Isku duwaha Wasaaradda Caafimaadka gobolka Hiiraan Mudane Xasan Axmed Barkhadle ayaa maanta hay’adda Save the Children kala wareegay Seddax Ambulance oo loogu tala galay degmooyinka kala ah Maxaas Matabaan iyo Magaalada Beledweyne.
Gaadiidkan Ambulance oo ku qalabeysan agab caafimaad oo Casir ah ayaa qeyb ka ah dhamestirka mashruuca ah Damal Caafimaad iyo dadaallada ay Wasaaraddu Caafimaadka ugu jirto kor u qaadista iyo tayeynta adeegyada caafimaad ee bulshada, iyo in deeganada Mi’yiga ah bulshada ku nool la gaarsiiyo adeeg caafimaad oo bilaash ah.
Madasha wareejga gaadiidka Ambulance waxaa ka sugnaa Mayarka Beledweyne Nadar Tabaax Maalin Guddoomiyaha degmada Beledweyne Cumar Calasoow Mareeyaha Mashruuca Damal-Caafimaad Axmed Shiikh Cali Odayaal iyo qeybaha kale ee bulshada.
Maxamed Abuukar oo ku hadlayay afka Save the Children ayaa gaadiidka Ambulance ku wareejiyay Isku duwaha Wasaaradda Caafimaadka gobolka Hiiraan Mudane Xasan Axmed Barkhadle.
Isku duwaha Wasaaradda Caafimaadka gobolka Hiiraan Mudane Xasan Axmed Barkhadle oo markii uu gudoomay Seddaxdaasi Ambulance waxa uu u mahadceliyay hay’adda Save the Children.
Guddoomiyaha degmada Beledweyne Cumar Cismaan Calasoow ayaa dhankiisa madasha ka hadlay waxa uu u mahadceliyay wasaaradda Caafimaadka gobolka Hiiraan iyo hay’adda Save the Children.