Sidoo kale, wuxuu tilmaamay Macawiisleyda ay qiimo gaar ah ugu fadhiyaan Dowladd Soomaaliya, loona baahan yahay in la daryeelo loogana jawaabo baahiyahooda.
Hadalka Wasiirka ayaa ku soo aadaya xilli Ciidamada deegaanka ee loo yaqaan “Macawiisley” ay qeyb ka qaataan howlgallada iyo dagaalka ka dhanka ah AS ee ka socda dalka gaar ahaan gobollada Koofurta iyo Bartamaha.
Wasiirka Difaaca Xukumadda Federaalka Soomaaliya, Axmed Macalin Fiqi ayaa sheegay in ay dowladda dib u habeyn ku sameyn doonto Ciidamada Macawiisleyda ee ka barbar dagaalamaya Askarga Dowladda Federaalka.
Wasiirka ayaa sheegay in Ciidanka Macawiisleyda ay kaalin ku leeyihiin dagaalka AS, isaga oo tusaale u soo qaatay Dowladda Ciraaq oo uu tilmaamay in ay u adeegsatay dagaalka dalkaasi looga saaray Daacish iyo Qaacida.
“Waa dad aan dooneyno hadda nidaam in loo ekeysiiyo, maxaa yeelay Ciraaq oo aad arragtay Argagixisada ku duushay, waxaa ay inoo sheegay in Ciidamada Macawiisleyda ay qeyb ka qaateen dagaalka xorreynta dalkaasi” ayuu yiri Wasiir Fiqi.