Tababaraha caanka ah ee Arsenal Arsene Wenger ayaa kalsooni ku qaba in kooxdu ay wax ka baratay casharadii xilli ciyaareedkii hore ayna diyaar u yihiin inay soo afjaraan 20-kii sano ee ay sugayeen horyaalka Premier League.
Kooxda Mikel Arteta ayaa sanadkii labaad oo xiriir ah ku hogaamineysa kala sareynta, iyadoo Manchester City ay hal dhibic ka hooseyso.
Arsenal ayaa waxaa soo gaaray dhaawacyo dhowr ah oo isa soo taraya, maadaama ay barbaro galeen seddex kulan oo xiriir ah ka hor inta aysan guuldaro xun kala kulmin afar gool iyo hal kulan oo ka dhacay Etihad Stadium xilli ciyaareedkii hore.
Wenger ayaa ku yiri”Waxaan u maleynayaa sidaas, haa, Arsenal waxay awood u leedahay inay horay u socoto.”
Waxa uu hadalkiisa raaciyay: “Kulanka soo socda waxa uu noqon doonaa mid xoogaa go’aamin kara horyaalka sababtoo ah waxaan aadi doonaa Manchester City, maxaa diidaya, City mar walba waa koox adag in lala ciyaaro, laakiin waxaa laga yaabaa inaysan u awood badnaan sidii sanadkii hore waqtigaan”.
Isaga oo hadalkiisa sii wata ayuu yidhi: “Laakiin Manchester City way taqaanaa sida loo maamulo ciyaaraha waxayna leeyihiin aqoon dhamaystiran”.
Isaga oo hadalkiisa sii wata waxa uu yidhi: “Arsenal waxa ay leedahay awood,laakin waa in ay muujisaa in ay awood u leedahay in ay muujiyaan awoodooda, waxa aan rajaynayaa oo aan ku qanacsanahay in ay wax ka barteen sanadkii hore”.