Ilo wareedyo sugan oo lagu kalsoon karo kana tirsan Xafiiska Villa Somalia ayaa xaqiijiyay in Madaxweyne Xasan Sheekh Maxamuud uu u magacaabay Fartuun Bile Maxamud Jimcaale inay noqoto Xoghayaha guud ee maamulka Gobalka Banaadir.
Xilka Xoghayaha guud ee Gobalka Banaadir ayaa waxaa laga qaaday Faisal Caraale Afrax oo xilkaas Madaxweyne Xasan Sheekh Maxamuud u magacaabay sanaddii 2022-dii kadib soo jeedin magacaabis oo ka timid Xildhibaan Cabdullaahi Maxamed Cali Sanbalolshe.
Warqadda wareegtadda magacaaabista Fartuun Bile Maxamud Jimcaale, ayaa waxa saxiixay Madaxweyne Xasan Sheekh Maxamuud maanta inta uusan u safrin dalka Jabuuti.
Fartuun Bile Maxamud Jimcaale, ayaa horey ugu tartantay kursiga Xildhibaanimo ee uu ku ku fadhiyo haatan Xildhibaan C/naasir Xaaji Shirwac ee HOP004 kaasoo ka dhacay xarunta Magaaladda Baladweyne ee Gobalka Hiiraan
Dhanka kale, Fartuun Bile Maxamud Jimcaale ayaa waxaa gadaal ka riixayay si ay u noqoto Xoghayaha guud ee Gobalka Banaadir Xuseen Sheekh Maxamuud oo la dhashay Madaxweyne Xasan Sheekh Maxamuud iyo Marwo Maryan Xaaji Cilmi Waasuge oo horey u soo noqotay Guddoomiyihii ugu horreeyay ee Haweenka Qaranka Soomaaliya ee Dowladdii dhexe ee Soomaaliya sanaddii 1975.