Xiddigii hore ee kooxda Liverpool ee Mark Lawrenson ayaa sheegay in xiddiga Trent Alexander-Arnold uu ka tagi doono Liverpool xagaaga dambe.
Lawrenson ayaa sheegay in xiddiga reer England uu u dhaqaaqi doono Real Madrid marla la gaadho suuqa kala iibsiga xagaaga dambe.
Heshiiska Trent Alexander-Arnold ee Liverpool ayaa dhici doona dhamaadka xilli ciyaareedkan isaga oo aan wali heshiis cusub u saxiixin kooxda.
“Uma malaynayo in Trent Alexander-Arnold sii joogi doono Liverpool bilowga xilli ciyaareedka dambe”ayuu Lawrenson yidhi.
Waxa aan sawiran karaa in uu u dhaqaaqi doono Real Madrid, waxa halkaas ka ciyaara xiddig u ciyaara xulka England waana Jude Bellingham”.
“Waxa aan arki karaa in uu xilli ciyaareedka dambe ka garab ciyaaro Jude Bellingham”ayuu sii raaciyay.