Magaalada Muqdisho ee xarunta Soomaaliya ayaa waxaa la qorshaynayaa in si rasmi ah loogaga dhawaaqo urur…
Magaalada Muqdisho ee xarunta Soomaaliya ayaa waxaa la qorshaynayaa in si rasmi ah loogaga dhawaaqo urur siyaasadeedka Caddaaladda iyo Wadajirka oo uu hoggaaminayo Madaxweyne Xasan Sheekh Maxamuud.
Xisbigii hore UPD ee madaxweyne Xasan Sheekh oo la balaariyey ayaa la qorsheeyay in lagu dhawaaqo Toddobaadkii hore, balse wuxuu u baaqday Khilaaf ka dhashay awood qeybsiga xilalka sare ee ururkaan.
Madaxweynaha maamulka Koonfur Galbeed Cabdicasiis Xasan Maxamed (Lafta-gareen) oo horay uga biyo diidey saami qaybsiga xilalka sare ayaa wararku sheegayaan in lagu qanciyey inuu noqdo guddoomiye ku-xigeenka 1aad ee ururka.
Urur siyaasadeedka Caddaaladda iyo Wadajirka Soomaaliya ayaa waxaa ka soo muuqan doona madaxda DFS, qaar kamid ah dowlad goboleedyada, xildhibaano iyo xubno kale oo siyaasadeed.