Alle ha u naxariistee Wariye Cabdikariin Axmed Bulxan oo ka tirsanaa Warbaahinta Qaranka ayaa ku geeriyooday magaalada Caabudwaaq, kaas oo u geeriyooday dhaawac kasoo gaaray rasaas uu ku dhuftay shalay mid kamid ah ilaalada xarun agoon oo ku taala magaalada Caabudwaaq.
Qoraal kooban oo ka soo baxay warbaahinta dowladda ayaa lagu yiri, βMadaxda iyo shaqaalaha wasaaradda Warfaafinta, Dhaqanka iyo Dalxiiska XFS waxay tacsi tiiraanyo leh u dirayaan Qoyska iyo Ehelkii Alle ha u naxariistee Marxuum Cabdikariin Axmed Bulxan, iyagoo Alle uga baryey inuu siiyo naxariis iyo Jannatul Fardowsa.β
Sidoo kale warkale oo ka soo baxay warbaahinta dowladda ayaa lagu sheegay, βWasiirka Wasaaradda Warfaafinta, Dhaqanka iyo Dalxiiska Soomaaliya Daauud Aweys Jaamac, Wasiir ku xigeenka Wasaaradda Warfaafinta C/raxmaan Yuusuf Cumar Al-Cadaala, Agaasimaha Guud ee Wasaaradda C/laahi Xayir Ducaale, Agaasimeyaasha Waaxyaha iyo Hawlwadeennada Wasaaradda Warfaafinta, Dhaqanka iyo Dalxiiska Soomaaliya waxa ay Tacsi Tiiraanyo leh u dirayaan Qoyska, Qaraabada iyo Asxaabta Marxuum Cabdikariin Axmed Bulxan oo ka mid ahaa Shaqaallaha Wasaaradda, kaas oo ku geeriyooday magaalada Caabudwaaq.β
Dilka Wariyaha ayaa sidoo kale waxaa ka hadlay qaar ka mid ah madaxda dalka iyo kuwa horay xilal kale duwan uga soo qabtay, waxa ayna dowladda ugu baaqeyn in caddaaladda la horgeeyo Askari dilka u geystay Wariyaha.