareen dadkii ka shaqeynayey Saldhiga Ballooniska. Wararka waxay sheegayaan in Balloonka laga soo ganay…
Ergayga xafiiska Madaxweynaha Soomaaliya u qaabilsan arrimaha Deeganka ee Macawiisleyda Soomaaliya.Cali Jeyte Cismaan ayaa maanta hoyga uu magaalada Baladweyne ka degan yahay Ugaaska beelaha Xawaadle, Ugaas Yuusuf Ugaas Xasan Ugaas Khaliif ugu tagay hambalyo iyo salaan. Gudoomiyahii hore Gobolka Hiiraan Cali Jeyte Cismaan ayaa Alle uga baryey Ugaaska in uu u fududeeyo mas’uuliyadda-dhaqan ee loogu caano Shubay loona duubay isaga oo Ugaaska u balan-qaaday inuu ku garab taagan yahay arrimaha mudnaanta u leh dhaqanka iyo beesha. Ugaas Yuusuf ayaa dhankiisa mudane Cali Jeyte kaga mahad-celiyay booqashada uu ugu tagay.
Magaalada Muqdisho ee caasimada Soomaaliya waxaa xalay ka qabsoomay shir looga hadlay amniga 5 degmo oo ka tirsan gobolka Banaadir, kaas oo ay isugu yimaadeen maamullada degmooyinka iyo saraakiisha laamaha amniga. Shirka ayaa waxaa guddoomiyay Maxamed Axmed Diiriye (Yabooh) oo ah guddoomiye ku xigeenka amniga iyo siyaasadda gobolka Banaadir, waxaana wehlinayay Taliyeyaasha Qeybta Guud ee Booliska iyo Nabad Sugida Gobolka Banaadir iyo Saraakiisha Ciidanka Police Millitary. Mas’uuliyiintan ayaa ku shiray xarunta Degmada Dharkenley, waxaana looga hadlayay amniga degmooyinka Dharkenley, Wadajir, Kaxda, Dayniile iyo Deegaanka Garasbaaley, waxaana saraakiisha iyo guddoomiyeyaasha ay iska xog wareysteen xaaladihii ugu dambeeyay ee degmooyinkaasi. Sidoo kale…