Madaxweynaha Soomaaliya ayaa waxa uu munaasabaddii xil wareejinta ee taliyaha xilka ka dagay ee Hay’adda NISA iyo kan cusub uu ka sheegay in uu aad u mahdiyay shaqada hay’adda labadii sano ee la soo dhaafay.
Madaxweyne Xasan Sheekh ayaa ku amaanay taliyaha xilka ka dagay, Mahad Maxamed Salaad shaqadii uu qabtay, balse wuxuu intaas ku daray in isaga iyo Mahad ay yihiin saaxiibbo muddo is garanayay oo soo wada maray halgan nololeed.
“Xan ma ahan horta, aniga saaxiibkeey waaye” ayuu yiri madaxweyne Xasan oo khudbanayay isaga oo dhoola caddeyna. “Dhawr iyo toban sano ayaan isla soo noolayn oo isla soo joognay. Nin aan bartay, ku kalsoonaaday, oo aan aqaano ayuu ahaa”.
Waxa uu intaas ku daray sababta uu shaqada Nabad Sugidda Soomaaliya uu ugu dhiibay inay tahay kalsoonida weyn ee uu ku qabo.
Madaxweynaha Soomaaliya ayaa waxa uu munaasabaddii xil wareejinta ee taliyaha xilka ka dagay ee Hay’adda NISA iyo kan cusub uu ka sheegay in uu aad u mahdiyay shaqada hay’adda labadii sano ee la soo dhaafay.
Madaxweyne Xasan Sheekh ayaa ku amaanay taliyaha xilka ka dagay, Mahad Maxamed Salaad shaqadii uu qabtay, balse wuxuu intaas ku daray in isaga iyo Mahad ay yihiin saaxiibbo muddo is garanayay oo soo wada maray halgan nololeed.
“Xan ma ahan horta, aniga saaxiibkeey waaye” ayuu yiri madaxweyne Xasan oo khudbanayay isaga oo dhoola caddeyna. “Dhawr iyo toban sano ayaan isla soo noolayn oo isla soo joognay. Nin aan bartay, ku kalsoonaaday, oo aan aqaano ayuu ahaa”.
Waxa uu intaas ku daray sababta uu shaqada Nabad Sugidda Soomaaliya uu ugu dhiibay inay tahay kalsoonida weyn ee uu ku qabo
XIGASHADA SAWIRKA,FACEBOOK
Haddaba side isku barteen Xasan iyo Mahad
Mahad Maxamed Salaad oo la hadlay BBC da ayaa sheegay in madaxweyne Xasan Sheekh ay saaxiibo yihiin muddo 13 sano ah.
Markii ugu horeysay ayuu sheegay in kulmeen horaantii waqtigii la aasaasay xibsi siyaasaadeed oo lagu magacaabi jiray PDP, kaas oo uu aasaasayaashiisa ka mid ahaa madaxweyne Xasan Sheekh.
Mahad ayaa BBC da u sheegay in xisbigaas uu qayb ka noqday ka dib markii ay soo dhaweeyeen xubnihii xisbigaas, isaga oo noqday gudoomiyaha xafiiska Qaahira ee xisbiga.
Waqtigaas wixii ka dambeeyay Mahad waxa uu sheegay in uu ka mid noqday afartii xildhibaan ee ugu horeysay ee ka soo baxay xisbiga, isaga oo codkiisa xildhibaanimo siiyay madaxweyne Xasan oo xilligaas aan caan ka ahayn saaxada siyaasadda ee Soomaaliya.
Mahad ayaa sheegay “In odayaasha reerka uu ku matalay kursiga xildhibaanka ay u soo jeediyeen in uu codka siiyo musharrax markaas caan ahaa balse uu ku adkeystay in codkiisa uu siiyo Xasan Sheekh Maxamuud.
“Waligeey qof aan isaga ahayn uma codeyn” ayuu yiri Mahad oo ka hadlayay sida uu daacad ugu ahaa saaxiibkiis Xasan.
Xubnaha xisbiga ee xilligaas ayaa waxa ka mid ahaa ra’iisul wasaaraha haatan Xamse Cabdi Barre, Xildhibaan Aamino Maxamed oo sanadkii 2022 kii ku geeriyootay qarax ka dhacay Baladweyne iyo Mahad Salaad.
Waxa uu sheegay Mahad in waligiis isaga iyo madaxweyne xasan Sheekh aysan isku qaban afkaar iyo si shaqsi ah midna intii ay is garanayeen.
XIGASHADA SAWIRKA,DPD / FACEBOOK
Sanadkii 2017 kii, markii doorashada madaxweynenimo looga adkaaday madaxweyne Xasan Sheekh ayuu sheegay in uu ahaa qofka ugu dhaw ee la joogay ee aan marnaba ka tagin, sidoo kale markii uu noqday madaxweynaha ayuu sheegay in sidaas oo kale uu yahay qof aad ugu dhaw.
“Siyaasad kaliya ma ahan ee xitaa shaqsiyan waan is fahanaa,” ayuu yiri Mahad.
“Laba nin oo hadii nololi ay jirto in ay wada noolaadaan diyaar u ah, hadii nafta in la isku huro ay timaadana aan kala hagaranayn ayaan nahay” ayuu yiri Mahad.
“Isagaa ka tagay Xilka”
Hadalka madaxweynaha ayaa ku soo aaday iyada oo dhawaan la hadal hayay in madaxweynaha iyo taliyaha nabad sugidda uu is fahmi waa soo kala dhexgalay.
Iscasilaadiisa ayaa dadka qaar waxay ku micneeyeen in ay tahay mid lagu qasbay.
Madaxweyne Xasan Sheekh ayaa waxa uu ka sheegay munaasabadda xil wareejinta in Mahad uu isagu doortay in uu isaga tago shaqada agaasimaha hay’adda, si uu u raadsado jagooyin kale oo uu ku taamayo.
“Isagaa rabitaankiisa ku tagay oo aduunyo iyo hawlo kale usii socde e, meeshaan meel laga neceb yahay ama lagu dhaliilay ma ahayn,” ayuu yiri madaxweyne Xasan Sheekh.