Wiil dhalinyaro ah oo 14 jir ah ayay biriq ku dishey beer ku taal duleedka magaalada Jowhar gelinkii dambe ee shalay.
Wiilkan oo la oran jirey Maxamed Cabdinaasir ayaa ku sugnaa beer xilligii roobka uu da’ayay,waxaana uu Radio Jowhar u sheegay aabaha dhalay wiilkaas in la helay meydkiisa isagoo dharkiisa uu gubtay.
Roob xoog leh oo xalay ka da’ay magaalada Jowhar ayaa sababay in qoysas badan ay biyo guryahooda soo galaan.
Waxaana roobka uu saameyn weyn ku yeeshay isu socodka gaadiidka iyadoo gaadiidka adeegsanayay wadooyinka aan laamiga ahayn ay saaka shaqeyneyn.